زيت فيتامين E وبديله ( رد بنت عذاري )

ن

نا را

عروس برونزية

27-01-2007 | 11:46 AM

السلام عليكم ورحمة الله وبركاته..

والله اكتب موضوعي وانا منحرجة..ادري إنك مشغولة والضغط عليك كبير..والاسئلة كثيرة..لكن في المقابل اعرف انك حبوبة وقلبك كبير..

ماراح أطول عليك..لكن حبيت أسأل بخصوص زيت فيتامين e كعلاج للخطوط البيضا على الجسم..اللي لاحظته ان الزيت ثقيل مرة ومش مرن عند الاستخدام والتدليك..وجربت أضيفه على الخروع بكميات متساوية .. لكن مازال ثقيل لأن الخروع أصلاً ثقيل..

ايش رايك لو خلطته مع زيت جنين القمح (لأنه خفيف وسريع الإمتصاص) علشان أحصل على مزيج أكثر مرونة وأسهل في الإستخدام..؟؟لأني راح استخدمه على مساحات واسعة من جسمي وراح احتاج لجهد ووقت كبير في التدليك...فحبيت أخلي المزيج اكثر مرونة أسهل لي في الاستخدام..ولا حبيت ابدأ الا بعد ما أشوف رايك في الموضوع..

أمزج زيت الفيتامين مع جنين القمح؟؟ولا لا؟؟وهل يعتبر حل ناجح لإكساب الزيت مرونة اكبر..؟؟

وآسفة على الإطالة..

انا في انتظارك ...

اختك:نارا...:shy:

ب

بنت عذاري

صاحبة اكثر الوصفات المجربة تميزاعضو شرف منتديات عروس

27-01-2007 | 02:11 PM

نا را:
السلام عليكم ورحمة الله وبركاته..

والله اكتب موضوعي وانا منحرجة..ادري إنك مشغولة والضغط عليك كبير..والاسئلة كثيرة..لكن في المقابل اعرف انك حبوبة وقلبك كبير..

ماراح أطول عليك..لكن حبيت أسأل بخصوص زيت فيتامين e كعلاج للخطوط البيضا على الجسم..اللي لاحظته ان الزيت ثقيل مرة ومش مرن عند الاستخدام والتدليك..وجربت أضيفه على الخروع بكميات متساوية .. لكن مازال ثقيل لأن الخروع أصلاً ثقيل..

ايش رايك لو خلطته مع زيت جنين القمح (لأنه خفيف وسريع الإمتصاص) علشان أحصل على مزيج أكثر مرونة وأسهل في الإستخدام..؟؟لأني راح استخدمه على مساحات واسعة من جسمي وراح احتاج لجهد ووقت كبير في التدليك...فحبيت أخلي المزيج اكثر مرونة أسهل لي في الاستخدام..ولا حبيت ابدأ الا بعد ما أشوف رايك في الموضوع..

أمزج زيت الفيتامين مع جنين القمح؟؟ولا لا؟؟وهل يعتبر حل ناجح لإكساب الزيت مرونة اكبر..؟؟

وآسفة على الإطالة..

انا في انتظارك ...

اختك:نارا...:shy:

غاليتي نارا

بخصوص كثافة زيت فيتامين E هو فقط يكون بهذه الكثافه اذا كان كبسولات

وأما الزيت الخالص السائل الذي يباع في زجاجات فهو خفيف وشبيه بسيولة زيت الزيتون

وذكرت سابقا ان لمعالجة التشققات ومناطق الجسم بمساحات كبيره نستخدم زيت الفيتامين الخالص

الخفيف وهو متوفر بالصيدليات واماكن بيع المكملات الغذائيه بصورها المختلفه ..كبسولات..

زيوت..كريمات..كلها بمكونات طبيعيه

والزيت الخالص الخفيف والسائل لفيتامين E يكون هكذا../وهو مناسب للدهن المباشر على الجلد

ولوصفات الوجه او محيط العين نستخدم زيت الكبسولات

وعموما اذا ماحصلتي على الزيت الخالص الخفيف يمكنك خلط التالي :

زيت لوز حلو / زيت جنين قمح (نوع واحد منهم) / مقدار مضاعف + زيت كبسولات/ مقدار واحد

+ زيت خروع / مقدار مضاعف

ولكل من لم تحصل على الكبسولات..اخلطي التالي:

زيت لوز حلو + زيت جنين قمح + زيت خروع بنسب متساويه

وربي يحفظك

ن

نا را

عروس برونزية

27-01-2007 | 08:35 PM

حبيبتي بنوتة عذاري انا اخذته من صيدلية جعفر عندكم بالبحرين في قارورة بحجم 28 مل ...سائل ابيض شفاف ..ولكن ثقيل جدا جدا..واشد كثافة من الخروع..ومكتوب عليه انه يستخدم لعلامات التمدد ولحول العيون وعلى الندب وآثار الجروح..
لكن ثقله وكثافته مش طبيعية(صعب الفرد على البشرة وصعب الاستخدام) .. غير توصيفك اللي وصفتيه..وبحاول انزل صورة اللي عندي..

هذي صورة الزيت اللي عندي ومثل ماقلت لك ان ثقيل كثير يشبه العسل في كثافته

اول مرة احمل صور شكلها نكتة ......ههههههههه...لكن تفي بالغرض اهم شي اني نجحت في التحميل ووصلت الصورة لبنت عذاري

للرفع......ياليت تشوفين يابنت عذاري نوعية الزيت اللي عندي..وكيف اعرف ان الزيت اللي باخذه خفيف او ثقيل قبل اشتريه..

ا

اموووووووووونة

عروس مبدعة

28-01-2007 | 12:06 PM

بنت عذاري

اني بعد توني شريت زيت مثل اخت نارا و بديت استخدمه
يعني مو هو ؟

ن

نا را

عروس برونزية

29-01-2007 | 04:24 PM

لا حبيبتي امونة الزيت صح هو زيت فيتامين (اي)..لكن المشكلة انه ثقيل كثير وصعب الاستخدام..

غير مريح وقت الفرد والتدليك..

والانواع اللي تتكلم عليها بنت عذاري تقول انها خفيفة مش كثيفة يعني في سماكة زيت الزيتون ..

فحبيت اوريها ان النوعية اللي عندي ثقيلة وهذي صورتها..وكيف اعرف سماكة الزيت قبل لا اشتريه..

يمكن الصيدلي يفيدنا..انا راح آخذ صور الزيوت اللي نزلتها بنت عذاري الله يعطيها العافية واعرضها على الصيدلي علشان يطلع لي مثلها..

لان الزيت اذا كان خفيف ترتاحين وقت التوزيع والتدليك ..وتمتصه البشرة بوقت اسرع..

وينك يابنت عذاري حنا من غيرك ضايعين بعد الله شوفي لنا الفرق بين الزيت الغير كثيف اللي عندك وبين هذا اللي شريناه..؟؟؟؟؟؟؟؟

ر

ريما الخليجية

عروس ركن العناية بالبشرة والجسم وركن العروس

12-03-2012 | 02:28 PM

موضوع مفيد