حيرانه ومحتاجه حاجه تريحنى

السلام عليكم ورحمه الله وبركاته
انا هدخل فى الموضوع علطول لانى بجد محبطه جدا ومش عارفه اعمل ايه

دلوقتى انا مخطوبه بقالى 6 شهور تقريبا وانا وخطيبى نحب بعض تقريبا ولكن مش دى المشكله المشكله ان فى فرق عادات وتقاليد بين اهلى وبين اهله بمعنى انى من محافظه وهو من محافظه تانيه والسؤال بتاعى بيتعلق بهذه الاصول

خطيبى عزمنى انا واسرتى على فرح اخته ولحضور الفرح يستلزم انى اسافر مسافه كبيره جدا ولكن مش دى المشكله
المشكله ان ابويا مصمم ان خطيب اختى و والدته يحضروا الفرح معانا ولكن والد خطيبى بيقول ان كدا غلط وعيب عندهم لانه اولا محدش عزمه ثانيا لأن والد خطيبى مش هيقدر يخلى خطيب اختى يبات معانا فى البيت مع العلم ان اهل خيبى كانوا هيستضيفونا اليومين دول

وعلى العكس فى الجانب الاخر والدى يصمم ان خطيب اختى وامه يحضروا الفرح وعامل مشاكل كتير اوى بسبب الموضوع دا وشايف ان دى الاصول

يمكن اى حد يشوف الموضوع هين ولكن مع كثره المشاكل كل يوم وتهديد ابى بفسخ خطوبتى ان لم يحضر خيب اختى وامه معنا يجعل نفسيتى تعبانه جدا

انا بصراحه شفتها من منظور تانى يمكن اوافق ابى فى رأيه ووضعت نفسى مكان جميع الاطراف ووجدت ان ميصحش حد يحضر فرح حد ميعرفوش وثانيا ابى عامل مشكله بدون مشكله

اسفه طولت عليكم بس كنت محتاجه افضفض اوى مع اى حد ويا ريت اللى يدخل يقرى يفدنى لانى محتاجه كل رد منكم وجزاكم الله كل خير