ابغي افضفض .. و مالي خوات غيركم .. :(

السلام عليكم و رحمة الله و بركاته ..

بنات انا خاطري افضفض .. و لو مب انا مرتاحتلكن وحده وحده جان ما فضفت لكن ..

يعلم الله اني من دخلت هالمنتدى و انا احسه انه غير .. من اول ما سجلت ارتحت لكم راحه عجيبه ..

بنات انا عندي مشكله .. ز الي بتقرا موضوعي اخافها تقولي وين المشكله ..

اصبروا عليه .. ز خلوني اقولكم كل الي فخاطريه ..

بنات انا من حوالي السنه تعرفت على واحد .. محترم و طيب و خلوق .. و الاهم من ها كله اني احبه موووووووت ..

من اسبوعين تقريبا قالي انه مايقدر يصبر اكثر و يبا يخطبني ..

انا الصراحه ما صدقت و استانست من الخااااااااااطر و قمت افكر شو اقول حق امايه عن سالفة الخطبه ..

المهم .. هم من بوظبي و ناس ما نعرفهم ولا هم يعرفونا .. قبل كمن شهر اخته عرست ..

و هو قالي شو رايج تين عرس ختيه عسب الوالده تشوفج ..

انا وافقت .. لكن استوت لي ظروف ولا رمت اسير العرس المهم .. :(

المهم ماعلينا .. انا بعدني ادرس فالجامعه .. و باجي لي سنتين ....

هو يقولي مايروم يتريا سنتين .. و انا عادي عندي اني اعرس و اكمل دراستي ..

يابنات الي اخاف منه ان امايه ترفضهم عشان دراستيه .....

مابغي اخسره يابنات .. مااااااااااابغي ..

انا ماصدقت انه قالي انه يباني بالحلال ..

بناات كيف اقنع امايه .. مااعرف شو اقولها ..

ياريت الي متزوجه و بعدها تدرس تخبرني شو قالت حق امها و كيف اقنعتها ..

ولا كيف امها وافقت ولا قالت اول شي تخلصين ..

والله اني ادعي ربي ليل نهااااار انه يخليه لي ولا يحرمني منه و يجمع بينا بالحلال ..


بس سالفة امايه هيه الي مخلتني ماعرف شو اسوي ..

دخيييلكم حبايبي خبروني علموني شو اسوي ..و خاصه ان مالي خوات .. و انا البنت الوحيده فالعايله .. يعني ما كد مريت بهالتجربه من قبل ..

مالي غيركم دخيلكم قولو لي شو اسوي ....

اسمحولي ع الاطاله ...