ذكرى زواجي ممكن .........................؟؟؟؟؟؟؟؟

اختي اذا كنت تكتبين مذكراتج خلال هالسنة عطيها زوجج هدية

اما اذا ما كان فيه فاخذي كل الصور اللي صورتيهم خلال هالسنة انت وياه وخليهم بالبوم حلو وعطيه اياه هدية

شو رايج بعشا رومنسي
انا الصراحة من شهر كان عيد زواجي الاول وسويت حفلة بسيطه بس حمرا ورومنسية

اولا طلبت عشا لشخصين لاني الصراحة بكون وايد مشغوله في التزيين بس الكيك انا سويته في القوالب العجيبة الي على شكل الورد الجوري طلع ايخبل

ثانيا زينت الطاولة الي في الصالة عشان نتعشى عليها بالطريقة التالية:
-مفرش حلو ومنقش بس سهل التنظيف (نايلون وممكن تشترينة بالمتر)
-في نص الطاولة نثرت ورد مجفف احمر و وردي لانه الالوان الي اختاريتها احمر وفضي وبعد نثرت كرستالات حمرا وشفافه
-على الطاولة بعد نثرت لمعه او جلتر شريتة من المكتبة باللون الاحمر والفضي
-نثرت على الطاولة بعد قلوب صغيره وبوسات حمر وبيض وانا شريتهم من هذا المنتدى
-وفي نص الطاولة حطيت صحن فيه ماي وفي الماي حطيت من الورد المجفف والجليتر والقلوب والبوسات وبعدحطيت كرستالات حمراء وشفافه مع شمعتين صغار على شكل قلب مغطى بالجلتر الفضي وبسبب الورد المجفف لون الماي صار احمر فاتح وكان لونه ايجنن معني ما اتعمدت هذا الشي
-وفي نص الطاولة بعد حطيت شمعتين طولهم متوسط وشوي عراض وثبتتهم في قلوب زجاج حمر شريتهم من لايف ستايل واسمهم" كاندل هولدرز" وفصلت بين الشمعتين بصحن الماي
-استخدمت طقم صحون العزايم المذهب للكشخة ورتبت الصحون و ادوات الاكل مثل المطاعم

ثالثا على ارضية الصاله نثرت من القلوب والبوسات الصغار لانهم اسهل في التنظيف (لو عندي خادمه جان نثرت بعد جلتر بس كنت احاتي عمري انا الي بنظف)

رابعا فضلت الاضاءة اتكون رومنسية فكانت الاضاءة بس من ابجورتين في الصالة وشموع وزعتها

خامسا فواحة العطر عشان الريحة اتكون حلوه وعلى طول وبتحصلين منها في لايف ستايل ويا الزيت مالها

سادسا حطيت هدية تحت الطاولة عبارة عن عطر من باريس غالري الي ايي في علبة مميزه على اساس اعطيه الهدية بعد العشا (حركه عشان ايفكر هذي هديته وبس)

سابعا في غرفة النوم زينت السرير ببالونات على شكل قلب مكتوب فيهن اي لوف يو والاضاءة بعد تعتمد على الابجوره وسلسه لمبات على شكل قلوب

ثامنا على السرير حطيت علبة كبيرة فيها هدايا واايد تقريبا عشر هدايا من عقم وساعة وعطور وبرواز فيه صور شهر العسل واغراض وااايد ما اذكرها

تاسعا في كورنر في الغرفة رتبت لقعده رومنسية وكانت تحتوي على لعبة شطرنج الحب الي شريتها من وحدة في المنتدى ولاتنسين تقفلين الغرفة عشان ما يدخل وتخترب المفاجأه الثانية

عاشرا اللبس كان عبارة عن لبس تنكري للخادمة الفرنسية بس الصراحه طلع ايجنن مثل الفستان والميكب سموكي والروج احمرررررررررررررررررررر

الصراحة طريقة تقديم العشا والترتيب صراحه فاجأ زوجي وحمسه وما أحتايينا نلعب باللعبة (اذا فاهمه قصدي<=)

احس اني طولت عليج سوري بس اذا حابه سوي بعض الافكار الي كتبتهم لج مب لازم اطبقينهم بالحرف

مع السلامه وربي ايوفقج

حبيبتي دروب الايام شوفي ملف الرومانسيات المثبت بالقم بتحصلين مواضيــــــــــــــع كثيرة عن كل الي تحتاجينه ومري على ملف الهدايا عشان تشوفين شنو ممكن تشترين لزوجج

والله يهنيكم ويسعدكم يـــــارب

اختج
#رومانسية#