حبوب منع حمل تنحف

حمدالله على سلامتج ماما حسووون

ماعندي خبرة بحبوب لكن اكثر البنات يشتكون منها انها تمتن او تزيد العصبيه او تسبب تساقط الشعر فلو ترجعين لطريقتج يعني ماشاءالله تميتي سنه و8 شهور زين تمي على القذف

حبيبتي اختي استخدمة حبوب ياسمين
واهي اخف من ناحية الاعراض
ماتسبب صداع ولا تساقط شعر
والله اعلم

هلا حبيبتي

احنا ما نقدر انقولج عن حبوب منع الحمل يفيدج .

اتعرفين ليش؟؟؟؟؟

لان جسمج يختلف من جسم الي جسم
يمكن يكون ما يناسب جسمج ويمكن يسبب لج مضاعفات بكره تندمين انج استخدمتيه


انا عن نفسي استخدمت حبوب ياسمين بس شنو سوي فيني التهاباااااات ذبحتني وللحين اعالج حق الحمل ..

اختي استخدمته وهي تستخدمه حملت عليه

فلمفروض ان ما ناخذ شي نفع صديقتنا او اختنا لا يمكن ما يطيح علينا وانتي اتعرفين ان حبوب منع الحمل هرمونات مو اعشاب يمكن انقول اذا ما ضرت انفعت ...

نصحيتي يا اختي بالله انج اتروحين حق دكتوره نسائيه تاخذ عينه من الدم اتشوف شنو نوع حبوب منع الحمل يصلح لج ...

وسامحيني يا الغاليه

ربي يعطيج العافيه

ما جربت حبيبتي

الي اعرف ان القذف الخارجي مب زينه للرجل وتسبب آلام للظهر وبعدين هذي الطريقه ما اتريح الطرفين وبدال حبوب منع الحمل الي مخاطره اكثر من حسناتها ليش ما اتفكرين بتركيب لولب او تشاورين زوجك اذا ما عنده مانع انة يستخدم واقي (اذا انتي فاهمه علي) واحسن نوع ماركة ديوركس الي بالزيت عن تجربية شخصية لمدة اكثر من 4 شهور
وسوري على الازعاج واتمنى اني فدتج

اهلين بنات .. وشكرا على الردود


بالنسبة عن الاستمرار على طريقة القذف الخارجي فأنا خايفة منها لان _ على الرغم من انها ضبطت معاي فترة مو قصيرة _ الا اني انصدت وصار الحمل الثاني بدون تخطيط :sad:

الواقي زوجي ما يحبه ولا يرتاح له ..

اللولب انا متخوفة منه :sad:

فكرة آخذ ابر بس الدكتورة تقول ما انصحج فيها :confused:
قالت لي احسن شي تستخدمين حبوب منع الحمل واراعي ان هالمرة تكون مناسبة لي ، سألتها عن حبوب ياسمين فقالت لي انها ما تجفف الحليب وممكن آخذها لكن خايفة من مضاعفاتها وخصوصا اذا كانت تسبب زيادة في الوزن ..
عموما انا سويت فحص ما بعد الولادة والنتيجة بستلمها بعد 10 ايام والدكتورة تقول اذا قررت وقتها ان استخدم حبوب اخبرها وبتكتب لي على حبوب ..

وانا حبيت اعرف منكم - من خلال تجاربكم - عن افضل انواع الحبوب حسب المواصفات اللي بينتها في البداية مع العلم اني راح استمر على طريقة القذف الخارجي حتى وانا استخدم حبوب منع الحمل
واكيد اذا نويت استخدم حبوب معينة من خلال المنتدى راح اسأل الدكتورة عنها واشوف اذا كانت تناسبني او لا ..

اختي عيل ليش تعذيب ؟؟؟؟ قذف+حبوب

اختاري واحد منهم وخلاص

على فكرة صديقتي استخدمت ياسمين وامتنت وصارت عصبيه والتهابات

انتي سوي تحليل دم وشوفي شيناسب جسمج واستانسي لاتسوين قذف ان شاءالله ماراح تحملين

بنات لييييييييش ما في ردود شافية :sad:


من جربت حبوب لمنع الحمل ونقصت وزنهااااااااا ؟؟ :sad:


ردوا عااااااااد :qaq:

والله يا الغالية أنا للحينة ما جربت أخذ أحبواب مع أني والده من ثلاث شهور وكل شهر أقعد حاطة يدية على قلبية أخاف أحمل .......................
بس شسوي ما عندي حل.................

انا جربت حبوب ياسمين وضعفتني ومن قررت احمل حملت ما طولت الشهر الثاني من تركتهم حملت بس وايد نقصت وزني ...

بعد أول ولادة جربت طريقة العزل والقذف الخارجي
بس ما طولت وايد بس سنة وشهرين يمكن
وأنا كنت مخططة سنتين أو أكثر
وبعد ولادتي الثانية قلت بجرب اللولب
لأني عكسج أخاف من الحبوب لأنها فيها هرمونات تخربط الجسم
وغير اني نسااااااااية درجة أولى فما بضمن عمري
والحمدلله خليت اللولب سنتين وثلاث شهور وكنت مرتاحة عليه الحمدلله
حتى ريلي ارتاح تعرفينهم الرياييل ما يحبون سوالف العزل وجيه
وأفكر أركبه إن شاء الله بعد هالولادة وعسى يناسبني هالمرة بعد