حفلــة تخرج رفيجة عمري << كل اللي عندها فكره

مرحبا اختي الغالية ..

مافهمت عليج تبين اتسوين الها شئ تشاركينها بالحفلة

ولا تقدمين لها هدية بمناسبة التخرج

أرجوا التوضيح حبيبتي ...

لالالا هديه خلاص
عطيتها :)

انا ابي اسوي لها شي بالحفله
اساعدها اسوي لها شي

كنت ناويه اسوي كيكه عليها قبعة تخرج
بس قالت ان بيسوون لها

-%-سحابة حب-%-:
السلام عليـــكم

ماعليــــــكم امر انا ماعندي وقت ادوور فالقسم
لأن رفيجتي قررت تسوي حفله وبس باقي اسبوع

ودي اسوي لها شي حلوو
الحفله بتكون فالبيت طبعاً

شنو في افكار حلووه وجديده
هي بس مسويه بووفيه

انا ودي اساعدها والصراحه مافبالي افكار
ولا شي

بنات قطررررر يساعدوني اذا في محلات فيها شي يخص التخرج

مرحبا حبيبتى
أولا مبروك تخرج رفيجتج
وثاني شئ
أن فيه محل حفلات في رويال بلازا في الطابق الاخير وفيه كل شئ حق الحفلات
ومن النوع الراقى وممكن تاخذين للحفلة أي شئ يعجبج وتحطينة على الطاولة مع الكيك
أو تحطينة في ستاند مع الهدية
وأرجو اني اكون ساعدتج -وبشرينى بعد الحفلة :shy:

مشكووره
ماعليج امر ممكن اسم المحل ؟؟ ولا اي صوب بالضبط!؟!؟

-%-سحابة حب-%-:
مشكووره
ماعليج امر ممكن اسم المحل ؟؟ ولا اي صوب بالضبط!؟!؟

فديتج ماعرف اسمه
بس هو في الطابق الاخير على يدج اليسار من السلم الكهربائى وهو آخر محل وجنبه محل ملابس اطفال( ومافي غيره محل حفلات هناك يعني بتلقينه بسرعه)
واللي تبيع فيه فلبينية:ok:

عرفتـــــــه
يعطيج العافيه ،،

صباح الخير عزيزتي,,

اختي كمان تخرجت من يومين من كلية الهندسة ورح نعمل حفلة للبنات في البيت

برضه بدور معاكي على افكار حلوة بس لحد الان في بالي اني اضع لها بروجكت او لاب توب واشغل لها سلايد بصورها من كانت صغيرة لحد صورة التخرج

وحابة اعمل كروت دعوة لصحاباتها الدعوة مكتوبة بصغية شعر اخدتها من المنتدى الغالي من زمان وخبيتها لأختي الحبيبة

اما عن الهدية فلسه برضه محتاره شو اهديها وممكن اسويلها درع كريستال محفور عليه من العبارات الي برضه موجودة بالمنتدى خاصة بالتخرج وكتير اشياء في بالي بس هاد الي متذكرته هلأ بتمنى اكون افدتك ومبروك التخرج.

ممكن تتفقين مع محل تصوير يرسل لكم مصورة تصور الحفلة
حلو بعدين تتذكر الحفلة وتشوف صورها مع صديقاتها بتكون ذكرى حلوة لها


تصوير عادي او فيديو

جولدن فوكس ياخذون 250 على الفيلم (صور صغيره)
350(صور كبيرة)


ممكن تسوين لها هدايا تتوزع على المعازيم شئ له علاقة بالتخرج

ثااانكس
يعطيكم العافيه

انا قررت اطرش لها باقة ورد كبيييييييييييييييييييييييييييييييييييييره
ووبسوي لها صحن شوكولاتــه ،،

وبعد ماعرف
كفايه ولا !؟!؟


بنات ابي اكتب لها شي حلو فالكرت
الكلام اللي بالملف الخاص بالاهداءات ماعجبني
من عندها كلام حلووو ،،،

مبروك لك يا نبض قلبي والاحساس
يا ملهمة شاعر هداك القصيده

حقٍ لِبوك اليوم يرفع بك الراس
ويضحك حجاجه بابتسامه فريده

حلمه تحقق واصبح الحلم نبراس
يجني حصيده ما غَرَسْ طيْب بِيْده

لبّسْك من طيبه وم الحكمه ألماس
عقدٍ عليه تْبات عينه سهيده

العِلْم يا بنت العَرَبْ يطرد الياس
ومن جَدّ مثلِكْ صار عالي رصيده

هذا الوطن مِعْطَاءْ من دون مقياس
دار الشيوخ أهل العقول الرشيده

في حبهم يا بنت نشعر بنوماس
هم نورنا في المظلمات الشديده

لْهم نسوم الروح من شِدّة الباس
فدوى لهم في وجه أهل المكيده

واليوم يومِكْ مِيْدي بعود مَياسْ
وابدي مَعَ الأيّام صفحه جديده

عيشي سنين العمر في زحمة الناس
مرفوعة الهامه بروحٍ سعيده

مبروك لِكْ مليار من نبض الانفاس
وعسى مقامك بالصروح المجيده

لعيونك اللى م الخجل صابها انعاس
أقول لك مبروك باجمل قصيده



هذي قصيدة تخرج ... تقدرين تكتبينها كلها .. أوتختارين كم بيت منها

:)

مشكووووووووره يالغاليه


ها بنات وينكم ؟!!؟ وين العبارات الحلوه؟؟

ممكن تكتبين على الباقه

لو كانت الارواح تهدا .. لما بخل الأحبة بالهدايا

يسلمووووووووو