انا عدييييمه احساااس جدام الناس شسووووي؟؟؟؟؟؟؟؟؟؟

ع

عروسة^_^الكويت

عروس نشيطة

24-01-2007 | 01:31 AM

بنااات الله يخليكم ساعدوني
والله زهقت من طبعي الباااايخ اللي ماقدر اغيره

فيني جمود رهيييييييب لو احد يصرخ علي والله ماخاف ولا اتأثر جدامه
وهالشي ينرفز الطرف الثاني ولا ارد على الكلام واحقــــــــــر

والكل يقول عني فيني برود اعصااب وبارده
انا انقهر من طبعي والله

لكن بعدين ؟؟؟اذا قعدت بروحي في غرفتي اقعد ابجي بدون لحد يدري

انا مقدمه على الزواج ان شاء الله بعد 3 او 4 اشهر

احس لما خطيبي يصرخ ماتفاعل ومرات اضحك جدامه !!!!!!ينقهررر

ومرات لما يصرخ امثل اني متاثره؟؟؟؟؟؟؟؟؟

:angry: :angry: :angry: اكره طبعي مادري شسوي حاولت اغير من طبعي

لكن لما اغير احس انه تمثيييل مومن قلبي

بنات الله يعافيكم ماعرف اتعامل شسوي والله نفسيتي تعبت

ا

الـدان

عروس مشاركة

24-01-2007 | 08:12 AM

مرحبا ياختي..

هذا الي انتي اتقولين عنه جمووود.!!! هو مش جمود فيج...

يمكن انتي انسانه مسالمه لابعد حدووود... وماتحبين اتثيرين المواضيع بزيادة

فتشوفين عمرج دااايم ساكته ولامافي منج اي ردة فعل...

شي طبيعي الي انتي فيه... كل الغلط اذا احد كان معصب وانتي تضحكين

هذا يزيد الطين بله... في مثل هلمواقف الضحك ممنوع الطرف الثاني

بيحس انج تستهزاين به او بكلامه... فانتبهي لهاي النقطه... وحاولي

انج اطلعي في اي موقف ردة فعل بسيطة حتى لو بكلمة ... اسفه .. انشالله

طيب ليش معصب... احترت وايد... يعني كلمات بسيطة اتعبر عن الي بداخلج...

وكلمي خطيبج عن شخصيتج ان انتي طبعج جذيه وايد مسالمه وقوليله انته

اكيد لاحظت هالشي فلا تزعل مني ... صدقيني هذا الطبع مرات ينفع

برودة الاعصاب.. باجر انشالله عليج بيت والتزامات وانشالله عيال

ف كل هالاشياء يبالها صبر وتحمل وبرودة اعصاب خصوصا الاطفال...

لان الاطفال مشالله عليهم اتحسين بعد فتره يبالهم طولة بال وماينفع معاهم

العصبيه... فلا تحاتين انشالله كل الامور طيبه.. ومثل ماقتلج حاولي انج

اطلعين كلمات بسيطه في اي موقف من المواقف... وانشالله الي حواليج

يتفهمون وضعج...

ح

حب القلوب

عروس برونزية

24-01-2007 | 05:19 PM

حبيبتي انتي نفسي بالضبط انا اذا احد قاعد يزفني ولا يصرخ علي ما اعرف ارد

بس بعدين اروح بروحي و ابجي و عبالهم انا عديييمة احساس و ما يفرق عندي شي

احس اني اذا رديت رح ازيد الطين بلة و ساعات مـــــالي خـــــلق ارد اصلا

اسوي مثلج احقــــر .. بس ما اضحك

لانه اذا انتي عصبتي و صارت فيج يعني اللي جدامج قعد يضحك اكيد بتنقهرين و موحلووة بعد

فيها عدم احترام

وانا لقيت لي حل واتوقع ينفعج بعد

حاولي تتناقشين مع اللي جدامج

يعني سألي اسألة .. ليش معصب .. ليش ما يصير جذي ؟ .. و برري موقفج اذا الموقف يحتاج تبرير

وانتي رح تتزوجين

وفي بعض الرياييل لما يزفون يبون البنت تسكت و تتقبل كل شي يقولونه

وفي ريااييل يعتبرون السكوت حقرااان و يطفرون زيادة فانتبهي.. يمكن ريلج من هالنوع

فحاولي تكلمينه و تهدينه مثل ما قلت لج وانشالله تغيرين طبعج مع الايام

وهذا طبع فيج انتي يعني ما تقدرين تغيرينه بسرعه بس تذكري هالشغلة لما يصيرلج الموقف مرة

ثانية و حاولي شوي شوي وانشاللله تقدرين تغيرينه

اتمنى اكون ساعدتج لاني مريت بهالمشكلة بس الحمداللله غيرت هالطبع

و الله يوفقج مقدما :)

ق

قرويه عيونها غجريه

عروس مشاركة

24-01-2007 | 08:13 PM

ياحبيبتي قولي الحمدلله البرود نعمه 00والله اني كل يوم ادعي ربي اني اصير بارده00اشلك بحرق الاعصاب ارتاحي 00انا ماستفدت شي من العصبيه غير القولون واحيانا احس يدي لما ازعل تتخدر والله اخاف تجيني جلطه وغير كذا خسرت ناس كتير احبهم والله اني ندمانه قد شعر راسي 00اقلها انتي لاتخاصمتي مع احد تسكتين وماحد يلقا عليك كلمه 00وبعدين هو الي يندم

n

n77n

مشرفة سابقة

24-01-2007 | 08:38 PM

بالعكس أختي مرررره حلو ,, أنتي جذيه مريحه بالك ( وش تبغين بعوار الرأس والصراخ والهم )

أتمنى أني أكون بااارده مثلج ...وبتشوفين أن كلامي صحيح 100% بعد الزواج

وبتذبحج الغيره والمشاكل والهموم ... خليج على هالحاله مرتاااحه دووووم ...

_

_ام محمد_

عروس جديدة

24-01-2007 | 10:49 PM

يارب اصير مثلك
التأثر قدام الناس يفشل

ع

عذاري...

عروس برونزية

25-01-2007 | 12:02 AM

اختي راح اسالج سؤال:

هل من العيب ان نكون شجعان؟ ومن الجيد ان نكون خائري القوى جبناء؟؟

ردي سيجيبك على نفسك

w

wispy girl

مشرفة سابقة

25-01-2007 | 12:39 AM

بالعكس طبعج وايد حلووووووووووو................لاتغيرينه...................

ع

عروسة^_^الكويت

عروس نشيطة

25-01-2007 | 03:25 AM

تسلموووووووووووووووووووووون حبايبي على الردوووووووووووووود

يعني اللي فيني ميزه مو عيب
هههههههههههههه

فديتني <----------- تشققت

والله انا طبعي مايعجبني
بس يمكن يعجب زوجي انشالله

الله يوفقكم بنات
وتعصبون حالكم الدنيا ماتسوى وانشالله تصيرون باردين نفسي لووول

د

دلوعة القصيم

مشرفة سابقة

25-01-2007 | 09:16 AM

[grade="FF1493 FF1493 FF1493 FF1493"]..::..

,, بالعكس حبيبتي الي فيكي ميزة مو عيب .. انا فيني نفس هالشي لمن يصرخ احد علي اسكت وما اتكلم واحياناً تجيني ضحكه مع اني اكون من داخلي خايفه مووت وودي ابكي ,,

,, ولمن ادخل الغرفه تلاقيني اصيح .. هاذا يدل انه شخصيتك حساسه وانك ما تعرفين تردين لمن يصير لك شي من قوة الصدمه بالعكس انتي كل الاحساس يا قلبــي ,,

..::..

تحيــاتــي[/grade]