بنات قولوا لي شو اسوي ..كيف اتصرف

بنات أنا عمري 21 سنه ...كنت مخطوبة لواحد يدرس في بريطانيا ..

هو تقدم لي ...وزارونا بالبيت هو واهله ..وشافني وشفته...وامه عطتني صورته احتفظ فيها

المهم نحنا كنا موافقين عليهم لان الولد الكل يمدحه ...من ناحية صلاته كلها بالمسجد ..واخلاقه عالية

وشاطر ومتميز بدراسته ..و رياضي .يعني أنا ما اطلب اكثر من هالاشياء ...

الحمد لله تمت الموافقه من اهلي ..

لكن المشكلة ان مدة خطوبتنا طولت 7 شهور وهو ما تحرك ولا سوى شي

هو بهالفترة هو وأمه كانوا يكلمون امي دايما بالتلفون ...كانت امي تسمعني كلامه وصوته لما يتصل تحطه على الاسبيكر

تعلقت فيه وايد ..هو كان يقول لامي ان ظروفة شوي صعبة ومو قادر يوفر المهر ..

لان يدرس في بريطانيا ويدوب يكفيه الراتب هناك لان اجار الشقة عليه والكتب وكل شي عليه

المهم هو يقول لامي بشوف اذا حد بيسلفني وعقب ارد له المبلغ

لان هو قبل كان ماخذ سلفيه عشان امه طلبت منه يعطيها 60 الف عشان ترتب بيتهم وعطاها

والحين ينخصم من راتبه كل شهر ويدوب يكفيه

المهم لما طولت خطوبتنا ابوي قام وفسخ خطوبتنا وقال لهم ما يصير اخلي البنت مخطوبة بكلام لكم

يمكن يجونا ناس ثانين ..ومن هالكلام

وبعد فسخ الخطوبة تقدم لي واحد ...سمعته مب زينه وانا رفضته

امي طبعا كانت تكلم ام خطيبي الاولي وقالت لها اللي صار

فأم خطيبي قالت ان شاء الله تكون لولدي

بس هم ما يتحركون ما يسوون شي ..ظروفهم صعبه

ابى اعرف هل هو يبيني مثل ما انا ابيه

هل ناوي يسوي شي ...يتحرك ولا لا

هل انتظاري له منه فايدة او لا

لاني ما ابى غيره...

امه دايما تزورنا ...بس هو ما قام يتصل مثل قبل ..يتصل بس بين فترات وآخر مرة كلم امي فيها قال لها ابى بنتج بس ظروفي وما ادري هل بتتيسر او لا وهل بقدر اسوي شي او لا.

انا قلت لامي ابى اكلمه واسأله ...

امي قالت لي اوكي بس تكلمينه من موبايلي

واتصلت عليه امي ..وقالت له مشغول ...قال لها هيه والله يا العمة مشغول شوي

قالت له امي طيب اتصل فيني عقب قال ان شاء الله ولا اتصل

ابى اعرف ...هو بيرجع من بريطانيا بعد 3 شهور

ابى اعرف بشو يفكر وشو ناوي يسوي

هل اتصل فيه واكلمه واقول له اللي بخاطري

أنا كلمته مرتين

مرة لما هو طلب من امي انه يكلمني بس شوي عشان يسألني عن دراستي ومتى بخلص

ومرة لما قلت له خلاص ماشي نصيب بينا ...ظروفك صعبة ...وانت دايما توعد وما تسوي شي

قال لي كل تأخيرة وفيها خيره...وانا ظروفي بهالشكل شو اسوي

هل اكلمه او لا..؟؟

محتاجة اعرف ..ساعدوني بنات

آسفة لاني طولت عليكم