معرض قطر(بنات قطر ادري بكم ماتقصرون ابي مشورتكم)

نسيت اقول ان المعرض فيه العبايات الجديده الي قماشها الحرير مع لمعه وموديلات البشت

اختي انصحج بمعرض زون الكل يعرض بضايعه هناك

لان فكرة نادى القمه والشقه غير مستحبه يمكن مايكون فيه اقبال كثير

لكن زون الكل يروح له

وعن دعايه واعلان اعلني هنا بالمنتدى او بالوسيط جريدة تنعرض كل يوم مع جريدة الشرق هي مخصصه للدعايات فقط

واتمني افدتج

هلا اختي حياج الله في بلادج الثاني والله انا مع راي عروس الدوحه في زون احسن من القمه والشقه:shy:
بتوفيق ان شاءالله

حياج اختي اشوف نادي القمه احسن من الشقه عن نفسي ما اضمن اروح شقه اسفه اختي على الكلام بس هذا الواقع

صعب البنات يدخلون شقق

انا ما اتكلم عنج ولا اتكلم عن امانتج اختي بس القمه مكان معروف واي حد ممكن يروحله بدون خوف خصوصا انه مكان

مخصص للنساء حتى ان مرتادات النادي بيمرون عليج بدون اعلان يعني تكسبين زباين :)

وبالنسبه للاعلان شوفي باحد الجرايد الكبيره حطي فيها اعلان مثل جريده الشرق او الرايه او الوطن

وابتعدي عن الوسيط لانها ملحق للجريده ومليان اعلانات بيضيع اعلانج بينهم

انا اشوووف زوون احسن مكااان

وبالتوفيج انشالله

من وجهة نظري القمة افضل وارقي ومثل ما قالت الأخت بتكسبين زباين بدون اعلان إلي هم رواد النادي وممكن زون .

والله يوفقج ولاتنسين اتبلغينا بموعد المعرض.

وانا رايي من راي البنات زون احسن لج لانه الكل يروح له

الله يوفقج ان شاء الله

هلا والله فيكم ...

ومشكورين على النصايح ...

بس انا كنت اظن ان الشقه افضل لان بيكون اريح لي بدل ماشقل وانقل بس باعيد النظر .....:)

بالنسبه لمعرض زون سمعت عنهه بس شنو زون هل هو كوفي شوب او قاعه وشلون ممكن احجز عندهم؟؟؟
اتمنى تردون علي باسرع وقت

زووون احسن مكان ،،
وبخصوص الاعلان الجرايد ماتقصر
عندج الوسيط والشامل والدليل

زون عباره عن معرض صغير واديم فيه منتجات مصريه وسوريه وكويتيه وغيرها

نفس المعارض الكبيره اللي تكون كل سنه مرة ويجون كثير من الدول يعرضون منتجاتهم من جلابيات واكل واكسسوارات

ومكياج وغييرها

عن نفسي ما انصح فيه

ليش ماتنصحين فيه وشلون الاجارات وكم سعره؟؟وهل مفتوح بداية الشهر الجاي

نعومه حبيبتي حياج الله فبلادج الثانية
والصراحة ماعندي خبرة بس انتي ممكن تتصلين لإدارة زون وتسئلينهم
وزون مفتوح كل يوم لين الساعة 11 بالليل
لاتنسين تخبرينه بنات عروس عشان نجيج:)

طيب ممكن ترسلين لي رقم الادارة؟ واذا عندج اي معلومات مثل الاسعار باليوميه لا تبخلين علينا .. واكيد راح اخبر بنات عروس ... وتشرفوني؟

ما عندي فكرة عن الاسعار بس احس المكان ما يصلح يعني القمه تحسينه مكان على مستوى

هذا معرض عادي

مادري الراي بالاول والاخير يعود لج

اختي اختاري بين زون او القمه هم احسن مكان لج لن موضوع لشقق ماظن احد بيرضي ان تجي بناتهم للشقق وبيعدين ابعدي عن الشك افضل لك وبتوفيق ومعرض زون عليه اقبال كثير

مشكوره اختي انا قاعده احاول احصل على الرقم واحتمال كبير اسزيه في القمه

بالتوفيق اختي بس عطينا خبر و سوي اعلان عن المعرض

مرحبا اختي

هذا زون ان ااسمع فيه لكن ما قط رحته
ومدري ايش المستوى الي انتي تبينه
بس انا اشوف ان المكان بالمره مش حلو
اذا كان المعرض تبعج على مستوى شوفي الريتز بفيلا مودا او برايم الي تابع له بطريق سلوى
او اي نادي
الاند مارك ممكن تاجرين فيه كورنر
بس زون نو ويييييييييييييي


وانتي براحتج وموفقه يارب

انا مع بنات بخصوص الشقه صعبه ان البنات ايون لج

بس عندج القمه اوكي وزون بعد <<<مع اني مارحت زون

بس الاند المارك مانصحج فيه لانه عام واذا بيعطونج كورن مابيكون وسيع بيكون كورن بنص المجمع وحشره عالفاضي



وبخصوص التوقيت هل تقصدين الشهر الياي يعني شهر 2....؟؟؟
اذا قصدج بشهر 2
نصيحه مني ماتسوينه بهالوقت لانه بيكون عطله صيفيه واغلب الناس مسافره يعني بيكون مشروعج مب مربح
او بتكون الارباح بسيطه غير يوم تسوين المعرض باوقات الدوامات والناس موجوده




^_^ لاتنسينا في الدعوه

اي صح بخصوص الاعلانات
مانصحج تسوينه في الوسيط او الشامل او الدليل<<<<لان تحسينه الاعلانات زحمه ومحد بيقراها


تقدرين تحطين اعلانات بجريده الشرق - الرايه - الوطن

او سوي بستر صغير ووزعيه بالمجمعات او حتي الجمعيات <<<طرق قديمه بس تمشي وسالي مجرب لووووول

المشكله اذا كان شهر 2 ماتقدرين تسوين اعلانات بالجامعات والكليات لانها بتكون فتره اجازه



بس انتى ماعليج عطينا خبر واحنا بننشر الخبر بين الربع ^_^


بالتوفيق ان شاء الله