استفسار

اخواتي عندي استفسار ما عرفت وين احطه بالنسبة لي كنت في الحج والحمدالله وكنت اخذ حبوب منع الدورة وهذي اول مرة اخذ فيها حبوب منع الدورة عشان بس أكل حجي

المهم بعد ما رجعت من الحج واسترحت قطعت الحبوب طبعا الدورة جاتني بعد حوالي 4 أيام تقريبا وظلت عادي لما خلصت واغتسلت طبيعي يكون فيه معاشرة بس فجأة طلع فيه شوي لون احمر حتى هو لاحظ هالشي وشافه مع اني كنت مغتسلة وثاني يوم رجعت مرة ثانية وظلت يوم ونص تقريبا وانقطعت واغتسلت وتكرر الموضوع نفس الشي شو السبب هل بسبب الحبوب ولا كان المفروض بعد الاغتسال اريح نفسي شوي عشان ما تنزل يعني المرة الثانية بس طلع اللون الحمر عند زوجي وبعدين خلاص ما صار شي حتى اقول بيني وبين نفسي كان المفروض بعد الدورة اظل على الاقل 4 او 5 أيام بدون معاشرة عشان ما ترجع....

او هل الحبوب هي السبب لانها اول مرة تستوي معي دايما عندي الدورة من تخلص واغتسل عادي حتى لو صار بيني وبين زوجي اي لقاء ما يأثر ولا يطلع اي لون

هل احد منكم اخذ هالحبوب وصار معه نفس الشي