بنات البحرين....عيادات علاج الشعر

H

Hypercool

عروس رائعة

18-01-2007 | 02:15 PM

السلام عليكم ...

شلوونكم... ان شاء الله طيبين...

بدخل بالموضوع دايركت ...

بخصوص العيادات اللي تعالج الشعر الخفيف...
انا تعالجت عند دكتورة سميرة المتروك.. بس تركتها من سنة لظروف خاصة..
طلع لي شعر بصراحة حتى الدكتورة استغربت من سرعة وكمية الشعر اللي طلع..
بس يا بنات كللللله راح من تركت العلاج

.. لاني ما كملت الفترة يعني بس 6 اشهر ووقفت.

الحين ودي ارجع اتعالج ، بس عند دكتورة ثانية ..
وين تنصحوني اتعالج...

انا كنت بروح لعيادة د. طارق سعيد لعلاج الميزوثيرابي بس غااالي وما اقدر عليه
والممرضة قالت لي يمكن في نتيجة ويمكن لا بالذات في مقدمة الرأس...

بلييز ساعدوووني ترى نفسيتي تعباااانة من شعري

..
ومن زود ما تعقدت من شعري صرت احلم اني هيفاء وهبي ( اسم الله علييييي)... واتدلع بشعري الكثيف الاسووود جدام المنظرة

......
ثقتي فيكم هي الي خلتني اسألكم.. وانتو ما بتقصرون...

أ

أنا الشوق

عروس ماسية

19-01-2007 | 11:46 PM

والله ماعندي فكره واتمنى من باقي البنات انهم يفيدونج

ا

الأماكن المشتاقة

عروس نشيطة

19-01-2007 | 11:51 PM

هلا
حبيبتي لو لقيتي قولي لي لأن حالتي مثل الزفت وأردى
وحتى أنا ودي أصير نفس هيفا وهبي في شعرها بس شسوي
أرجوج ردي علي لو حصلتي أي مكان في البحرين قولي لي بليييييييييز

ت

تراتيل السماء

عروس مشاركة

20-01-2007 | 11:17 AM

انزين ليش ما تواصلي عند سميرة المتروك دام ان علاجها جاب نتيجة؟؟

وكم كلفش العلاج؟

ا

انثى استثنائية

عروس نشيطة

22-01-2007 | 06:01 PM

:confused: :confused: :confused:
انا بعد ابي حل حق شعري

H

Hypercool

عروس رائعة

31-01-2007 | 09:30 AM

أنا الشوق:
والله ماعندي فكره واتمنى من باقي البنات انهم يفيدونج

اشكرج اختي على مرورج الكريم....

H

Hypercool

عروس رائعة

31-01-2007 | 09:32 AM

الأماكن المشتاقة:
هلا
حبيبتي لو لقيتي قولي لي لأن حالتي مثل الزفت وأردى
وحتى أنا ودي أصير نفس هيفا وهبي في شعرها وصدرها بس شسوي
أرجوج ردي علي لو حصلتي أي مكان في البحرين قولي لي بليييييييييز

الله يعييييييييييييييين...
ان شاء الله نحصل الحل.. اذا حصلت المكان اكيييييييييد ما ببخل عليكم..
وانتي بعد اذا حصلتي اكيد ما بتبخلين علينا..
يعطيج العافية..

H

Hypercool

عروس رائعة

31-01-2007 | 09:37 AM

تراتيل السماء:
انزين ليش ما تواصلي عند سميرة المتروك دام ان علاجها جاب نتيجة؟؟

وكم كلفش العلاج؟

عزيزتي تراتيل السماء،،، اشكر ردج علي... انا حبيت اسأل اذا تعرفون دكتور احسن ..
لاني من صار لي سنة ونص ما رايحة للدكتورة وفي ناس وايد قالو لي انها مب نفس الاول..

اما عن تكاليف العلاج.. تقريبا 50 دينار مع الادوية ... طبعا كل 3 اشهر موعد....

H

Hypercool

عروس رائعة

31-01-2007 | 09:39 AM

انثى استثنائية:
:confused: :confused: :confused:
انا بعد ابي حل حق شعري

عزيزتي انثى استثنائية... والله كلنا متمرمرين ويا شعورنا...
ان شاء الله بنلاقي الحل..
ومشكوووووورة عيوني..

ا

البطة السودة

مشرفة سابقة

31-01-2007 | 10:09 PM

اختي الغالية

هل جربتي العلاج الطبيعي

الي في المحلات مال المساج والعلاج الهندي
الكل يعرفه اللي في ام الحصم والجفير وبعد في محل كبير مقابل ديري كوين فرع القفول ويمدحون شغلهم بس الله يساعدج على الروايح اذا تستحملين

وبعد في صالونات شغلهم ممتاز للعلاح بس كلهم يبيلهم مواضبة

والله يوفقج وتلاقين المكان الأنسب

H

Hypercool

عروس رائعة

04-02-2007 | 02:59 PM

البطة السودة:
اختي الغالية

هل جربتي العلاج الطبيعي

الي في المحلات مال المساج والعلاج الهندي
الكل يعرفه اللي في ام الحصم والجفير وبعد في محل كبير مقابل ديري كوين فرع القفول ويمدحون شغلهم بس الله يساعدج على الروايح اذا تستحملين

وبعد في صالونات شغلهم ممتاز للعلاح بس كلهم يبيلهم مواضبة

والله يوفقج وتلاقين المكان الأنسب

اختي البطة السوداء... اشكرج عزيزتي على ردج..
عندي كم استفسار لو ما عليج امر..
اهم يعالجون الشعر بالزيوت والاعشاب ؟!
وشنو اسم المحل اللي تقصدينه في القفول .....

الله يعطيج كل اللي تتمنينه.....:shy:

H

Hypercool

عروس رائعة

04-02-2007 | 03:00 PM

البطة السودة:
اختي الغالية

هل جربتي العلاج الطبيعي

الي في المحلات مال المساج والعلاج الهندي
الكل يعرفه اللي في ام الحصم والجفير وبعد في محل كبير مقابل ديري كوين فرع القفول ويمدحون شغلهم بس الله يساعدج على الروايح اذا تستحملين

وبعد في صالونات شغلهم ممتاز للعلاح بس كلهم يبيلهم مواضبة

والله يوفقج وتلاقين المكان الأنسب

اختي البطة السوداء... اشكرج عزيزتي على ردج..
عندي كم استفسار لو ما عليج امر..
اهم يعالجون الشعر بالزيوت والاعشاب ؟!
وشنو اسم المحل اللي تقصدينه في القفول .....

وهل عندج تجربة معاهم او اي واحدة تعرفينها... وووووووووو سلامتج..
الله يعطيج كل اللي تتمنينه.....:shy:

_

_بطه_

عروس نشيطة

04-02-2007 | 03:27 PM

حبيبتي انا الصراحه ما اعالج شعري إلا بالزيوت والفيتامينات واشيه طبيعيه بس يبيله وقت ومداااااومه إذا حبيتي بقولج طريقتي وله يهمج
امممممممم بعد شنو..... سوي تحليل دم لان مشاكل الشعر اتيي بعد إذا فيج نقص حديد لا سمح الله فانتي سوي من باب الاحتياط والاطمئنان وانشاءالله مافيج إلا العافيه

ا

الدانـــــه

مشرفة سابقة

04-02-2007 | 03:37 PM

أختــي العزيزه Hypercool

انا اختي الغاليه الأيام انصحتني قالت لي انها

تعالجت في عيادات واايد وخسرت

فلوس بس مافي فايده

ما نفعهااا الا

تونك سورسير بالثوم تقول يكثف الشعر بسرعه

وبشكل ملحوظ وشامبو سورسير للقشره

وحبوب فروز بطعم الشوكلاتة قوي لعلاج

تساقط الشعر

تحصلينهم عند رويااان

وانا ناويه ان شاء الله اجربهم

والله يوفقج ويوفقنا ان شاء الله

أختج الدانــــــه

ر

رفاعية و النعم

عروس متألقة

04-02-2007 | 03:40 PM

جربي د. جيهان في ابن النفيس وايد يمدحونها

أ

أصيلةالإحساس

عروس رائعة

04-02-2007 | 03:58 PM

رفاعية و النعم:
جربي د. جيهان في ابن النفيس وايد يمدحونها

ثنتين من صديقاتي راحوا لي وحدة لقت نتيجــه والثانيه شعرها حت،،

للتنويه فقط :shy:

H

Hypercool

عروس رائعة

04-02-2007 | 07:52 PM

_بطه_:
حبيبتي انا الصراحه ما اعالج شعري إلا بالزيوت والفيتامينات واشيه طبيعيه بس يبيله وقت ومداااااومه إذا حبيتي بقولج طريقتي وله يهمج
امممممممم بعد شنو..... سوي تحليل دم لان مشاكل الشعر اتيي بعد إذا فيج نقص حديد لا سمح الله فانتي سوي من باب الاحتياط والاطمئنان وانشاءالله مافيج إلا العافيه

اشكرج عزيزتي على الرد.. المشكلة اني ملووووووولة ودم ضروسي الزيوت...
اما عن الدم فالحمدلله ... تمااام...
بس بعد احب اعرف طريقتج يالغالية....
وما تقصرين والله....(f) (f)

H

Hypercool

عروس رائعة

04-02-2007 | 08:38 PM

الدانـــــه:

أختــي العزيزه Hypercool

انا اختي الغاليه الأيام انصحتني قالت لي انها

تعالجت في عيادات واايد وخسرت

فلوس بس مافي فايده

ما نفعهااا الا

تونك سورسير بالثوم تقول يكثف الشعر بسرعه

وبشكل ملحوظ وشامبو سورسير للقشره

وحبوب فروز بطعم الشوكلاتة قوي لعلاج

مشكورة حبوبة على النصيحة...
انا الحين استخدم سورسير بالثوم.. مؤقتا لما احصل عيادة اعالج شعري...
بس شكلي بواصل على سورسير مع الفيتامينات والفوليك اسيد....

بس شنو فروز ؟؟ عبارة عن شنو...
ولج الف شكر....(f) (f) (f)

تساقط الشعر

تحصلينهم عند رويااان

وانا ناويه ان شاء الله اجربهم

والله يوفقج ويوفقنا ان شاء الله

أختج الدانــــــه

H

Hypercool

عروس رائعة

04-02-2007 | 08:40 PM

رفاعية و النعم:
جربي د. جيهان في ابن النفيس وايد يمدحونها

مشكورة حبيبتي على مرورك على ردج...
عندج عزيزتي اي معلومة عنها.. شلون العلاج.. التكلفة..
اكون ممنونة...(f) (f)

H

Hypercool

عروس رائعة

04-02-2007 | 08:42 PM

أصيلةالإحساس:
ثنتين من صديقاتي راحوا لي وحدة لقت نتيجــه والثانيه شعرها حت،،

للتنويه فقط :shy:

ثانكس حبوبة.... ما قصرتي والله..
وعجبتني تنويه .. :shy: (f) (f)

بس عزيزتي ما تدرين ليش نفع مع واحدة والثانية لا ....