طليقة زوجي تتلصق فيه

هلا خواتي
لحقوني عندي مشكلة و ما أدري كيف أحلها
أنا زوجي مطلق و عنده بنت عند أمها
البنت مسكينة مريضة هاليومين و منومة بالمستشفى وطبعا أمها معاها مرافقة
و هي أنا أعرف انها ما تطيقني لأني في بالها أخذت مكانها رغم إني ما لي شغل في سالفتهم و أنا حالي حال أي وحدة يجيها خاطب مطلق و توافق عليه
طبعا زوجي يبي يروح يزور بنته شئ طبيعي و شئ طبيعي إني أكون معاه
عاد رحنا و دخلت أنا الغرفة قبل علشان عيب الريال يدخل على حرمة ما هي محرمة له
سلمت و ما ردت تمت معطيتني ظهرها و قلت لها إن أبو البنت يبي يشوفها و تمت ساكتة
دخل زوجي و نفس الشئ ما إبتعدت عن البنت علشان ابوها يروح عندها و ياخذها في حضنه و هي في أمس الحاجة لأبوها
و قالت لزوجي طلع هاللي معاك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:mad2: :mad2:
و أنا قلت عيب الريال يقعد مع أجنبية لحالهم
ردت و قالت إنتي اللي أجنبية؟؟؟
أنا تميت ساكتة بعدها و زوجي قال أبي أشوف بنتي و ردت ما أحد منعك تشوفها بس طلع اللي معاك
:think:
احترنا أنا و زوجي لأنا ما نبغى مشاكل و في نفس الوقت ما نبغى نروع البنت و هي مريضة و عيب قدام الناس نتهاوش
و قالت لي و إحنا طالعين إني مو مؤدبة:mad2: :mad2: :mad2: قلت لها شكرا هذا من ذوقج
أنا أدري إنها ميتة تبي ترجع له و لو ودها تقتلني
بس أنا قبل ما أوافق على زوجي كان شرطي الوحيد إني أكون الزوجة الوحيدة و هو وافق
و أنا أعرف إن زوجي ما له خاطر يردها بس :sad: أنا قلبي ياكلني
أخاف لما يشوفها مع بنته تكسر خاطره و يحن لها ( تعرفون تأثير الأطفال) و ما شاء الله هو يموت في بنته
و أخاف هي تتلصق فيه لأنها مبين ما عندها كرامة و إلا واحد يطلقني و يتزوج غيري و أقعد في مكان اللي هو فيه مع زوجته الجديدة لا و أطلب منه يطلعها علشان يخلالي الجو
حتى تخيلوا تقول له طلع اللي معاك و شوف بنتك و هي لاصقة في البنت حيل شلون يعني يقعد في حضنها؟؟؟:no:

زيارة أمس و عدت بس أنا أحاتي اليوم
بصراحة بعد ماشفت مستحيل أخليه يروح لحاله بيذبحني القهر و الغيرة إذا قدامي و هي ميتة عليه شلون وراي؟؟
و بعدين بيبان كنها انتصرت علي و كسرت خشمي و خلت زوجي يسمع كلامها و يتركني يعني تمسكه من الإيد اللي تعوره و هي حبه لبنته
و فوق هذا كله حراااااام الريال يختلي بمرة ما تحل له
قولوا لي شلون أتصرف و الله البارحة ما جاني نوم