بعد الاربعين

للتوضيح اكثر هي ليست قطرات... هي بقع كبيرة بعض الشيء..

هلا حبيبتي
ما اعتقدج ان السبب من الخياطه لأن لو من الخياطه راح اتحسين بعوار
يمكن هذي بقايا دم النفاس
لأن في ناس سبحان الله بعد الأربعين يرجع ينزل الدم عليهم.
و انشاءالله العرايس بيفيدونج

أم خالد.

هو فعلا فيه كان الم. .. ولحد الحين احس بنوع النغزات القوية بعض الشيء :(

يمكن الخياطه ما التأمت عدل
هذا صارلي عقب ما ربيت و تميت شهرين اتألم من الخياطه
خذيلج غسول بيتادين اتغسلي فيه كل مره تروحين فيها و انتي بكرامه الحمام و حطي المرهم بعد مرهم بيتادين
انا الدكتوره وصفته لي
والصراحه ممتاز
لازم تحطين المرهم مكان الخياطه عشان يلتأم اليرح
و البسي فوطه صحيه لأن المرهم بيخيسلج ملابسج الداخليه لأن لونه غامج

هذا الي عندي
و انشاءالله الي عنده حل ثاني بيساعدج


أم خالد

هلا حبيبتي انا صار لي كذا لما ولدت وقالت لي الدكتوره عادي بقايا دم النفاس اطمني بس احسن راجعي الدكتوره

بالنسبه للالم طبيعي ومع البرد يزيد لان الخيوط تنشد بس حاولي تدفين نفسك واجد

هلا حبيبتي جمانة: اذكر انج اخر مرة عرفت انج بالشهر الثامن!!! ما اعرف ولدتي والا لأ!!! ابي اعرف؟:sad:

بالنسبة لبعد الاربعين:++++++++++>ممكن الحرمة تخلص الاربعين وما تييها الدورة موليية يعني كلللش اوكي، وممكن اول ما تخلص الاربعين اتييها الدورة عادي وتظل معاها لمدة اسبوع مثلا، الجماع طبيعي بعد الاربعين على حسب ظروف الزوجين، اذا صار الجماع ونزل دم مو وايد ولا شوية بس المهم دم غريب تراه هذا بعده دم نفاس اكييييد..ا

لااااااااااا بنات ... هذا مو دم نفااااااااااس ... انا متأكدة...

اجل بما انك خلصتي الاربعين احتمال تكون دوره وهذي تصير واجد

سمعيني اذا بعد الجماع بيوم استمر عندك الدم فهو دوره واذا وقف جربي يصير لقاء ثاني واذا صار نفس الشئ فهني المشكله وروحي للدكتوره واذا ماصار فهو مع الشد اول مره يصير احتقان هذا الي قالتي الدكتوره على ماتذكر

الغالية روعة شوفي توقيعي :)

هلا بنات... الدم نزل بعد اللقاء وتوقف.. الحين مامعي دم...

خايفة يكون الخياط انفتح :(

روحي ياجمانةوشفي الدكتورة أفضل.. الصراحة آن ماصار لي هالشي بس آحس أن يمكن في شي بالخياطة,
لأن أنا من خوفي في فحص الأربعين قلت حق الدكتورة تأكدي من الخياط عدل او لا،، لأني الصراحة وايد كنت متخوفة من هالشي وأصلا ماجاتني الدورة بالمرة بعد الأربعين الا عقب خمس شهور..

وإذا على قولتك مانزل دم مرة ثانية والخياطة عدلة ممكن يكون شد من اول مرة...

روحي للدكتورة أحسن عشان تطمنين،
انا ماصار جماع بعد الولادة الا لما تطمنت ورحت للدكتورة أول وقالت كل شي أوكي وبعد مامر شهرين بالضبط لاني خفت على طول بعد الاربعين لانه المنطقه أحس بعدها كانت مارجعت نفس قبل ،

اهلين جمانة .. انا ولدت معاج بيوم مثل ما تعرفين وجتني الدورة قبل الاربعين ..

البارحه صار اللقاء الاول بيني وبين زوجي وكان ألم وااااااايد لكن الحمد له ما نزل دم او اي شي ، وانا بعد ما تسبحت حطيت كوتكس عشان اتأكد من عدم نزول اي شي والصبح لقيت ان الكوتكس نظيفة ..

جمانه احس هالشئ عادي لانه الخياطه تخلي المنطقه مشدوده وبعد الجماع تتعرض لتمدد ودام انج تقولين خاز عنج الدم ما عليج شر ان شاء الله الا اذا استمر وياج الالم لاكثر من يوم

طبعا انا خبر خير ماعرف شسالفه بس خرعتوني السالفه فيها من الخياطه
انا امي عطتني ملحة وتحاميل بيتادين عشان اتنظف المنطقة واتنزل دم النفاس كامل
ويوم الاثنين بخلص الاربعين باذن الله

بس جمانه انتي اتحسين الدم من مكان الخياطه والا عادي مثل دم النفاس او الدوره؟

واستخدمي الملحه عشان تنظفين او تاميل البيتادين

ما اتشوفين شر ياجمانه الغاليه بس احسن لك اتروحين عند الدكتوره وتشوفين شو اتقول ....عني انا صار لي الم فضيييع عند اللقاء الاول بعد الاربعين بس الحين احسن الحمد الله...

انا ما رحت للدكتورة .. :(

شفت الدم ما نزل شيء غير البقعتين الاولانيتين.. فطنشت...

بس بصراحة للحين فيه الم ونغزات.. مكان الجرح.. احسه وكأنه توني مخيطيني.. ونفس الالام والحكة اللي يتني في اول سبوع بعد الولادة..

مصدر الدم مب الرحم.. مصدره الخياط ..

بشوف بكرة اذا استمرت النغزات بروح

سلامــات لك أختي جمانه

اذا أنتي متــأكدهـ من طهارتكـ أختي فأتوقع هذا من الخياطه
لأني أنا حصلي نفس الشي وكان مؤلم وتدرين ماأبغى أخوفكـ بس أنا عندي الغرزة الاولى الفوقانية انفتحت تخيلي .. ورحت للطبيبة ورجعت صلحتها لي ببنج موضعي .. ورغم أن هذا الكلام له أربع سنوات والله أنه في بعض الأوضاع أحس بألم خفيف مكان الخياطة .. وكمان لما تجيني الدورة أحس بألم مكان الخياطه..


بس ياليت أخواتي اللي عندها طريقة معينة للحفاظ على الخياطة كما هي أو رياضة معينه
أنها تفيدنا حتى نسويها بالمرات الجايه ...

وطنيني عنك بعد زيارة الطبيبة وياليت تسأليها عن هذا الشي والطريقة الصحيحة لتفادي الألم ..


أيه صح فيه سؤال هل "المزلقات" تفيد في هذي الحالة أو لا


وماتشوفين شر يالغالية