ادري طفرتكم ماشالله اشتكي وايد اليوم .. وما كنت ادري انه يصير احط موضوعين بعد نفس اليوم :shy:
الي قروا موضوعي الاولي اني سويت فحص دم شامل بسبب احساسي المستمر بالدوخة ..
خلوني اخبركم بالي صار وياي وقت ما سحبوا مني الدم ..
انا صح اكره الابر ووقت دخول الابرة .. بس مب ارتبك او اصيح واخاف .. لا عادي بس اكره الاحساس و المنظر ..
والبارحة حولوني على المختبر عشان اسوي فحص الدم .. واستلمتني وحدة الله يسامحها :sad:
يلست ساعة اتدور العرق .. وانا شايفتنه مبين..
بعدين لين ربطت لي الحزام الي يحبس الدم ويبين العرق ..
وضبطت امورها .. لما دخلت الابره عورتني شوي لكن مب مشكله ..
وبعد ما خلصت تمت تضغط بقو على ايدي عشان الدم يوقف مع انه ماكان يطلع وايد :sad: وانا اتألم اصابع ايدي قمت ما احس بها من كثر ما حبست الدم وهيه تضعط ..
المهم حطت لي اللزقة و توني بطلع انا وريلي واحس بألم مب طبيعي في العرق ..
ما مدانا نمشي 10 خطوات اللا وصار الي ما شفته بحياتي ..
حسيت بشي رطب يمشي على ايدي .. وكأنه شي انفجر .. :eek2:
اقول ريلي اوقف .. واشوف كم العباه اللا نقطه حمرة عودة طالعه من بين خيوط العباه تخيلوا .. من صوب ايدي يعني ..
مت من الخوف ..
رفعت كم العباه اللا والدم يسييييل وطاح في الارض ويا على كندورة ريلي واشوف مكان اللزقه اللا ونفخة عووووودة في ايدي لونها ازرق .. والدم يصب .. وركض على الدكتورة الي سحبت الدم ...
وانا ميته رعب اول ما شفت المنظر اول مرة جي .. حتى هيه خافت وارتبكت ..
عاد شو سوت تمت تضغط على ايدي بقووووو احس ثقلها كله على ايدي والم مب طبيعي حسيت اني بموت ..
الدم ما يوصل باقي الايد .. لون كفي وصبوعي استوا ازرق وباااارد .. اقولها بس بس خلاص ايدي ما احس بها عورتني ..
المهم الدم في الاخير وقف وخيستني لين ما قالت بس .. كنا ناويين نسير كارفور :angry:
ومن بعدها انا مب قادره احس بايدي ولا اقدر احركها ولا ارفعها .. يعني احس مافيني قوة اني استخدمها ..
غير الالم واني مب حاسه بيدي تخيلوا لين اليوم الصبح وانا ايدي تعورني :sad:
واليوم مكان الابره صاير وردي على احمر ..
لكن فوق مكان الابره على الطرف بقعه زرقا .. وحوالين المكان لون ازرق خفيف .. والالم موجود ..
من شو صار هالشي ؟؟ والله طول الليل وانا افكر وكل شوي اسأل ريلي ويقول عادي
شوفوا الصور بس مب واضحة وايد
اتمنى تلاحظون الفرق .. :angry: