تحاليلي طلعت لكن بعدني تعبانه .. شوفوا قصتي

ع

عيون بوظبي

مشرفة سابقة

15-01-2007 | 06:27 PM

:sad: السلام عليكم خواتي ..

بصراحة مشكلتي متعبه وايد ..

من 3 اسابيع تقريباً ابتدت وياي دوخة .. احس بدواار براسي .. الدنيا تلف فيني .. حتى انه اول مرة ياني هالاحساس .. رجعت .. عزكم الله ...

وتكرر معاي الموضوع كذا مرة .. لين ما طفح فيني الكيل ..

رحت البارحة المستشفى ..

وسويت فحص دم كااااامل شامل ماعدا الدهون ..

وطلعت لي النتايج اليوم .. وطبعاً شكوكنا كلها كانت حول ضعف الدم ..

الحمدلله رب العالمين نتايجي كلها طيبه ..

يعني الي قالوه لريلي انه نسبه الحديد عندي اوكي ..

اقل شي في الحديد 35 و انا عندي 45

ونسبه الدم عندي 11.5 يعني الحمدلله زين ..

فشو سبب الدوخة :sad: يعني تستمر عندي بالساعات وتروح ..

شو ممكن يكون .. علماً بأني ما اعاني من ضعف النظر ..

اما عن الحمل .. يعني انا حاطه لولب .. وغير جي الدوخة ابتدت معاي في نص شهر 12 وبعدها ياتني الدورة طبيعي في اخر 12 ..

يعني مب حامل .. الا اذا كان فحص الدم الشامل ما يبين الحمل وممكن احمل والدورة اتييني الله اعلم ياريت تجاوبوني على هالنقطه ..
ياريت حد يجاوبني ويكون عارف بها الامور ..

انتظركم

.

..M!ss-P!nk..

مشرفة سابقة

15-01-2007 | 06:48 PM

ياقلبي

ماعرفت استفسارك :sad:

بس مابيت اطلع قبل ادعي لك(f)

اسأل الله العظيم رب العرش العظيم ان يشفييك (f)
اسأل الله العظيم رب العرش العظيم ان يشفييك (f)
اسأل الله العظيم رب العرش العظيم ان يشفييك(f)

ا

اسيرة قلبه

مشرفة سابقة

15-01-2007 | 06:52 PM

الله يشفيك ان شاء الله
بس ماسألتيهم وشو سبب الدوخه ؟؟ وماعطوك ادويه ؟؟
الزبيب يمدحونه حق الدوخات بس ماعرف طريقته بالضبط

ع

عيون بوظبي

مشرفة سابقة

15-01-2007 | 06:56 PM

فراشه فوشيه

يزاج الله خير حبيبتي فرحتيني بدعائج لي ..

اسيرة قلبه حبيبتي ماقصرتي فديتج

المفروض اني برجع لهم لو في شي

وهالاسبوع امتحانات يمكن اسير لهم الاسبوع الياي عشان اشوف شو بيعطوني من ادوية

وكانوا عاطيني قبل حبوب للدوخة بس ما حسيتها سوت لي شي ..

والمشكله انها من تبدي الدوخة ما اقدر اكمل دراسه وهالشي مأثر وايد على دراستي .. :(

والمفروض انه مافي علاج دام انه كل تحاليلي سليمه

ح

حبيبة جيمي

عروس ذهبية

15-01-2007 | 06:58 PM

واحيانا دورة الراس مو بسبب الدم بس
احيانا من قلة الاكل
او من ارتفاع او انخفاض ضغط الدم
انا بعد ولادتي بولدي كنت جذي والتحاليل الدم اوكي
وضغطي كان اوكي (في حملي كان الضغط كل منخفض)
والظاهر انه كان بسبب الولادة والتعب ويمكن الرضاعة
واستمرت معاي 6 شهور والحين صرت الحمدلله اوكي

خ

خواطر©

عروس فضية

15-01-2007 | 07:03 PM

اممممممم اعملي اشعة للرأس عشان تطمنين اكثر.............

ق

قطريه كوول

عروس مشرقة

15-01-2007 | 07:07 PM

حبيبتي سوووي تحليل للغذه قوولي ابي تحليل للغده لان بالتحليل الشاامل مايسوون للغده :(

انا كنت واااايد اتحب واحس بدووخه وطلع فيني الغده

وماتشووفين شر فديتج

ع

عيون بوظبي

مشرفة سابقة

15-01-2007 | 07:09 PM

والله توني اقول لريلي اسوي اشعه للراس ..

بس احس لو كان يستدعي كانوا قالوا لي ..

انا يوم براجعهم بقول لهم ان الدوخة مستمرة ..

اما اي غدة تقصدين الي ممكن تسوي دوخة ؟؟

والاكل .. انا ما احس بالجوع وقت الدوخة احس انه عادي مافيني شي ..

صح انه اكلي قليل بس وقت الدوخة ما اكون احس اني يوعانه

احترت في نفسي

f

frawla

مشرفة سابقة

15-01-2007 | 07:14 PM

أختي كانت تعاني من دوخة نفسج ..

بعدين سوت فحص كامل هم قالولها مافيج شي ..

طلع في شي بأذونها ..

فأنصحج تروحين تفحصين أذونج يمكن فيها شي ..

حتى لو ماكنت تعورج ..

وعسى الله يشافيج ..

أ

أريش العين

عروس ماسية

15-01-2007 | 07:31 PM

الله يشفيج ويعافييج يا عيون .. ما تشوفين شر ان شاء الله

والله مشكله الدوخه خاصه لو ما تعرفيلها سبب .. انا كنت جييه وسوييت فحص وطلع كل شي اوكييه وعلى قولة الدكتوره صحتج احسن عني وعن امج قالتها امايه الله واكبر منج هههههههه عن الحسد

اممممممممم شوفي يمكن يكون من قلة الاكل ...
حتى لو ما تحسين عمرج يوعانه جسمج يحتاج خاصه او انتي تدرسين ..
ماا ادري بصراحه شو السبب ..

بس ربي يشافيج ويردج شرى اول واحسن .. وكله بأجره حبوبه

بنفسوجة

ن

نوووسهUAE

عروس ماسية

15-01-2007 | 07:34 PM

رايي من راي فراولة

احيانا الاذن تؤثر

ع

عيون بوظبي

مشرفة سابقة

15-01-2007 | 08:41 PM

تصدقون عمتي ام ريلي قالت يجوز انه اذنج فيها التهاب ..

بس معقوله وانا ما احس بشي صوبها ابد ..

كل الدوخة في الراس واللوعة تزييد وايد وياي ..

قلت عقب الامتحانات بسير لهم وبطلب منهم فحوصات ثانية ..

ادعوا لي ربي يصبرني واتحمل لين عقب الامتحانات واركز في دراستي

ص

صلصوحه

عروس ماسية

15-01-2007 | 08:41 PM

ماتشوفين شر عيون

انا نفسج اتييني دوخه ويوم يسوون فحوصات يطلع كل شي اوكي

انا نسبة الدم عندي 12 يعني اوكي

و اليوم قلت حق دكتورتي من شو هالدوخه

قالت هذا فيروس ايي ويروح ماله علاج

ويصيب الإذن عشان كذيه انحس بالدوخه وعدم توازن بالجسم اذا مشينا

ان شاء الله اني افدتج ^_^

ع

عيون بوظبي

مشرفة سابقة

15-01-2007 | 09:13 PM

كلامج منطقي والله صلصوحة

فعلاً انا التفسير الي ياني اليوم من الكل انها ممكن تكون الاذن ..

انزين لازم يعطوني شي يخفف الدوخة

تخيلوا الاربعا عندي امتحانين كل واحد اللعن عن الثاني ولا عارفه ادرس ولا واحد منهم من كثر ما انا لايعة جبدي ..

الله يعيينا ان شالله :(

ص

صلصوحه

عروس ماسية

15-01-2007 | 09:19 PM

روحي الصيدليه و قوليلهم ابا دوا حق الدوخه

ومافي احسن من االليمون مع رشة ملح حق اللوعه ^_^

*

*درب المحبه*

عروس برونزية

15-01-2007 | 09:25 PM

اختي يمكن عندج نقص فالفيتامينات

الوالده كانت جي تحس بدوخه وخذت فيتامينات والحمدلله رجعت طبيعيه
ماتشوفين شر يالغاليه

ع

عيون بوظبي

مشرفة سابقة

16-01-2007 | 10:31 AM

الله يسلمكم كلكم من الشر ان شالله ..

وانا برد لهم ان شالله وبشوف شو بيعطوني من ادوية او حتى شو بيقولون لي

b

bhoor_alshoog

عروس جديدة

16-01-2007 | 12:13 PM

حبيبتي الدوخه يقول عنها الطبيب لها عدة اسباب واكبر مسبب لها اذا اذنك تعورك راح تحسين بدوخه .