يا صاحبات البيوت والمتزوجات والسنعات لااااااااااا تردوني من جد محتاجه لكم

وعليكم السلام ورحمة الله وبركاته

شوفي اختي يمكن انا ماقدر اساعدج لان انا ماعندي بيت لكن عندي ملحق صغير في غرفتين نوم وصالة وحمام واحد الله يعزج ومطبخ صغيرونو وماعندي غير بنت وحدة الله يخليها ان شاءالله


لكن بقترح عليج فكرتي وان شاءالله اقدر اساعدج لكن بالاول ماقلتيلنا عندج خدامة ولا لأ مع انه من كلامج مبين ان ماعندج لكن ياريت اتوضحين وكم طفل عندج, تشتغلين ولا لأ , عيالج كم اعمارهم, بيتج كم غرفة فيه.

لا ماعندي خدامه وبيتي مو كبير
وماعندي اطفال الله يرزقني ان شاء الله

وعندي غرفه نوم وغرفه ملابس وصاله ومطبخ وبس

وماأشتغل

وانا عندي نفس المشكله وش الحل ؟؟ ؟؟

الله يجزاك خير ويرزقك بالذريه عاجلا غير اجل .. سبقتيني وكتبتي اللي في خاطري ..

فراشه فوشيه:
لا ماعندي خدامه وبيتي مو كبير
وماعندي اطفال الله يرزقني ان شاء الله

وعندي غرفه نوم وغرفه ملابس وصاله ومطبخ وبس

وماأشتغل

[grade="00008B FF6347 008000 4B0082"]الله يرزقج بالذرية الصالحة انشاءالله

شوفي حبيبتي تقريبا بيتج كبر بيتي بالنسبة للمطبخ انتي كل يوم تطبخين صح والطباخ ياخذ تقريبا 3 ساعات يعني ممكن تبدين من الساعة 9 لكن تقومين من رقادج الساعة 7 اذا امكن وتغسلين الملابس ومش كل يوم يكون غسيل ملابس, يعني يوم لغسل الملابس ويوم لكي الملابس اوكي.
بعد ماتخلصين من الغداء انتي وريلج تشطبين على الاواني وتغسلينهم وتروحين اتريحين مع ريلج شوي وتنامين لك ساعتين وبعد ماتصحين تبدين بتنظيف البيت من كنس ومسح الطاولات من الغبار وهذا بياخذ من وقتج تقريبا ساعة او ساعتين بالكثير واعتقد البيت مايحتاج تنظيف يوميا, كل يومين نظفي مرة بما انو ماعندج اطفال ونفس الشي بالنسبة للحمام الله يعزج اذا نظفتيه عدل بتم لك يوومين او ثلاث ايام نظيف يعني مش يوميا اتغسلينة, وبالنسبة لغسيل المطبخ خلي يوم او يومين بالاسبوع بس لغسيل الارضية بالماء والصابون اما الايام الباقية فمجرد كنس الارضية بالبروش.


والله يعطيج الصحة والعافية ان شاءالله[/grade]


[glow=FFFF99][glint]dana2[/glint][/glow]

جزاك الله خير اختي

والله يجعلها في ميزان حسناتك

لو شفتي حالتي شو بتقولين ... انا عكسج تماما بيتي كبير بس مو قصر دور واحد وفيه غرفة نوم رئيسية ووغرفة ملابس وغرفتين للضيوف وغرفة معيشة وغرفة جلوس.... وصالة وأربع حمامات ألله يكرمكم ومطبخ رئيسي ومطبخ للطبخ واداوم من الساعة 7.30 لين الساعة 4.30 اوصل البيت الساعة 5 العصر ... لكن حالتي حالة واحس مقصرة في حق عائلتي الصغيرة المكونة من بناتي الثنتين وزوجي وأنا ... الله يحفظهم من كل سوء إن شاء الله......بس مشكلتنا وحدة عقدتي الوقت احسه يمر بدون اي شغل... بس بعطيج اقتراح إذا يناسبج .... قومي على الساعة 8 افطري بعدين رتبي الصالة أول شيء بعدين نظفي فناء البيت وبعد ذلك غسلي الحمام وبعدين رتبي غرفة النوم من 8.30 لين الساعة 11.30 تقريبا خلصتي 70% من شغلج وبعدين اطبخي حقكم غدا وبعد ما تخلصين خذي لج دش وبعدين صلي الظهر وبعد الإنتهاء من صلاتج روحي حطي الغدا لكم وبعد الإنتهاء من الأكل غسلي اللأواني وبعدين نظفي المطبخ .... وبعدين ريحي ونامي ساعتين ..... وفي الليل بتكونين فاضية ما وراج غير الطبخ حق العشا .... وخصصي لج يومين لغسيل الملابس ويومين لكيهم وسلامتج........

لو شفتي حالتي شو بتقولين ... انا عكسج تماما بيتي كبير بس مو قصر دور واحد وفيه غرفة نوم رئيسية ووغرفة ملابس وغرفتين للضيوف وغرفة معيشة وغرفة جلوس.... وصالة وأربع حمامات ألله يكرمكم ومطبخ رئيسي ومطبخ للطبخ واداوم من الساعة 7.30 لين الساعة 4.30 اوصل البيت الساعة 5 العصر ... لكن حالتي حالة واحس مقصرة في حق عائلتي الصغيرة المكونة من بناتي الثنتين وزوجي وأنا ... الله يحفظهم من كل سوء إن شاء الله......بس مشكلتنا وحدة عقدتي الوقت احسه يمر بدون اي شغل... بس بعطيج اقتراح إذا يناسبج .... قومي على الساعة 8 افطري بعدين رتبي الصالة أول شيء بعدين نظفي فناء البيت وبعد ذلك غسلي الحمام وبعدين رتبي غرفة النوم من 8.30 لين الساعة 11.30 تقريبا خلصتي 70% من شغلج وبعدين اطبخي حقكم غدا وبعد ما تخلصين خذي لج دش وبعدين صلي الظهر وبعد الإنتهاء من صلاتج روحي حطي الغدا لكم وبعد الإنتهاء من الأكل غسلي اللأواني وبعدين نظفي المطبخ .... وبعدين ريحي ونامي ساعتين ..... وفي الليل بتكونين فاضية ما وراج غير الطبخ حق العشا .... وخصصي لج يومين لغسيل الملابس ويومين لكيهم وسلامتج........

مشكورين

الله يجزاكم خير

**ديما**:
وانا عندي نفس المشكله وش الحل ؟؟ ؟؟

الله يجزاك خير ويرزقك بالذريه عاجلا غير اجل .. سبقتيني وكتبتي اللي في خاطري ..

يالله ان شاء الله نلقى الحل


آآمين وياك



رب لا تذرني فردا وانت خير الوارثين

هلا بإختي فراشة

خذي مني عزيزتي

أنا بيتي فيلا 3 أوار يعني ماحعدد لك كم غرفة وكم حمام :sad:
وانا بس صالي 6 شهور متزوجة
وأكيد ماحجيب شغالة ولحالي انا وزوجي وبالغربة

عموما أنا أحب النوووم واجد لأني قبل اتزوج كنت اشتغل ومحرومة من النوم
أنا أصحى على 11 أو عشر ونص ومرات حتى 12
اول شئ أقرى قرآن وبعدها اروح فطر على السريع وأدخل المطبخ اسوي الغدى زوجي يجي من الدوام 1ونص أكون انا خلصت الغدى والسلطة ونظفت المطبخ زين
يجي يتغدى نقعد مع بعض ولا حتى ينام
يطلع على 4 4 ونص
أبد انا التنظيف يوم اكنس البيت كله لأنو موكيت بالكناسة وألمع الطاولات والمرايا
وبعدها بخر البيت وأسبح واقعد اطالع تلفزيون ولا أدخل النت لين يجي على 9 9 ونص
يوم ثاني ابدى من العصر برضو انظف الحمامات
وعلى الأقل 3 ايام اغسل عشان لايترام علي
ويوم ثاني اخليه للكوي
عاد بالنسبة للغسالة قطي الملابس فيها بعد ماتنقي الألوان عدل وحطي التايد والينور والكلوريكس
وانا افتح الغسالة بعد ساعة ولا ساعتين القى الملابس حاااارة حتى نشر مايبغالة أسفطهم بس وادخل الدولاب
وبالنسبة للغدى أنتو شخصين
ممكن يوم تطبخين حق يومين وتحطينة بالثلاجة
وحاولي تسوين أشياء بكميات قليلة وسهلة
وخلك عن الخروف المحشي .....
وانا قبل لاأتزوج عمري ما دخلت المطبخ وهذاني الحين اطبخ ولا ياخذ منى اكثر من ساعتين
وسلامتك حبيبتي
وأتمنى اكون افدتك

تسلمين حبوبه

جزاك الله خير

هلا حبيبتي يمكن مشكلتنا الاساسية الوقت اللي نقضيه في المطبخ
اقتراحي هو الاشياء اللي ممكن نسويها وتحفظ وقتنا مثلا:
اذا تقضيتوا اكل رتبي كل شي
الدجاج قطعيه قطع صدور وافخاذ وبهريها وحطي ثوم وفلفل بارد ولفيها بلاستك وفي الفريزر
الكشنة حقت الغداء البصل والطماطم المبهر
سوي كمية تكفي 5 ايام وقسميها بعد ماتبرد على 5 اكواب وكل يوم استخدمي واحد
الخضار قسميها على صناديق بلاستك نظيفة ونحنها فوط تسحب الرطوبة وتحافظ عليها بس احرصي يكون البقدونس والجرجير ..الخ مقطع زين بس بدون غسيل مجرد تطلعين وتغسلين بس
اذا حابة تقضين وقت اطول مع زوجك واولادك وتنامين معاهم القيلولة
فالباقي من الغداء مجرد تشيلين النعمة الباقين في اكياس اذا بتحطونها للحيوانات بالبر
وخليك مجهزة سطل عميق فيه موية وكلوركس وصابون وانطلي الصحون والملاعق فيه بس انتبهي للزجاج
واذا تعشيتوا بالليل اغسلي مواعين الغداء والعشاء سواء
وانتي تطبخين لاتطلعين الف ملعقة وسكين استخدمي وحدة وغسليها كل شوي
ممكن اذا تقدرون تستخدمين غسالة الصحون
فيه فكرة انك تستخدمين الغسالة الاوتوماتيك وتحطينها في المطبخ نفس الوقت اللي تطبخين
تغسلين فتختصرين وقت طويل
عودي زوجك واولادك يشاركون معك في الترتيب
وخلي وقت التنظيف ضحك وكركرة من قلب استهبلوا كبكبوا مويات
وخصصي لهم يوم الجمعة رسمي للتنظيف العائلي
طبعا ماعندي اولاد بس احاول اخلي زوجي يساعدني ويحس بالروتين القاتل هذا وهو الله يكثر خيره مايقصر
وسلامتك حبيبتي

مشكوووره حبيبتي الله يجزاك خير

ماقصرتي :)


بس انا ماعندي عيال
ادعي لي الله يرزقني بالذريه الصالحه

ليمون مشكوورة! أفكار حلوة
طيب واللي تشتغل كيف تنظم امورها؟!!:confused:

قلبي انت فراشه

والله انا بيتي مش كبير مره يعني يتكون من صاله وغرفة نوم وغرفةمكتب وغرفه لنونو مستقبلاً


الله يرزقني وياااااااج مع دار للغسيل ومطبخ و3 حمامات عزك الله وحووووووش

بس انا مش حاطهجدول معين لي .....بالنسبيه للحمامات والارضيه والحوش تجيني كل اسبوع العاملة حقت الماما

العاملة حقت الماما وتشطب عليهم الملابس غساااله اتوماتك اما الطبخ مش مسؤله الا عن وجبه العشاء

العشاء عشان كذاااااا وقتي طويل وماعندي شغل متراكم

اتمنى اني افدتش حبيبتي

والله يسهل امورش

تحياتي

وديـعــهــ الحلوهــ بالطبيعهـ

**********************

حبيبتي بالم انا ادرس واحيانا اتاخر كثير بس
وزوجي عادي لو احطه له الغداء العصر او اخلي ازجبة الرئيسية في العشاء
بس انا انصحك اذا دوامك الى بعد الظهر انك تجهزين اغراض الغداء كلها وانتي تسووين العشاء
يعني طلعي الدجاجة وبهريها (ترى اطعم لها تقعد 12 ساعة مبهرة ومثومة ومعها ليموون وحركاااتات) هههههه
ويصير انتي مجهزة الكشنة من قبل في الفريزر
والسلطة طلعي اغراضها كلها في صحن بدون تقطيع
وانصحك بالة كينوود القطاعة الصغيرة
زي هذي

تقطع لك تبولة في دقيقتين ولا احلى وطعم رهيييب
بس من ترجعين من الدوام وقبل تتحممين جهزي كلش ماياخذ منك ربع ساعة ثم تحممي ونامي وقومي وحطوا الغداء
وبرضه انصحكم انكم تخلون ازواجكم يساعدونكم
ليه وحدة زميلتي في الجامعة تقول في اوقات الاختبارات ولمدة اسبوعين زوجي اللي يطبخ
ههههههه ماشاء الله عليهم الله يهنيهم

تسسسسسسسسسسسلمون

الله يعاااااااااااااااااافيكم

ويجزااااااااااااااااااااكم

الجنه

:)

والله البنات ماشاء الله عليهم ماقصرو .
يعطيهم الف عافية.

ماشاء الله افكار حلوة

تسلمين عزيزتي