لوكي الجديد بالصور،، متأكده بيعجبكم

صباح الخير بنوتات

شخبااااركم ؟؟

من زمااان ما شاركت معاكم في لوكات جديده ،، مع اني كنت ناويه احط لكم لوكاتي في العيد وبعض المناسبات ..

لكن حبيت احط لكم هاللوك قبلهم كلهم

بقول لكم السبب ،، وهو نفسه السبب اللي خلاني متأكده ان اللوك بيعجبكم

اول شي لأني خذت فكرة اللوك من موضوع مشرفتنا مجد .. وانتوا عاد تعرفون اللوكات اللي تحطها ،، وايد حلوه و مميزه ..

ثاني سبب وهو ان هاللوك وايد عجبني و لاحظت من خلال ردود البنات على مجد ان الاغلبيه عجبهم هاللوك نفسه ..

اللوك غريب لكن مميز و حلو ،، والاحلى ان تطبيقه سهل سهل سهل ،، حتى اللي ماتضبط المكياج بتقدر تضبطه ان شاء الله

اول شي وقبل مابدي حبيت اشكر حبيبة قلبي مجد على كل الجهود اللي تبذلها في الركن ..
وعلى اللوكات اللي تحطها واللي متأكده ان كلكم حبيتوها مثل ما انا حبيتها

وهذا هو رابط موضوع اللوكات اللي خذت منه لوك اليوم

لوكـ ـ ـ ـ ـات × لوكـ ـ ـ ـ ـات ،، رائعة وجديدة ومتنوعة وحصرية في عروس فقط

وهذا هو اللوك المقصود



نشوف الطريقه

اول شي بديت بغسل البشره و تحضيرها للمكياج


حطيت البيس من ايف سان لوران
بعد ما امتصته البشره ،، رشيت من الفيكس مثبت المكياج من ماك


وزعت الفاونديشن "دبل وير" بالاسفنجه
وبعده وزعت بودرة كراميل من كانيبو


مشطت حواجبي ورسمتها بفرشاه مبلله شوية و بالشادو البني من ماك


وزعت high brow من بينفت على عظمة الحاجب ،، دمجته بصبعي
وبفرشاة ماك 239 وزعت البيجمنت الابيض frozen white فوقه


بالقلم الاحمر من ماركس آند سبنسر رسمت خط على الجفن العلوي قريب من الرموش ودمجته بالاسفنجه الموجوده على طرف الكحل ..
وزعت الشادو الازرق 02 من بدي شوب على كامل الجفن المتحرك وعلى التحديد الاحمر وزعته عدل عشان مايبين اللون وايد قوي ..


على الجفن السفلي للعين ،، وزعت من نفس الشادو الازرق
وكحلت عيني من داخل بالكحل الكريمي من ماك Delphic


عقصت رموشي وحطيت ماسكارا ايف سان لوران


وزعت بلاشر ماكس فاكتور 219 بفرشاة ماك 129


حطيت قلوس فاتح وخفيف من بدي شوب 08

وبجذي اكون خلصت اللوك

مثل ماشفتوا اللوك كان وايد خفيف و سهل التطبيق

اتمنى ان تطبيقي عجبكم :shy: