جدول يومي لاثار البشره-بس بخلطات بنت عذاري

السلام عليكم يااحلى عراااايس

انا بشرتي دهنيه و فيها اثار حبوب صايره مثل البقع البنيه،،و فيني حبوب،،بس مو كثير،،يعني تجي مع ايام الدوره و بايام الامتحانات و كذه:sad:

و طبعا غثيت بنت عذاري و انا اسئلها عن الخلطات ،،و سم الله عليها صابره علي و جاوبتني على كل تساؤلاتي ربي يوفقها قولو اميييييييييييييين:shy:

اقمت و حفظت كل الخلطات اللي احتاجها على الديسكتوب،،و رحت السوبرماركت و شريت الاغراض اللي احتاجها

و بديت بالشغل

هالشيء صار من 3 اسابيع تقريبا،،وصدقوني بشرتي مررررررره غير:ok:

ولا كاني انا،،،اسمعكم قولو ماشاء الله:shy:



فقلت لازم عرايسي حبيباتي اعلمهم عشان يستفيدوا مثل ما انا استفدت



فنظمت جدول،،و مشيت عليه بالتمام،،و الحمدلله باين الاثر

بس لازم انبهكم بالاول انه اذا عندكم اي استفسار عن الخلطه،، اسئلوا بنت عذاري لانها اخبر مني

انا اقدر اقولكم من وين شريت الاغراض و شلون اثرت الخلطات فيني



و ثاني شيء بقولكم ان اثار الحبوب من الاشياء اللي يبيلها عنايه مستمره،،يعني مو بسرعه يبان

لكن اهم شيء انه يخف،،لاني زهقت و انا اغطي وجهي بالميك اب:sad:

لكن بتلاقون البشره يوم عن يوم افتح و انعم

ادري طولت عليكم،،بس حسيت لازم اعطيكم هالمقدمه


وكل اللي ابيه منكم دعواتكم لي بالتوفيق و لوالدتي بطول العمر



بسم الله نبدأ...

يوم السبــــــــــــــــــــت

:shy:


الصبــــــــــــــاح

اول ماتصحون من النوم،،وبعد اذكار الصباح طبعا،،على طول الثلاجه و خذوا القطنه اللي مبلله بعصير الخيار،،وامسحوا كل وجهكم فيه ،،ابدوا من الذقن الى الجبهه،،يعني من تحت الى فوق
وتلقون هالخلطه بهذا الموضوع لبنت عذاري

خيار خيالي مع بنت عذاري

http://www.3roos.com/forums/showthread.php?t=179222

الخلطه روعه،،يشيل الانتفاخ من العيون،،و لماتروحين الدوام محد بيقول انج توج صاحيه من النوم ،،ووبشرة وجهج تلمع و كانج بيبي


بعدين تروحون تاخذون الشاور كلمعتاد

وبعد الشاور و قبل ما تطلعون،،خذي قطنه و بلليها بمخفف خل التفاح و امسحي الوجه كله-واستخدمي قطنه للجبهه، و قطنه للخد و الذقن و الانف، و الهدف منه انه يخفف من الدهون و افرازه من الصبح،،انا لماااصحى من النوم احيانا القى وجهي يلمع من الدهون،،فاحط هالمخفف و على تختفي اللمعه

كوبين ماي ورد،،و ثلاث ملاعق خل تفاح

انا بعد ماقالت بنت عذاري ان الاسكينول اضراره اكثر من منافعه،،فضيت غرشه الاسكينول و نظفته و حطيت هذي الخلطه فيه و صرت استخدمه

وهذا هو الرابط

http://www.3roos.com/forums/showpost.php?p=2742217&postcount=2

و انتظر الين يجف 5 دقايق كذه،،واناانتظر،،اخذ اللوشن للجسم: انااحب جرجنز بالمسك ،واحيانا مرطب بيبي جونسن للجسم اللي على شكل بخاخ



و بعد ماينشف اخذ غسول الوجه اليومي،،انااستخدم التي تري من بودي شوب،،لانه للبشره الدهنيه و المبقعه،،لكن مانصحه للبشره الجافه،،وهذاالغسول خاص بالتي زون،،اللي هي الجبهه و الانف و الذقن،و يحد من افرازاتها،،ومع الاستمرار،،تخف الاثار

و تلقون صوره في هذا الموضوع لبنت عذاري

هذا العلاج رائع بيخلصك من كل الحبوب و اثارها
http://www.3roos.com/forums/showpost.php?p=2670542&postcount=7


و بالاخير اخذ مكعب ثلج،،وامسحه على كل الوجه لمده دقيقه،،عشان يقفل المسامات

و بعدها حطي مرطبك الخاص و الميك اب ،،و احلى صباح ،،و صديقاتج بينبهرون من بشرتج

:shy:




الظـــــــــــــــــــــــهر

او بعد العوده من الدوام

طبعا بعد ماتمسحين الميك اب،،وانااستخدم مزيل المكياج الطبيعي من بنت عذاري،،اللي بزيت اللوز الحلو

وهاذي طريقته

http://www.3roos.com/forums/showpost.php?p=2796901&postcount=2


و بعدين اذا كان عيوني باين عليه الارهاق:

اقوم اخذ قطنتين بعصير الخيار اللي ذكرته بالبدايه و احطه على عيوني،،و اريح بالي شويه ل20 دقيقه


واذا حسيت بشرة وجهي مسمره و تعبانه من الدوام،،اسوي طريقة بنت عذاري للثلج الجروش

مرره روعه و يشيل كل السترس عن بشرتي و نفسيتي،، تحطينها لعشر دقايق تقريبا،،و بهاذي الاثناء تقدرين تقولين الاذكار و الاستغفار،،عشان ربي يسهل لج ،،ويحميج من كل عين حسود

تلقونه هنا


http://www.3roos.com/forums/showpost.php?p=2874898&postcount=5



و بس،،ماحط اي شيء على بشرتي الظهريه،،،اريحها واخليها تشم هواء:shy:





اليــــــــــــــــــــــــــــــــــل

او قبل النوم

اسوي لبشرتي ماسك،،ماسك للتغذيه و للمعالجه بنفس الوقت
واخترت هذا الماسك لانه بشرتي دهنيه و فيها اثار حبوب

http://www.3roos.com/forums/showpost.php?p=2703580&postcount=4

و امسح وجهي بقطرتين من زيت اللوز الحلو و انام فيها