عرسي بعد اسبوعين بس مش مبسوطة !

السلام عليكم

كيف حالكم خواتي


والله مش عارفه من وين ابدأ رح ادخل في الموضوع

بصراحة عرسي بعد اسبوعين بالضبط ولكني مش مبسوطة !!! مع ان الحمدلله كل التجهيزات خلصت وكل شيء ميسر بفضل الله ولكن مش عارفة ليه قلقانه جدا وخايفة ومكتئبة :(

بدأ هذا الشعور قبل العيد الكبير ( الاضحى ) من شهر تقريبا مع اني مالكه من سنة ونص وبعشق خطيبي وكنت انتظر هاليوم بفارغ الصبر ولكن عمري ما شعرت هالاحساس .. ولا كأنه عرسي مش عارفه ليه :(

اول شيء بدأ هالاحساس لما تحدد موعد العرس .. صرت متعلقة بأهلي جدا وبدرجة ما كنت اتصورها ، وحزينة لاني رح ابتعد عنهم واسكن في محافظة تانية ( طبعا التنقل بين المحافظات في بلادنا مثل السفر من دولة لدولة واصعب بكتير كمان ) صرت أتأمل حركاتهم وكلامهم واتخيلهم واتذكر ذكرياتنا مع بعض وصرت حنونه عليهم وكل يوم في الليل ابكي وابكي لاني بفارقهم لحد انام :( وانا لاحظت مشاعر الحزن عليهم خاصة بابا ... وهو قالها اكثر من مرة حتى امام خطيبي واهله انه هو رح يفقد جزء من حياته وهو حابب ما يحضر العرس تجنبا للموقف ...هذا غير طبعا الهدايا ايلي صار يغرقني فيها هو وامي ....
امي دايما رقيقة وتبكي وتخاف علينا بس هو ابوي شخصيته صلبه ومتحكم ولكن حنون جدا ومش متعودة اشوفه حزين ولا عمري شفته ببكي الا بعرس اختي :( خايفة يوم عرسي اذا بكى هو وامي يغمى علي او اصيح مثل المجانين ..:sad: احنا طول عمرنا ما تفرقنا وكنا في ابوظبي ورجعنا لبلادنا وطبيعتنا ما نختلط بالناس واهلي بخافوا علينا من الهوا الطاير وقرايبنا كل واحد في بلد عايش علشان هيك مو متعودين نفترق ابدا...

نقطة تانية وهي المشكلة الكبيرة

رح اسكن قريبة من بيت عمي ( اهل زوجي ) ومع انه رح يكون ايلي بيتي منفصل وبيت سلفتي ( زوجه اخ خطيبي ) منفصل ولكن كلنا مشتركين بساحة وحدة وهذي الساحة رح يصير فيها العرس ان شاء الله ....

المشكلة من فترة قريبة قالي خطيبي عن سلفتي اشياء ما كنت اعرفها مع اني كنت الاحظ عليها وهي انها غيورة جدا جدا ومن تحت لتحت يعني خبيثة :(

هي انجبت بنت وبعدها ما صار حمل من 8 سنوات الا مرة ولكن اجهضت نفسها بعد مشكلة مع زوجها ( لا حول ولا قوة الا بالله ) وتحاول الآن بكل الطرق انها تنجب ولكن طلع عندها وعند زوجها ضعف وكانوا يقولولها لازم تعملي اخصاب صناعي وهي مو راضية ورافضة الفكرة بشده بحجة انها ما تحس المولود ابنها بهالطريقة ..........

المهم ... لما تحدد موعد زواجنا من شهر تقريبا فاجأت الجميع وقالت لزوجها انها رح تعمل اخصاب وفعلا عملت العملية وقعدت في بيتها وكانت تقول لأخت زوجي انها ما بدها تحضر العرس ولا بدها تشارك فيه وهي مو ناقصها بكرا تيجي سلفتها ( انا ) وتصير تنجب العيال وهي تقعد تتحسر حتى انها قعدت تفاول وتقول انه العرس رح يخرب لانه ما في حد رح يقوم فيه ... ومرة قالتلي هي نفسها انها لما عرفت انه اختها حملت بولد انجنت مع انها اختها وكانت تتحسر وتقول المفروض هذا ولدي !!!!! تلمحلي لاي درجة تغااااااااااااااااار :sad:

حتى لما اخترت انا وخطيبي اسم الولد الاول علشان كنيتنا قلنا بنسميه ( عدي ) علشان نصير ابو عدي وام عدي لما عرفت هالشيء قالت انا رح اسمي ولدي عدي وانا بحب هالاسم وقررت اسميه واذا تزوجتوا وخلفتو ولد اسمه عدي رح اتحسر كل ما اشوفه واقول المفروض هذا ابني !!!!!!!!!! وطبعا قلت في نفسي خذي الاسم صحتين على قلبك !!!

هذا غير طبعا انها كانت تلمح على جسمي لاني نحيفة وهي سمينة شوي وتقولهم بكرا بتيجي عندنا وبنشوف اذا ضلت حلوة ورشيقة !! اكيد رح يخرب جسمها :(

والمشكلة عمتي ( ام زوجي ) سمعتها مرة بالصدفة وهي تتهامس مع اختها وتقولها تلميحات عن وحده تعمل عملات ( اعمال سحر وحجابات ) قلت لامي هالكلام وامي خافت علي وقالتلي خليك مؤمنة بالله وحطي قرآن وسورة البقرة في بيتكم دايما وخليك مليحة مع الجميع وسكري بابك على نفسك ...:sad:

وفوق هذا كله في الايام هذي الحرجة حلفت سلفتي ما تساعد ولا تشارك في العرس والمشكلة هي متحكمة في زوجها ايلي هو أخ زوجي ( وهو اخوه الوحيد ) وفعلا صار متغير عليه كتير ودايما قاعد في بيته وما يشاركه في تجهيزات العرس... ولا كنه اخوه بتزوج!!!!!!!!! لدرجة مرة قال لخطيبي ليه مستعجل أجل عرسك !!!!!!!!!!!

نفسيتي تعبانه وخايفه جدا من هالزواج ونفسي ما ابعد عن اهلي لاني حاسه نفسي بروح على عالم ثاني كله توتر وقلق :(



آسفة لاني طولت عليكم ولكن فعلا حاسه اني رح انفجر :confused: