الحمدالله ولدت ... بس مشكلتي البطن

الحمدلله على سلامتك....

ويتربى بعزك انشاء الله


حبيبتي انا ماادري، لاني مش متزوجه
بس اشوف خواتي يربطون بطنهم، او يلبسون كورسيه خاص...
ويحاولون مايكثرون من الماي
هذا اللي اعرفه بس


:shy:

كم لك من ولدتي أختي و هذا البيبي رقم كام ما شاء الله

لأنه إذا توك والده غهذا شي طبيعي و مع الرضاع الطبيعيه بيرجع البطن

الف الف مبرووك جعله الله من مواليد الصحه والسلامه

بالنسبه للبطن في اول النفااس يكون الطن كبير لان الرحم لسه مارجع مكاانه

والرضااعه لها دور في تقلص الرحم وترجعه مكانه فتصغر البطن

بس لازم بعد ماتخلصين من الاربعين تسوين تمارين

سمعت في ناس يربطون بطنهم بشماغ لأنه قوي
وآنا ناوية اذا ولدت اربط بطني او اخلي عليه
حزام طبي لأن اتصور هالشي ضروري خصوصا
في فترة الاربعين

امهاتنا القبليات كانن يسخنن حصاه كبيره ويلفنها بفوطه ويحطها على بطنهن واهم شي ما يجهدن نفسهن بالشغل وبيرد البطن شرات قبل انا من الحين مزهبين لي الحصاه هههههه

الف مبروك على المولد الجديد ويتربى في عزك ان شاء الله

انا من اللى كنت اشوفه ... حصاه حاره عالبطن و الحبه الحمراء وربط البطن بشيله الصلاه

انا بعد مثلك توني والدة وهدا المولود الاول لي ومشكلتي في البطن بس احس انه وااااااايد خف عن بداية الايام وباقي شووي ويرد مثل قبل..من كلام خواتي انه بروحه يرجع لطيعته بعد كم شهر بس..

الف مبروك على المولد الجديد ويتربى في عزك ان شاء الله

بصراحه ماشالله ماشالله انا بطني رجع بسرعه بس وقف على حد معين يعني كأنها انتفاخ البطن وقت الدورة للعلم اني توني والده وماكملت شهر

بس اخذي كماده حاره اللي هي المطاره اللي تترسينها ماي واشفطي بطنج واربطيها بشماغ
ماشالله بسرعه بيرجع

الحبة الحمرة ؟

شو هذي ؟ و كيف تسوينها علشان يرد بطنج ؟

بالنسبة للحزام ، طت من الدكتورة تعطيي واحد ، ما رضيت علشان ما تبيني أكسل و ما أمشي

يعني المشي بعد يساعد على رجوع البطن

و كذلك أنا أشوف الحزام بعد يساعد ... حطيه قد ما تقدري في فترة النهار و بليل شيليه
علشان ترتاحين في النوم ، لين فترة الأربعين
وان شاء الله يرد الطن

الحمدلله على سلامتك....

ويتربى بعزك انشاء الله

مبروك الولاده اختي ويتربى في عزكم ان شاء الله جعله من مواليد الصلاح والسعاده

مثل ما قالو لج الاخوات اذا توك والده شي طبيعي يبي له وقت البطن لين مايرجع بس اوصيك بالرضاعه الطبيعيه واذا كنتي ليحين بالنفاس مطارت ماي حاره خليها على بطنك وتقدرين تنبطحين عليها انا كنت اسوي جذي

ياهلا والله

بخواتي الغاليات

أشكركم كل الشكر على ردكم الجميل

والله يبارك لكم إن شاءالله

وإن شاءالله بجرب هالنصائح .. ويروح بطني ويرجع مثل الأول

بس يقولون المساج حق البطن زين يروح بسرعة

حد فيكم جرب المساج ؟؟؟