انقذوني بستخف من ولدي

هلا اختي للاسف ما اقدر افيدج بشي بس لو تحطين مشكلتج في موضوع الاخت توتة البحرين عن اللي عندها مشكلة مع طفلها...انشالله بيفيدونج الخوات....

كم عمره؟

ماما يا حلوه
هدي اعصابج

و الله العيال ما فيهم شي
نحن اللي اعصابنا تلفااااانه من هالدنيا اللي مو مخليه حد في حاله


و الله انا جتني فتره صرت اللهم يا كافي شوي و بضربها و اتعوذ من الشيطان و بعدين رجعت لي الحاسيه و قلت انا شصاير لي

و بديت شوي شوي اهدي اعصابي بروحي
و بس اشوفها تسوي الغلط
اقوللها يالله ماما نلعب المسرحيه و لا نلعب الأمير و الأمير و الله فديتها تييني ركض مع انها مجنونة شقاوه هالبنت

البسها جرابات في ايدها و البس انا جرابات في ايدي و نسوي مسرحيه و نسولف و نتكلم و تنسى الشقاوه و تهدى
لانها تسوي الغلط من الملل ما تلاقي شي تفرغ فيه طاقتها تقوم تخرب
فالحين بس تشوف نفسها ملانه تجيب الجرابات و تقول يالله ماما نلعب

و الحمد لله عرفت اكسبها و اهديها


وسعوا خلقكم على عيالكم و الله بيهدون لا تفرغون ضغوط الدنيا فيهم

دمتم بود لهم

عمر ولدي سنه وسبعة شهور
راح اجرب الطريقة الي قالتها سحايب دبي
واشالله خير
شكرا على الأهتمام والله يعطيكم العافيه

جربوا والله تلعبون وياهم و لو فكرتوا بتلقون في الفتره اللي يصيرون فيها شياطين ترى احنا نكون مقصرين وياهم
و لا مضغوطين و لا في عندنا مشاكل عائليه و لو بسيطه و ما تنحس بس و الله تاثر على تعاملنا ويا هالاطفال الأبرياء

لااا تستخفين ولا شيء طولي بااااااالك

تري كل الاطفال كذا وعندك وعندنا خيير

كلام اختي سحايب دبي صح والله

ماساكين الاطفال انا اذا ضربت بنتي عشانها تعاند ارجع ابكي عليها

فاحاول اهدي نفسي معها قدر الامكان وماشاء الله الاقي منها تجاوب

فكثر الضرب بيسسب تبلد في الشعور

سايسيه لابعد الحدود بس لاتمشين كلامه عليك كثير على شان مايتعود

اذا عاندك سوي نفسك تبكين وقوليله خلاص بروح عند الناس ياخذوني ولا اي احد

يخاف عليك منه

وان شاء الله مايكون معك الا زي الحلاوه

سنة وسبع شهور <<<<<<<<<<؟؟؟
حياتي
ولدج قاعد يعيش سنّه
وتتكون شخصيته
والعند من سمات هالعمر
وبعدين ليش اتجنين منه؟؟؟
انت الكبيرة العاقلة اللي المفروض تتحكمين في مشاعرج!!
وهالسن ايجون بالحيلة احيانا....(تغيير الموضوع مثلا...الهائه بشيء آخر)
أو التطنيش (لما يبغي شي غلط او مش مناسب)
وعند التبديل كل الاطفال يجننون الام
ويحاولون يشردون وهذي بالنسبة لهم لعبة
وطبعا بالنسبة للام عنيد وقليل ادب ....!!!
دائما انظري لما يفعله من جهة نظره وليس بعين الكبار...
وفي النهاية كل صفعة أو ضربه
معناها انه سيكون بعيدا عنك كلما كبر....
وانتي ستكونين الخاسرة الوحيدة
تخسرين اعصابك
وابنك
والسنين الحلوة معاه...
هداك الله وأصلح بالك

عندي بس هذا الولد وما عندي خبرات عن عالم الطفل
بس اكيد راح اتبع نصايحكم
ومشكورين
منتدى عروس احلى منتدى و العرايس الي فيه ما يقصرون