اتمنى انكم تساعدوني

اخواتي الغاليات حبيت اقولكم عن مشكلتي وهي انه عمري الحين 23 يعني قاربت على 24 ولم انهي دراستي الجامعيه الى الان والمشكله اني الفصل الماضي كنت منسحبه من الجامعه وانه ما حابه الجامعه اللي ادرس فيها ومب مرتاحه فيها وما عندي فرصه لدخول اي جامعه اخرى للاسف لانه شروط القبول صعبه او الدراسه تكون غاليه ومع هاي انا احس انه لازم اضغط على نفسي واكمل دراستي امي عندها انه عمري كبير لاكمال الدراسه وتقول انه ما يصير وحده يكون عمرها 24 تكمل دراسه وتكلمني بصراخ وتعايرني وانا من النوع اللي لو حد كلمني بصراخ خلاص اكره الموضوع يعني تقول لي هاي اخر فرصه لج واخر مره ندفع لك وكذا وانا ما حب هالاسلوب الصراحه احس خلاص ما لازم ادرس لو جذي والشي الثاني اللي متعبني اني ما قدر يكون عندي حياه مستقله يعني اني اطلع مع صديقاتي وجذي ما عرف كيف ابدى اواجه امي في هالشي واطلبه منها وكيف يصير هالشي عادي يعني يكون عندي صديقات ازورهم ويزوروني واطلع معاهم ساعات احس بالوحده عطلول يعني انا دائما قاعده لحالي او عالنت ما سوي شي غير اكثر شي افتح الماسنجر وما سولف مع حد هالايام او افتح المنتدى وارد عليكم بس القسط فالجامعه اللي ادرس فيها مش كبير لكن انا اليوم كان مفروض اخذ من امي المبلغ لكن ما عرفت اقولها كنت نايمه وانا خايفه وما عرف شقول عذرا للاطاله اتمنى منكم انكم تساعدوني .