حملج وولادتج شئ رائع في الحياة**من واقع خبرتي **تفضلي

حبيت اكتب موضوع اقدم فيه شوية من خبرتي في سوالف الحمل والولادة، من كثر ما شفت اسئلة وايد تدور في بال اي زوجة تبي تحمل او اي حامل تبي تسئل..واتمنى من الله العلي القدير يوفقني :yes: اني ا قدم المعلومة المفيدة لكن انشاء الله

اول شئ بتكلم عن المتزوجات حديثا:

المتزوجة لأول مرة، اكيد :yes: تحلم بالامومة، بس في منهم يأجلون سالفة الحمال ويسوون موانع وفي منهم يتوكلون على الله وما يسوون موانع لأنهم يبون الحمل في بداية الزواج، بالنسبة للي تفكر تمنع ابي اقولها كلمة: قبل ما تفكرين انج تمنعين ، فكري هل انتي اصلا قادرة على الانجاب، هل طريقتج بالمنع بتخلي تبويضج يضعف ، من الموانع تركيب اللولب__> في منهم يرتاحون له وما يضر، وفي منهم يسبب لهم نزيف لايحمد عقباه، فانتي ليش تضررين نفسج في بداية حياتج الزوجية بآلام ونزيف وحالتج حالة!!! وفي الحبوب بانواعها: اللي تخلي المزاج عصبي وجبدج لايعة وحالتج النفسية خرا ووو، وانتي بعدج عروس ،يعني تصير اشياء انتي مش :no: متوقعتنها لقلة الخبرة ،، المتزوجة لازم تفكر بها الشئ وايد قبل لا تتخذ اي خطوة، لأن فيه وايد متزوجات امنعو الحمل من البداية وظلو محـــــــــــــــرومين لسنوات،:cry: ولا يكلف الله نفسا الا وسعها، المفروض اول شئ تكشف على روحها هل يصير تبويض هل البويضات مستعدة للتلقيح ، هل البويضات تكبر والا توصل لحجم ومعين وتقف وتظل صغيرة غير جاهزة للتلقيح!!هل هل هل ...المنع الطبيعي ممكن يكون الحل الاقل خطورة لأنه طبيعي وما عليه شئ..
تجربتي الشخصية:انا ظليت لمدة 4 سنوات ما حملت، وكنت طبيعية 100% بس ارادة الله فوق كل شئ، رحت مستشفى في العين (توام) سويت كشف كامل انا وزوجي والله ما عندنا اي شئ، وكشفت لمدة شهر اروح المستشفى تقريبا كل يومين علشان الدكتورة تفحصني داخلي تشوف حجم البويضة هل تكبر والا لأ! وتابعتني خطوة بخطوة،مرة من المرات الي كنت اروحها دخلت علشان اشوف نتيجة الفحص ، قالت لي حجم البيوضة متوقف من 3 ايام للحين ما كبرت :qaq: الحجم المطلوب وش جاهزة للتلقيح اصلا،،رجعت لها خلال الاسبوع نفسه قالت لي كبرت البويضة،وجاهزة للتلقيح وباجر لازم يصير الجماع، وانتظرنا لين موعد الدورة الياية وما صار حمل.:no: ..
فاللي عرفته من هذك اليوم ان تبويضي مش في اليوم ال14 مثل ما كنت اعتقد...يعني مو كل البنات تبويضهم نفس اليوم كل وحدة تختلف عن الثانية، على حسب طول دورتها هل 28 او 29 او 30 او 31.
ظلت حالتي النفسية تعبانة كل شهر:sad: انتظر الحمل، ومتفائلة بالخير، لأني ارتحت من ناحية المستشفى اني انا وريلي سليمين 100% وما ينقصنا غير الدعاء لله بان يرزقنا الذرية الصالحة،لين رب العالمين رزقني
كنت طول هالفترة في الجامعة: مجرد ما خلصت الجامعة____>قلت خل اروح افحص مرة ثانية لعل وعسى يكون فيني شئ، ورحت مستشفى الكورنيش قسم العقم ، وكشفت وسويت تحاليل و كل شئ طلعت سليمة الا من الفحص الداخلي________> قالت لي الدكتورة فيني التهابات وايد وخطيرة:qaq: وايد وصلت لدرجة القرحـــــة ووو..وقالت لي ما :no: بتحملين لين ما تروح القرحة وتتعالجين مستحيل يصير حمل بها الفترة، عطتني ادوية الدنيا، وكنت طالعة من عندها دموعي :cry: على خدي قلت ما بحمل لين سنوات طويلة ، ورحت لريلي ضايق صدري ويحليله قعد يهدي فيني..لين قبل موعد الدورة اللي اصلا ما كنت افكر فيه، حسيت بتغيرات :qaq: غرييييييييبة جدااااااا، والله العظيم قلت انا اكيد حامل، رحت شريت جهاز الفحص المنزلي قبل موعد الدورة ب4 ايااااااااااااام كشفت على طول طلع خط خفييييييف، صدقت اني حامل بس بسبب تغير جسمي، وانتظرت كم يوم ورحت انا واختي لنفس الدكتورة اللي تعالجني وقلت لها سويت فحص قبل موعد الدورة وطلع حمل قالت لنشوف وبنتأكد،، وفعلا طلع :smile: حمممممممممممممل
وانا بعدني ما شربت الدوا اللي خذيته لمدة اسبوع وايد ما كملته!!!!
يعني اللي عرفته واللي سمعته واللي جربته ان الالتهابات ما تمنع الحمــــــــــــــل الا نادراااااااااااااااااااااااا
يعني هالشئ يصير بارادة الله تعالى مش من كلام الدكاترة



النصيحة اللي اوجهها لج يا أختي:

قبل كل شئ كوني مخلصة لله عز وجل والله العظيم ما في حل بالدنيا او اي مشكلة تتيسر الا من عند الله تعالى،ابكي من قلب صادق محروم ان الله يرزقج الذرية الصالحة ، صلي قيام اللليل، رب العالمين العالم بنيتج وبرغبتج انج في حاجة لطفل يملى حياتج ويفرح ريلج وتكونين عائلة صغيرة مليانة حنان وحب





الحالة النفسية: كل ما كانت حالتج النفسية سيئة تأكدي انه فال شر وما راح تقدرين تحملين الا بارادة الله، الهرمونات تتخربط بعصبيتج او بحزنج او بيأسج، كوني متفائلة :smile: فكري وقولي هالشهر بحمل ، اوكي ما صار هالشهر قولي رب العالمين يبي لي خير باني ما حملت هالمرة انشاء الله المرة الياية حتى ولو ظليتي لسنين ( ان ا لله يرزق من يشاء بغير حسااااااااب) صدق الله العظيم___> توكلج على الله شئ جميل ومطلوب في كل الحالات اصلا مو بس علشان الحمل، رب العالمين قادر على كل شئ ولعل الله رايد لج خير بانج ما تحملين..خلي قلبج واسع لا تحزنين، وتذكري ان هذي اراااااااااادة الله




امسكي مذكرة صغيرة اكتبي فيها او حطي دايرة على تاريخ من كل شهر بداية اول يوم لدورتج، واحسبي كم يوم طولها الدورة هل 7 ايام 5 ايام 8 ايام وجذه، واحسبي كم طولها هل هي 28_27_30_40 لازم تسوين هالشئ علشان تضبطين ايام تبويضج، وعلشان ما تنسين اكثر امسكي جوالج وافتحي التاريخ واكتبي قيد جديد فيه اول يوم لآخر دورة وسهلة هالحركة

الدورة تكون منتظمة وعادي، في حالة تأخرت لمدة 4 ايام او قدمت اربع او خمس او 3 ،المهم ما تتأخر عن 10 ايااااااااام هذي دورة مش منتظمة :no: 100% وتبويضج صعب تحسبينه، ويبالج حبوب علشان تنظمينها..:up:

في يوم تبويضج مو شرط الجماع يكون ورى بعض لألألألألأ، ممكن يكون يوم (r) ويوم ما فيه جماع، الحيوانات المنوية تعيش في الرحم لمدة 3 ايام ممكن خلالها البويضة تنزل باي وقت بارادة ا لله، وتتلقح ويصير الحمل انشاء الله

من يوم التبويض بعد ما تنزل البويضة خلاص عاد بتبتدئين تحسين ان بطنج شوي:gum: يعورج لأن البويضة نزلت يا تلقحت يا لأ، فبتحسين بآلام متفرقة لين موعد الدورة الياية، والآلام موجودة نفسها سواء حمل والا لأ، الشئ اللي يبين حمل ان الآلام مستمرة بس بدون نزول دورة، وانتفاخ للصدر وكثرة التبول وحالتج النفسية..ويختلف هالشئ بين كل حمل وحمل ومن بنت لثانية


في حالة انج تبين تحملين وتنتظرين كل شهر، امتنعي :no: هالفترة من أخذ اي حبووووووووووب هذا شئ غلط،ولا تشربين اشياء حارررة يعني حافظي على نفسج خلال هالفترة، لأنج انتي تنتظرين الحمل كيف:angry: تاخذين اي شئ بدون استشارة ممكن يضر وانتي تنتظرين خبر الحمل اللي بيفرح قلبج!!


اشربي حبوب ا لفوليك اسيد، روحي خذيها من الصيدلية هذي الحبوب مغذية للجسم ومفيدة للجنين:up: تقي التشوهات اللي تصيب الاطفال وانصح اي وحدة تفكر بالحمل تشربها قبل ب3 شهووور
من اكبر مصادر الفوليك اسيد الموجودة في عصير البرتقال مليااااااااااااااااااان منه انا احبه وعصيري المفضل وخاة الطازج