تو .. طين:sad:
وش عاد يا دار ٍ بها صار ( توطين )
و في مكتب التوظيف سوسن و ميسون !
مديرهم مدحت و نائبْته نسرين
و على الرسبشن حمّص و فول و زيتون !
كل ما اتصلت اسمع ( الو مرحبا مين ؟
بدّك وظيفه ؟ .. مين دلّك على هون ؟ )
اقول انا لي اتصل صار شهرين
و انتوا وعدتوني متى بس توفون
اسمي ( مواطن ) ( جامعي ) طيب و زين:ok:
كني ابخطب عندكم و اتّغلون !
عندي شهاده طايحه بكبدي سنين
عشش عليها شي له ستة عيون !!
لو للشهاده لسان قالت
(على وين ناوي توديني .. تلف فيني الكون ؟ )
من كثر ما صورتها غارق بدين
للهندي راعي المطبعه صرت مديون
لا ليلي ليل ولا نهاري نوى يبين
دقيت راسي لين ما صرت مجنون] !:angry:
مطلوب خبره عالأقل في مجالين
ولا تجينا بواسطه و سير مدهون !
ولا انثبر في بيتك .. افرك بكفين
يومك يشابه امسك و عيش مغبون
تعدادنا ويّاهم اربع ملايين
و اهل البلد للحين ما صاروا مليون !!
ويلاه من باكر اذا وضعنا الحين
و احنا اقل من الربع حالنا شجون !
و اللي ابتسم له حظه والله مسكين !
حصّل وظيفه .. بس في وين .. تدرون ؟
ساكن في راس الخيمه .. حطوه في العين !!
و اللي سكن في الذيد .. في السلع مدفون !!
يشوف اهله بس في الأسبوع يومين
و اذا حسبتوا الدرب كم ساعه .. تبكون
يعني في كل احواله ذاق الأمرين
شغّال محزون و بلا شغل محزون
و الأجبني اللي راتبه فوق عشرين
فله و سياره و تذاكر .. و طاعون
عنده بدل كل شي عالراتب الفين
حتى بدل معجون اسنان و صابون !
و من بعد ما يجمع من بلادي فلسين
و يربّي م القعده على الكرسي بطون
و يصير في بلاده غني و عنده برجين
يرحل و هو جاحد .. و كم مثله ملعون !
و حتى الجماعه قوم مدحت و نسرين
مردّهم لبلادهم لو يطولون
يرضون بشوية دراهم .. و شفتين
صبح و عصر .. لو حتى في الليل يرضون
بس لو سمعتوا همسهم بينهم بين
وسط القهاوي يلعنون و يسبون !
لا تحسبوني عنصري .. كلنا طين
و الخل لو عاتب محبينه يمون
داري و انا اولى بها من الغريبين
ما يوصلون لحبها لو يموتون
و ( الأقربون اولى ) .. كلام ٍ من الدين
ما جبته من شعري مع الهام و ظنون
ولد البلد ما يبغي لبلاده الشين
بالروح بالدم يفتديها ولا يخون
لكن سؤاله يوم قلتوا له ( توطين )
يا كيف بيد الغرب توظيفه يكون ؟؟!!
شعارهم معروف ( راجعنا بعدين )
و باين من التأجيل .. انهم يخافون
اذا معك خبره .. يا اهلين و سهلين
و اذا شهاده بس .. عنك يصدون
ما عندنا شاغر .. و بطلنا تعيين
ولو تحرق الهاتف ترى ما يردون !
من وين اجيب الخبره ؟ من وين من وين ؟
دام الوظيفه عند سوسن و ميسون !
عندي بمطبخ بيتنا خبره سنتين !
تنفع اذا صاروا المطاعم يوطنون ؟؟!
ولا اهاجر و آخذ الخبره في الصين ؟
صح العيون صغار .. لكن يقدْرون
سؤال يا دار ٍ ..صراحه بترضين ؟
اني اسافر و اطلب الغرب لي عون ؟
و سؤال يا ناس ٍ على الراس و العين
صدق الوظايف واسطه و سير مدهون ؟
اما الجواب الشافي يجيني الحين
اما الجواب الشافي يجيني الحين
او هاتوا تأشيره .. اذا كنتوا ترضون
منقول ......................
قصيده تو .. طين
m
08-01-2007 | 11:52 AM
م
08-01-2007 | 11:59 AM
قصيدة رائعة
وتحمل هم الكثيرين
يسلم من قالها
ومن نقلها
وتحمل هم الكثيرين
يسلم من قالها
ومن نقلها
m
08-01-2007 | 12:06 PM
تسلمي حبيبتي مياسة العود
ر
08-01-2007 | 12:25 PM
والله القصيدة جات على الجرح صح لسان كاتبها وتسلمي اختي الكريمة على الموضوع
ت
08-01-2007 | 12:41 PM
صح السان اللي كاتبها وصح بدن اللي انقلتها
فعلا شي موجود عندنا ويقهر ويبط الجبد ومادري شنو اقول
فعلا شي موجود عندنا ويقهر ويبط الجبد ومادري شنو اقول
b
08-01-2007 | 01:03 PM
تسلمين عالقصيده الرووووعه
وصح لسان من قااااااااااال
وصح لسان من قااااااااااال
i
08-01-2007 | 07:23 PM
صح لسانه وصح ابدنج الغاليه
يزاج الله خير
يزاج الله خير
ا
09-01-2007 | 12:21 AM
ايه والله صادق مشكوره اختي
و
09-01-2007 | 01:20 AM
صح لسانه
ويسلموووووووووووووووووو ع القصيدة
ويسلموووووووووووووووووو ع القصيدة
m
09-01-2007 | 09:07 AM
وحشني زايد. احلا عروسه .جــ ورد ــوري. business_girl .توتة((أم حمودي)). روبا
شكرا خواتي الغاليات ع المرور ربنا يسهل علينا ونلاقي وظيفه محترمه
شكرا خواتي الغاليات ع المرور ربنا يسهل علينا ونلاقي وظيفه محترمه