محتارة مع هالخلطه..أوقف وألا أستمر؟؟

أولا السلام عليكم ورحمة الله وبركاته ..

ثانيا:..
خواتي أنا شعري دهني ناعم وقليل والشعرة نفسها خفيفه وأستخدمت خلطة الخروع الي أنا أخذتهاطبعا من منتدانا الغالي و هي:

ثلاثه من صفار البيض (الصفار فقط)+علبه زيت خروع كامله +ملعقة كبيرة واحده من زيت دابر أملا+ملعقة كبيرة واحدة من زيت الزيتون ..وأنا أضفت لها زيادة ملعقه من زيت الذرة وملعة زيت اللوز الحلو..

الحين خلصت أول اسبوعين مع الخلطه(في البدايه تستخدم مرتين بالأسبوع لمدة شهريعني 8 مرات بالشهر ثم مرة بالأسبوع لمدة شهر ثم تستخدم مرة كل أسبوعين ) والنتيجه جنان شعري ثقل بس الكثافه يعني مو كثير بينت المهم الي حابه أسأل مشرفتنا الغاليه عنه هو أن الخلطه جففت شعري كثير مع أنه دهني لدرجه أني لازم أزيته بعدها وأرطبه بزيت اللوزالحلو أشرايك يامشرفتنا أكمل ولا أوقف بصراحه ماودي أوقف الخلطه لأني أستفدت منها كثير ومرتاحه معهابس أنا خايفه على نوعيه شعري تتغير وتقل نعومته ويخشن نصحوني شسوي الي تفيدني الله يسعدها ويهنيها ويجعلة في ميزان حسناتها...وجزاكم الله ألف خير..