هلا والله بالشيخه...
وسامحيني حبيبتي على التأخير..
بس الصفحه قعدت ادور عليها مالقيتها...
المهم يالغاليه...
انا جبت لك الترتيبات اللي سويتها لصديقتي المخطوبة...
وجبت معي بعد موضوع لإختنا بنت الغالي هنا بالمنتدى..
يارب تستفيدي منهم...:shy:
نبدأ:
1-الكريمات:
* كريم الخوخ ستي موريز St.mortiz(تلقينه في صيدلية رويان، قيمته على مااظن 2واربع مائه)..صج رخيص، بس بصراحه ريحته ريحة عرايس حلو ومنعش:shy:
*كريم ثلجي أو كريم مانجو ، من عطورات عائشة في مجمع السيف.
*كريم يكون فيه جلتر(لمعه) على سبيل المثال عندك كريم (جيوبارد)أو (dazzling).
*الكريم مرافق لأحد عطورك اللي راح تشترينها ، يعني احلى عطر راح تشترينه، وان شاء الله بعطيك امثله، تاخذين كريمه وبودرته.
2-بودرة الجسم:
تاخذين لك بودرة العطر اللي راح تشترينه، أنا أقترح عليك بودرة جيوبرد.
3-دهن العود:
*دهن العود الكمبوديأ و الهندي( أقترح عليك دهن عود فقط...من محلات أجمل).
* دهن عود شمس ...من أجمل.
*عطر المشموم المركز من أطياب في مجمع الشيراتون.
4-العود والبخور:
*العود المبخر من أجمل.
*بخور ألمسني(ادري انه صار قديم، بس بصراحه لتبخير الغرفه والثياب مافي عليه، لسى محتفظ بالريحه الطيبه:shy: ).
*عود صباح الخير.
*عود من محلات رصاصي(اذا تلقين احد يجبه لك من الامارات).
5- العطور:
*برايفت كوليكشن(إستلودر).
*بربريز لندن.
*شانيل(كوكو مادمازيل...ألوغ...شانس).
*فري سكسي..من شركة فيكتوريا سيكرت...هذا ماراح تلقينه الا في محلين بالبحرين، في الحواج او محلات سيفورا في السيف.
*جيفنشي إيرزتبل.
*Armani code
*نينا...من نينا ريتشي.
6-عطور المفارش:
*عطر ثلجي من نفس المحل حق الكريم.
*عطورات المفارش السنعه بتلقينها في جنيد وفي محلات أطياب.ويفضل اخذ رائحة المشموم.
7-المفارش:
*مفارش السرير الرايقة واسعارها معقوله، عندك في مجمع الراشد بالسعودية في محل اسمه المتجر العام عند بوابة رقم 6.
*طبعاً عندك امعرض اشياء منوعه ورخيصة بعد:shy:
* واكيد ماننسى دبنهامز:shy:
8-أطقم الفوط:
*عندك محل حلو في شارع بوكوراة عند أسواق المنتزة، اسمه (شفافية)..يبيع اطقم فوط حلوة، واسعارها معقولة.
9-قمصان النوم:
*هم عندكم محل (شفافية).
*نعومي.
*لاسنزا.
*ماركس اند سبنسر.
10-الشموع وزهور الريف:
*ماركس اند سبنسر.
*نكتار.
*زهور الريف اللي في السعودية، في فرع له في مجمع الظهران.
*الشموع عندك لايف ستايل، اهم شي تاخذين عريضة لانها تكون سيفتي اكثر.
11-الجلابيات:
*أنمار عنده شغلات حلوة واسعارها زينه.
*السعفة.
*أكاجو.
*كارت بلانش.
12-الفساتين:
-الجاهزة: مجمع الجمعة سنتر+مجمع الراشد.
-الأقمشة: يازين السويكت:shy: +الخبر مول+اذا لقيتي احد يوديك الرياض يافرحتك على الشغلات الزينه هناك:shy: .
13-الذهب والاكسسورات:
لازم تاخذين لك ذهب حتى لو كم قطعة.
14-البدلات+البلايز+التنانير+شورتات+ برمودات+قمصان حفرة+وحركات دلع.
15-الصالونات والمعالجة:
-تدهنين الجسم يوميا بكريم مرطب.
-تناول الحديد، الجرجير،الفيتمينات .
-عمل حمام مغربي كل شهر او شهرين.مع مراعاة اخذ حمام بارد جدا، او رش ماء شبه مثلج على الوجه عشان تتسكر المسامات.
******
وهذا موضوع الاخت بنت الغالي:
http://www.3roos.com/forums/showthread.php?t=218694
اتمنى استفدتي يالغلا:shy:
