ارتاح مع اهلي اكثر من زوجي..مشكلتي طبيعيه؟؟

السلام عليكم ورحمة الله وبركاته
في البدايه احب اقولج الحمدلله على سلامتج ومبروك ماياكم ويتربى في عزكم ان شاءالله...
بعدين مشكلتج حبيبتي طبيعيه ومع مرور الوقت بتتغير الآيه وبيآخذ ريلج كل وقتج ...هذا لانه عشتي طووووووووول حياتج ويا اهلج خلاص متعوده عليهم ومتعودين عليج متعوده عالسوالف الحلوه ويا خواتج....
ولكن الزوج يآخذ فتره الين تتعودون على بعض وصدقيني لو كثر قعداتج ويا ريلج بتحبين قعداته وسوالفه اكثر.....
وكل شي بالتعود يصير حلو... وان شاءالله تردين بيتج وفي ايدج شي يديد بيبي بيملا عليكم حياتكم كلها حب ووناسه وحب ان شاءالله
تحياتي لج بكل الحب

مراحب اختي، انا اشوفها مشكلة طبيعية، بس الوحدة لو اتحب زوجها ذاك الحب كان تمنت انها تقعد عنده بدل اهلها ، وانا ماقصد اني اقول انج ماتحبينه بالعكس انا اتكلم عن الحب والعشق اللي انتي خابرته..

ومثل ماقالت ام سنيدة لانج عشتي مع اهلج سنين يفرق طبعا عن زوجك، بس حاسبي ( شكلي باخوفج). في كمن سالفة صجية صارت وراح اذكر وحدة. الله يسلمج تزوجت هالبنية وحطها زوجها بذاك الملحق الحلو واتصدقين من بعد اسبوع زواجها وهي تقريبا يوميا في بيت اهلها، اول شي قالت انها توها عروس وحاسة بالهم والبعد ، عاد زوجها مسكين قدر ظروفها، واستمرت بهالشي من بعد ماجابت مولود او اثنين وهالمرة تحججت بالملحق قالت ضيق اما بيت ابوي وسيع يشرح الصدر وكلهم موجودين، صارت مهملة مشاعر زوجها وبيتها اللي هو ملحقها تخيلي اشصار؟؟؟
مرة حماها (اخو زوجها) كان داخل حوش بيتهم قاصد انه يدخل داخل البيت وفجأة سمعت صوت حد جاي من الملحق صوت خطوات، ماشاف الا المصيبة، اخوه (اللي هو زوج المرة اللي اتحب اتروح لالهلها) مع وحدة ، يعني القصد مدخل وحدة ،للتوضيح كان يخون مرته بملحقها، شاللي يخلي الرجل يدخل وحدة في بيت ناس مليان الا انه يدري انه ملحقه فاضي والمرة محد اتبات بالايام عند اهلها..

واختي الكريمة ماادري انتي في بيت بروحج او ملحق، لو ملحق مع اهل زوجج حاولي انج تقعدين معاهم واتونسين روحج، واذا كنتي بروحج حاوبيي انج تشغلين نفسج بشي مفيد، وحاليا البيبي راح يشغلج، كلمي صديقاتج من فترة لفترة، سوي لج جو، وصدقيني لو شاف زوجج انج ماراح اتقصرين بحقه راح يوافق... والسموحة الشيخة عالاطالة

السلام عليكم
اول شي الحمدلله على سلامتج وسلامة البيبي ويتربى بعزكم
اختي العزيزه انا مريت باللي تمرين فيه انتي استانس اذا رحت بيت امي
احس اني بأمان والامان بالله سبحانه
بس صدقيني هالشي يتلاشى مع العشره والذريه الصالحه اللي بتخليج تحبين البيت
واهو بعد (زوجج) راح تلقينه يستغنى عن اماكن تعود انه يروحلها كل يوم
حبي بيتج علشان اهو يحبه بعد لاتنسين نفسج وشكلج والكلام الحلو ترى هذول لهم تأثير على حياتج وصدقيني دام ريلج متحمل تهربج منه اثناء زياراته لج معناته يحبج ومايبي يضايقج فخلي جزاءه حبج له ولبيته


والله يوفجكم ويبعد عنكم عيال الحرام وامة محمد اجمعين

تحياتي

انتي نفس خواتي لدرجة ان وحدة منهم تقعد طول الاسبوع عندنا ماتبي اتروح عند ريلها

حتى انا نفس الشي احب اجلس عند اهلي

اختي مشكلتج طبيعيه 100% انا بعد ودي اقعد 24 ساعه في بيت اهلي واستانس لما اكون معاهم واذا يوم مارحت تشوفيني ضايقه وطول الوقت اكلمهم في التليفون لكن الحمد لله صرت احسن من قبل لكن مايمر يوم ماروح بيت ابوي حتى لو 12 فاليل

[grade="00008B FF6347 008000 4B0082"]أولا ................مبروكـــــــــــــــــــــــــــ ..

ثانيا.................وازني الأمور في كل شىء وعطي كل حق حقهـــــــــــــــــــــ ..[/grade]


[grade="2E8B57 2E8B57 2E8B57 2E8B57"] مشتاقة الى الجنة[/grade]:flower:

ام بوسنيده:
السلام عليكم ورحمة الله وبركاته
في البدايه احب اقولج الحمدلله على سلامتج ومبروك ماياكم ويتربى في عزكم ان شاءالله...
بعدين مشكلتج حبيبتي طبيعيه ومع مرور الوقت بتتغير الآيه وبيآخذ ريلج كل وقتج ...هذا لانه عشتي طووووووووول حياتج ويا اهلج خلاص متعوده عليهم ومتعودين عليج متعوده عالسوالف الحلوه ويا خواتج....
ولكن الزوج يآخذ فتره الين تتعودون على بعض وصدقيني لو كثر قعداتج ويا ريلج بتحبين قعداته وسوالفه اكثر.....
وكل شي بالتعود يصير حلو... وان شاءالله تردين بيتج وفي ايدج شي يديد بيبي بيملا عليكم حياتكم كلها حب ووناسه وحب ان شاءالله
تحياتي لج بكل الحب

هلا الغاليه ..في اعتقـــادي ما قصرت الاخت ام بوسنيدة
والسموووحه الغاليه

السلام عليكم ورحمة الله وبركاته

أهلا بك أختي

وضعك طبيعي أختي....بالذات بعد النفاس...

لأنه الآن والدتك و أخواتك كلهم يدهم على يدك في المساعدة بأمور البيبي و يشيلوا عنك شويه

و إنتي عارفة بعد ما ترجعي بيتك بتكوني لوحدك في الأول و المسؤولية بتكون كبيرة عليكي...

لكن ما شاء الله إنتي قدها و قدود...البيبي لازم يتربى في بيت أبوه...و إنتي شويه شويه راح تلاقي حياتك رجعت طبيعية مرة ثانية :)

هلا يا غاليه وحمد الله ع السلامهوضعك عادي انا عانيت من نفس المشكله اكيد الاهل الامان والدلع و:و:و:

بس هدي سنه الحياة

بعدين ترى في النفاس تجي فتره اكتئاب يمكن انتي ربطتي الشي دا مع رجوعك البيت

وزي ما قلتي حاولي عالجي الموضوع دون ما تحسسي زوجك عشان ما تخسريه

ويارب يسعدك وياه ويجعله لك قرة عين

السلام عليكم
مبرووووك حبيبتي عالمولود ..
والله صدق بيني وبينج الجلسة ويا الأهل أحلى بس ولو راجعي عمرج
ترى ماعليج اكيد ريلج يلاحظ هالشي وتعذر لأنج في فترة نفاس أو يمكن لأنج يلستي وايد عند اهلج وحنيتي بزيادة
بس صدقيني مثل ماقالو الأخوات ..لو يلستي ويا ريلج بتحبي يلساته أكثر
الله يوفقج يارب
^_^