خلاص والله تعبت ياربي:(

انتي قلتي انج تكلمينهم بهدوء حتى يساعدونج ومانفع معاهم
الحل انج تتركين الشغل يومين او ثلاثة وقولي ماراح احرك شي لين مانساعد بعض على شغل البيت قولي انا تعبت ويد وحده ماتصفق
والله يعينج

امممممممممممممممممممممممم


مدري شقولج

كلمي حد من خوانج اييب خدامه يديده

وانتي لا تقهرين اعصابج

احس انج رابطه راسج بدون ويع

خليهم سوي طااااف


سوي مثل مايسون خواتج...

اهتمي في عمرج مايسوى عليج


واستغفري ربج دوم^_^

يالغالية ... حاولي دايما تكونين هادئه وابعدي نج العصبيه تراها مب زينه لج وراح تتعبين من لصراخ والتعصب على كل شي

دام عندكم شغاله خواتج اكيد بيرفضون يقومون يسوون اي شي ودامها مب زينه ليش مافكرتون تغيرونها
ومثل ماقلتي ماتعرف تغسل وتنظف الشغالات يبيلهم من يراقبهم يعني لين تغسل خلج وقفه يمها فهميها اشلون يغسلون واذا مافاد معاها ع طول غيروها

ترى صدقيني خواتج يمكن حابين يستانسون في حياتهم يعني بعدهم مايحسون بتحمل المسؤلية

بس انتي افضل منهم عندج حب المساعده والتضحيه صدقيني طبع وايد حلو وقليل يتمتعون فيه
بس انتي حاولي تهدئين نفسج وتقربي من خواتج افضل من انج تامرينهم على الاشياء اللي يسوونها

هم طبعهم جذي مايحبون يسوون شي او يساعدون .. وهذا كله مسؤله عنه الشغاله يعني اهي المسؤلية عن التنظيق وخدمة البيت


حاولي تعلمين الشغاله واذا مافاد غيروها

والسموحه يالغاليه

والله يعطيج على كثر ماتعطين غيرج يالغاليه ويرزقج بإذن محمد وآل محمد

شوفي عزيزتي انتي لا تحرقين اعصابش ولا شي
بس حاولي بأسرع ما يمكن تغيرون الشغاله
شي اللي يحدكم تصبرون عليها وتعطوها راتب وهي بليده
غيروها وان شاء الله مشاكلكم تنحل

أختي العصبيه ماتجيب حل...ماتجيب غير المرض.............انا جدا عصبيه بس وايد امسك نفسي بالعكس اتعامل مع كل شئ بعقلانيه..............يعمني تقولين الشغاله ماتنظف عدل...........امسكيها وعلميها من اول وجديد وقوليلها كل يوم تنظفين نفس هذا التنظيف واذا ماسمعت الكلام دقي حق مكتب الخدم وخلي يكلمونها لازم تشفليلها حل لانها تاخذ معاش................ثاني شئ حاولي تنظيم وقتج..............لأنه صدق اللي يشيل هم شكله يكبر ويتعب نفسيا...............يعني خواتج اللي ماتبا تشتغل خليلها بكيفها كله وحده مسئوله عن نفسها وشغلهم اتركي لهم...........بالنسبه للصغار اللي عندج.........علميهم يعتمدون على نفسهم............انا اكبر وحده من البنات فيبتنا....واللي اكبر عني عايشه عند جدتي......ولازم تكون فوق راسي مسئوليه بس الحمدالله................انظم وقتي......واذا مايعجبني شئ من الخدامه اعلمها كيف تسويه حتى لو عشر مرات.........واعب عليهم بس مب بصراخ لانه ممكن تكرر الغلط عشان ماتكرره.....لكن فالنهايه اعاملهم مثل خواتي..................والله يسر امرج ويهديج ويهدي خواتج............ويوفقج لما يحب ويرضاه

الله يعينج شكلج وايد تتعبين
الله يكون ف عونج
لازم ترمسين حد من خوانج يساعدج ويرمس خواتج

اختي


اسمعي النصيحة و خذي منها اللي يريحج

شوفي

انتي اكيد تعزين اخوانج بشكل كبير و الدليل انج ما تركتي البيت مثل ماهو و لا كان امر الخدامة بيهمج

و الغلط من خواتج انهم ما يساعدونج ..جربي تكلمينهم بهدوء
قوليلهم اللي يضايقج...يمكن يفيد

وعندي طريقة لطلب المساعدة من وحدة منهن

طلبي منها المرة الاولى بهدوء ..و المرة الثانية كذلك
اذا حسيتي انج بتعصبين
انتقلي لغرفة ثانية ..المهم تبعدين عن اختج لين ما تهدين
اشغلي عمرج بأي شيء ثاني


و على قصة الخدامة
اجلسي معاها
حطيلها قوانين و حدود
خليها تعرف حدودها
دخلي عليها المطبخ
قوليلها هذا الشيء ما يرضيج
و يوم بتشوفينها تنظف من فوق بس
ازقريها
و خليها تعرف ان انتي ملاحظة ان تنظيها مو من حاطرها
خليها ترجع تنظف
اعتقد ان هذي الطريقة بتخليها تعرف ان في احد بيكون وراها و مب كل يوم بتنجي باهمالها

و على قصة طريقتها في الكلام
كلميها من غير صريخ
ان هذا حد انتي ما ترضين لها بعبوره
و قوليلها ان اي كلمة مرة ثانية
بتتسفر
و هاتي غيرها
و كوني اشد حزما بهدوئج


يعني خلي كلمتك وحدة

و على قصة انتي جيتي و راضيتيها لما هي غلطت ( هذا اعطاها الثقة انها ممكن تلعب عليج بأي لحظة )


و الله يوفقج اختي

السلام عليكم ورحمة الله وبركاته

اول نقطة قبل كتابه الحلول هي هل اخواتك يتصفحوا هذا المنتدى

لانه احتمال يقروا الحلول وما تفيد معهم ويعرفوا كل خطوة راح تخطيها

فاذا الاجابة بـ لا راح انزل ردي في موضوعك واذا تاخرت يومين نزليه انت
لتستفيد الاخوات من حلي لانه احتمال ينفصل عنا النت

واذا الاجابة بنعم راح ارسله لك على الخاص ولا تنزليه في الموضوع
الا بعد ما تنحل مشكلتك هذا ان اتبعت طريقتي

في كل الاحوال انا راح ارسله لك على الخاص اليوم

احسن شي تسوينه انج تخلينهم
لا تعصبين على الخدامات ولا تساعدين حد بس لفتره بسيطه
وبعدين بيلاحظون الفرق! البيت بيصير عفيسه ولا شي بيترتب وبيعرفون قيمتج

ريحي نفسج وسوي مساجات عشان ترتاحين نفسيا وجسديا
اطلعي غيري جو .....
واقولج شي اختي... اذا انتي ما اهتميتي في نفسج من بيهتم فيج!!! !!

اشكركم جميعكم من اعماق قلبي على ردودكم اللي ريحتني واااااااااااااايد

اختي (( لولوتي1 ))

و على قصة انتي جيتي و راضيتيها لما هي غلطت ( هذا اعطاها الثقة انها ممكن تلعب عليج بأي لحظة )
<<<<<<<<<<<<< شو اسوي بها هالبليده لازم اراضيها لان لوتمت زعلانه بتنحط كل السبب علي انا

والكل بيتركني وحيده وبيعاملوني كاني مسوية جريمة قتل .... ومثل ماتعرفين مو بالساهل

الواحد يجيب غيرها حسبي الله عليهم هالخدم ماجابوا لنا الا عوار القلب :( ...

اليوم استقليت فترة عدم وجوده فالبيت ورحت اشوف غرفتها ... تصدقين اني لقيتها مفتشه في الزباله اللي كنا رامينها من عقب تنظيف غرفتنا وماخذا الكريمات اللي عاقينها ....

والله قهرتني يعني شاطره فالتفتيش بالزباله بس ماتعرف تشيل ....

عاد انا رحت واخذتهم ورميتهم بالزباله

وقلت يوم اروح الجمعيه بشتري لها كريمات عشان مره ثانية ماتاخذ ... مع اني اقولها لوبغيتي

شي تعالي كلميني او كلمي وحده من خواتي ... بس لازم هالخدم يحبون يسون اشياء من ورى

اصحاب البيت .... وتعرفون شي بنات ... ترى هالشغاله توها جديده مامشتغله في بلاد قبل

وعمرها 17 سنه اصغرر عني ... بعض الاحيان تكسر خاطري وبعض الاحيان احسها عنيده وتقهرني

ومشكلتها انها تفهم لكنها مافيها حيل تشتغل كانها جايه بس حق ترتاح :@

الحين انا يالسه اعاملهم بالهدوء وشوي وشوي ... وان شاء الله يتعدل الوضع :)



................................


اختي (( وجنة الرمان ))

جزاك الله خير الجزاء واسعدك دنيا واخرى وصلني الحل بالخاص وايد عجبني

وخواتي مايدخلون حق هالمنتدى .... :)



بارك الله فيكم جميعا ....

لا حول ولا قوة الا بالله

ربنا يعينك يا حبيبتى

تسلمين حبيبتي

^_^

السلام عليكم ورحمة الله وبركاته

اولا : اهتمي بصلاتك وامور دينك وادعي الله ان اللي راح تسويه ليس للتفرقة بين
اخواتك وانما لصلاح حالهم اقصد يتسعدوا ليكونوا ربات بيوت في المستقبل
ثانيا : انت مزودتها حبتين .... انت مو امهم عشان تكوني مسؤوولة عن البيت ..انت الاخت
ولازم اذا كانوا اخوانك كبار يقدروا اللي انت تسويه زي ما انت حريصة على راحتهم

ثالثا : اتبعي اسلوب الاخت اللي قالت اجلسي معهم واعزميهم اذا انت فقط طول اليوم
بس قاعدة تامرين فيهم وما تجلسين تتكلمين معهم وتضحكين معهم
لاني قريت في كتاب انه احنا لما نامر شخص ينسحب من رصيد الاحاسيس
اللي عنده تجاهك ( هو شبه مشاعر الحب اللي يكنه الشخص لك برصيد الاحاسيس )
فاذا كنت طوال الوقت تامرين فيهم راح يصير الرصيد صفر ... وما راح يسمعوا كلامك ..
.لكن ان جلست وضحكت معهم الرصيد اللي انسحب يرجع

رابعا: اهتمي بنفسك ..... اذا كنت لا تهتمين سوي جدول لك واتبعيه ولا تهملي هالشيء ابدا
ولا تعصبين حاولي تتكلمي بهدوء دائما حتى مع الحل اللي راح اقولك عليه اتبعيه
وانت هادئة بالعكس هم اللي راح يعصبوا وراح يكبروا بمليون سنة مو عشرة

خامسا : حاولي انه ابوك او اخوك يساعدك في الحل وان امتنع قولي له اذا لا تدخل بيني
وبين خواتي بعد اليوم اقصد لما تبداي تطبقي الحل
سادسا : الحل هو :
خلي الشغالة تمسك الغسيل والكي يعني كل شيء حتى لو ما تقنته لا تكدري نفسك
خليك زي خواتك زي ما هم راضيين يعيشوا بحديقة الحيوان عيشيها انت لفترة عشان
تنحل المشكلة تمام الى الان ..
غرف نوم خواتك لا تخلي الشغالة تنظفها ولا انت كمان خليها هم ينظفوها
حتى اخوانك الصغار خليهم ينظفوا غرفهم لا تقولي حرام عوديهم على تحمل المسؤولية
وان امتنعوا قللي مصروفهم او احرميهم من شيء
انت امسكي اعداد الفطور والغداء والعشاء أو الغداء فقط على حسب ما تريدين تمام
وامسكي جدول لتنظيف المنزل فقط الغسيل والكي لا... تمام
وخلي كل وحده يكون عليها التنظيف زي كذا اذا كان لديك خمس اخوات يكون الجدول هكذا
السبت : الكبيرة( الاولى)
الاحد : الثانية
الاثنين : الثالثة
الثلاثاء : الرابعة
الاربعاء : الخامسة
الخميس : الاولى

وان حبيت تحطي نفسك في الجدول على كيفيك بس كذا راح يكون عليك في
ذاك اليوم الطبيخ والتنظيف المهم وعلقيه في باب غرفة كل وحده فيهم وبلغيهم
يشوفوه بهدوء وانصرفي تمام الى الان
طبعا يكون تعليق الجدول يوم السبت
نجي الحين للتطبيق ويكون يوم الجمعه قبل تعليق الجدول
لما يجوا يتغدوا مع اخوانك طبعا ولا وحده فيهم سوت شيء
هنا انت قولي لهم بهدوء:( ايش راح تسووا الاكل هذا بس لابوي واخواني
واذا قالوا ليش قولي لهم : والله انا ماني امكم انا اختكم وماني مسوؤلة عن هذا البيت
لازم كلنا نتعاون في كل شيء)
واذا اعترض احد اخوانك قولي له يا انك تسوي جدول لنا بالعدل او تسكت
واذا ما سكت فصيري زي اخواتك وطنشي كل شء عشان اخوانك يحسوا
ويخلوك تتصرفين زي ما تبغي واذا قال بغير الشغالة قولي له وايش يضمنا
انها مو زي هذي اللي عندنا ....هذا اذا كنت ما كلمته قبل
المهم حاولي انه ما يكلون من الغداء
اما الفطور والعشاء في هذا اليوم اسمحيلهم
لما يجي الليل علقي الجدول وحطي تحته بالخط العريض اللي ما تطبق راح
تنحرم من الوجبات الثلاث حتى نبدأ الجدول من جديد
يعني قصدي بكلامي راح اضربلك المثل في اختك الكبيرة
هي عليها التنظيف يوم السبت فاذا ما طبقت تنحرم هي فقط من الوجبات اللي
تعديها انت من يوم السبت الى يوم الاربعاء شوفي الجدول السابق طبعا هذا الكلام
على حسب عدد اخواتك ان شاء الله تكوني فهمت اما البقية فياكلوا مالم يطبقوا
واستمري عليه لمدة شهر ان تعاونوا معك ضيفي لهم عمل جديد اللي هو الطبيخ
واذا ما طبخت وحده فيهم في يومها انت مانت مسؤولة لا تضعفين وتروحي تطبخي مكانها لا
خلي اخوانك يصرخوا عليها لانهم ما راح يشوفوا أي اكل
ومع تطبيقك لهذا الجدول لا تنسي العقاب
يعني ان اختك ما طبخت فعقابه راح يكون هوشه من اخوانك ..انت ما تتدخلي في الموضوع
اما ان ما طبقت التنظيف انت في اليوم المقرر عليك الطبيخ احرميها وقولي لها امام اخواتك البقية
هذا الكلام حرفيا ( اساسا المفروض مو انا بس اللي احرمك كمان اخواتي ليه احنا نشتغل وانت لا )
ايوه كذا خليهم ينتبهوا لهذه النقطة عشان هم كمان يعاقبوا زيك اللي تتهاون
يمكن في البداية راح تصير مشاحنات بينك وبين اخواتك اصبري ولا تخليها تسيطر عليك

سابعا : ان مر شهر او شهرين على حسب صبرك على الجدول الاول وما جاب نتيجة
وكان اخوانك معاك ومساندينك وكان اخواتك غير موظفات
اتفقي مع االي يعطيكم المصروف سواء اليومي او الشهري انه يعطيك المصروف كامل
اما اخواتك ناقص عشان اذا سالوا ليه يقول لهم( لانك تشتغلين اما انتوا لا ....
والنظام راح يكون مستمر على طول) ويكون هذا النظام منه هو ولا يبين انك اقترحتيه له

ثامنا : انا اتعمدت افرده ... اسمعي اذا مثلا راح يجي لاخوانك ربعهم يوم الاربعاء
طبعا التنظيف على الخامسة ... انت مالك شغل لا تروحين تنظفين ... لا تقولي فضيحة
نتفشل احنا ويتفشل اخوي مالك دخل خليه ينحرج واذا جاء وقال ليه ما نظفتوا غرفة
الاستقبال قولي له ببرود واستعباط اليوم دور اختي الخامسة هي ما نظفتها ....
خليه يشعلل تجاها ولو حاول يصرخ عليك قولي له انا مالي دخل اليوم دورها روح تفاهم معاها

في النهاية انت حرة في استخدامه وعليك بالصبر والقوة


الحرمان من الوجبات يعني ما يأكلوا من اللي انت اعدتيه وليس من الطعام كله
ايوه اذا ما حبيت تطبقي على الوجبات بمعنى تسوي انت الوجبات
بامكانك تسوي الطريقة على الغسيل والكي بمعنى اللي ما تطبق الجدول
ما تغسلي ملابسها ولا تكويها ولا الشغالة كمان تغسلها

اختي (( لولوتي1 ))

و على قصة انتي جيتي و راضيتيها لما هي غلطت ( هذا اعطاها الثقة انها ممكن تلعب عليج بأي لحظة )
<<<<<<<<<<<<< شو اسوي بها هالبليده لازم اراضيها لان لوتمت زعلانه بتنحط كل السبب علي انا

والكل بيتركني وحيده وبيعاملوني كاني مسوية جريمة قتل .... ومثل ماتعرفين مو بالساهل

الواحد يجيب غيرها حسبي الله عليهم هالخدم ماجابوا لنا الا عوار القلب :( ...

فاهمتنج اختي
بس شوفيها بطريقتي
الحين انتي كلمتيها عن غلطها و هي سارت تصيح ( او بالاحرى تمثل الفيلم المكسيكي )
و بعدين انتي ييتي و راضيتيها ....انتي قوليلي
شو فايدت كلامج اللي قلتيلها اياه قبل شوي
هذا يؤدي الى المعادلة التالية

تنبيه & تحذير+ تهديد = صياح + مواساة في الآخر .

انتي بهذي الطريقة تعطينها اشارة بأن الها الحق انها تغلط و تزعل و انتي اللي عليك تراضينها

اليوم استقليت فترة عدم وجوده فالبيت ورحت اشوف غرفتها ... تصدقين اني لقيتها مفتشه في الزباله اللي كنا رامينها من عقب تنظيف غرفتنا وماخذا الكريمات اللي عاقينها ....

والله قهرتني يعني شاطره فالتفتيش بالزباله بس ماتعرف تشيل ....

عاد انا رحت واخذتهم ورميتهم بالزباله

وقلت يوم اروح الجمعيه بشتري لها كريمات عشان مره ثانية ماتاخذ ... مع اني اقولها لوبغيتي

شي تعالي كلميني او كلمي وحده من خواتي ... بس لازم هالخدم يحبون يسون اشياء من ورى

اصحاب البيت

....

اوكي

هذه الحالية اعتقد موجودة عند اغلبنا ^^
و ما اقدر افيدج فيها .....بس يمكن تستحي منك ><او تخاف من ردة الفعل

وتعرفون شي بنات ... ترى هالشغاله توها جديده مامشتغله في بلاد قبل

وعمرها 17 سنه اصغرر عني ... بعض الاحيان تكسر خاطري وبعض الاحيان احسها عنيده وتقهرني

ومشكلتها انها تفهم لكنها مافيها حيل تشتغل كانها جايه بس حق ترتاح :@

الحين انا يالسه اعاملهم بالهدوء وشوي وشوي ... وان شاء الله يتعدل الوضع :)

هي صغيرة ..بس لازم تعرف شغلها

و خاصة انك تساعدينها مب تعقين عليه الشغل ...
بس بصراحة شكلها مب مال شغل ><