قصتي مع تأخر الحمل ..

السلام عليكم و رحمة الله و بركاته

شخباركم خواتي..

عساكم عالقوة و الصحة و العافيه ..

طبعا انا كتبت هالموضوع للإفاده ... و عشان خاطر عروسات حبوا يعرفون قصة تأخري في الحمل و العلاج و المعاناه و الحلول ..

خلوني ابدأ ..

الحمد لله

الحمد لله

استغفر الله

استغفر الله

سبحان الله

سبحان الله

لا إله إلا الله

لا إله إلا الله

الله أكبر

الله أكبر


بسم الله الرحمن الرحيم

طبعا انا يوم كنت بنيه .. كنت أعاني من تأخر الدورة .. يعني الدورة كانت تجيني كل 3 شهور مرة

أول كل شهرين مره .. و كانت تستمر معاي 3-5 أيام .. و كانت كميته قليله .

فقررت اني اسير اتعالج .. و سرت و سوولي ألترا ساوند . و لين يومك هذا اتذكر الماي اللي

شربته ..المهم .. و بعد الألترا ساوند شافت الدكتورة النتيجه و قالت انتي عندج تكيسات و هاي

التكيسات مأخرة الدورة ... و قاتلي هرمون الحليب عندج مرتفع وايد ..قالتلي لازم تنزلين من

وزنج .. لأني كنت مربربه ..

و حولتني على اخصائيه التغذيه .. و نصحتني الدكتورة و و صفتلي (جلوكوفاج)

طبعا ما قدرت اتقبل الدوا هذا .. و كرهته ليومك هذا .. قمت أحس بلوعه و العياذ بالله من هاي اللوعه

و كنت احس اني دايما دايخه و راسي يعورني و فيني ارهاق شديد.. و حتى اذا اكون ميته من اليوع

ما كنت اقدر آكل .. المهم تركت الدوا ,, و تركت نظام التغذيه لتخفيف الوزن ..

و قمت أخذ أعشاب .. من غير وصف الدكتورة اللي تنزل الوزن ..

و أول شاي خذيته هو (رويال تي ) ظعفني واايد هالشاي ...

و عقب قالولي خذي شاي ( بنت السلطان ) بس ما فادني هالشاي كثر الرويال تي ..

و عقب اتطورت اكثر واكثر .. و خذيت ( حبوب زينيكال) لتنزيل الوزن .. من غير ما الدكتورة تعرف ..

و الحبوب هاي نزلتني جد .. و تكرمون يوم كنت أسير الحمام ( الله يكرمكم )

عمليه اخراج الفظلات كانت على شكل دهووووووووون .. اتشوفون مثل يوم اتصبون دهن في

المقلاه .. جي .. كانت الدهون تكون سايله ......

المهم .. تقدم زوجي لطلب ايدي .. و كانت الدورة لا تزال متقطعه .. و بعد كتب الكتاب ( الملجه ) قلت

لازم في هاي الفتره اتلاحق على عمري .. لأن ارتفاع هرمون الحليب يأخر الدورة..

قبل عرسي ب3 شهور الدورة انتظمت عندي و الحمد لله ..

و استوى العرس ... و انا و زوجي كنا نقول متى ما صار الحمل ..يصير ..

و ما كنت ادري ان في شي .. على بالنا ان اذا الدوره انتظمت يعني خلاص.. مافي شي ..

و ما كنت أمنع .. يعني كان الجماع يصير عادي .. و وسائل المنع كنا موووووووول ما ناخذها و لا

نطبقها ..

المهم .. السالفه طالت .. و قلنا لازم انروح و انشوف شو السالفه ...

رحت مستشفى الوصل .. و قالولي انتي عندج كيس .. و قالولي لازم تنزلين من وزنج و قالتلي لازم

تاخذين حبوب الجلوكوفاج .. يعني بعد مره ثانيه .. المهم.. خذت الدوا .. و ما استخدمته الا اسبوع ..

و قمت اراجع عند عياده خاصه ... و سرت عند دكتورة مش معروفه .. ربيعتي قالتلي عنها ..

و قالتلي لازم اول شي نشوف كم حجم الكيس عشان نشوف اذا يحتج عمليه و لا لاء ..

و تميت اتعالج عندها .. و في مره .. قالتلي الدوا ما نفعج .. وما سوى شي .. حجم الكيس كبر شويه ..

و قالتلي .. بسويلج ( عمليه بزل ) و هاي عمليه البزل .. و الله لو اقوللكم عنها و قسما بالله انكم

مب بس بتستغربون ..و الله انكم بتنصدمون..

الدكتوره قالتلي .. شوفي .. هاي الطريقة على زمان أول يستخدمونها .. و الكاتره حاليا نادرا

ما يستخدمونها ,.. و الطريقه هي انها تدخل ايدها من تحت ,., و تمسك الكيس و تسويله بزل ..

ما شاء الله عليها .. مسكت الكيس و كنت انا أحس بألم .. و كانت ماسكه في ايدها الثانيه ابره ..

كانت اتدخل الإبره في الكيس و تسحب الماي اللي في الكيس .. و انا كنت احس بالماي اللي كان

يطلع ... و كان الماي دااااافي ..

و سوتلي هاي الطريقه .. و جحم الكيس صغر ... بس بعدها حسيت بألم فظيع .. و هذا الشي طبيعي

المهم .. ما كملت علاجي عندها ,, و سرت عند دكتورة معروفه في الشارقه .. الكل كان يمدح فيها.

و قالتلي نفس كلام هذيج الدكتورة ..

و قالت .. الزوج لازم يسوي تحليل للسائل المنوي.. و زوجي سوا التحليل ..

و النتيجه كانت.. انه عنده نقص قليل في الحيوانات المنويه .. و الشي كان طبيعي ..

لأنه زوجي لاعب .. و و اللاعب دايما يكون مصاب و مرهق ..

و اصابات زوجي كانت في الركبه .. و شويه الظهر .. بس قالت الدكتورة هذا مول ما يؤثر على

الحمل .. و استمريت معاها .. كل مره كانت اتقولي نفس الكلام .. و قالتلي سيري سوي اشعة الانابيب

و سرت سويتها .. و الحمد لله كانت الأنابيب مفتوحه ..

و مثل ما خبريتكم .. كانت كل شهر اتقولي يوم التبويض اسبوع كامل لازم يصير جماع يوميا

و كل يوم مرتين .. زوجي اتخبل .. لأنه مول ما يقدر .. لأنه لاعب .. و الجماع يؤثر على مستواه في

اللعب .. و قالي شو هاي الدكتورة اتخبلت و لا شو سالفتها ..

مرتين في اليوم و لمده اسبوع .. حشى .. أنا آدمي ...

المهم .. آخر مره سرت عندها و و قبل عن تتكلم جان اقوللها .. انتي شو سالفتج .. كل مره

اتقوليلي نفس الرمسه .. و نفس الموال .. و قلتلها .. اذا في شي خبريني .. انا الحمد لله مؤمنة بقضاء

الله و قدره .. و عصبت و زوجي يطالعني و ما عرف شو يقول .. و اخر شي اتخيلوا شو قالتلي

هاي الدكتورة .. قالتلي خذي ملفج .. و سيري سوي عمليه للكيس ... اتخيلوا ...

انصدمت وايد من هاي الدكتورة .. و هي معروفه و مشهورة .. بس ما فادتني ابدا ..

و رحت عند حرمه كبيره في السن تمسح البطن .. المعروفه باسم ( المراخه) و كمن مره رحت عندها

و قالتلي انتي ما فيج شي .. بس الرحم عندج شويه خشن .. و حطتلي تحاميل في المهبل عشان

تنزل كل الوسخ من افرازات او التهابات ..

المهم .. رجعت على مستشفى الوصل .. و قالولي لازم عمليه لأن الكيس صار حجمه 6 .. و كنت أحس

بآلام .. و دخلت عند دكتورة معروفه بعد .. انا و امي .. و قالت لازم تسوي عمليه او منظار ..

بس انا افظل المنظار .. المهم .. امي عينها دمعت .. فديتها و الله .. و قالت لاء .. انا بسوي العمليه

لبنتي برع .. مش في الامارات يعني ..

المهم ..سافرت انا و زوجي على تايلاند شهر 8 .. و سرنا اتحوطنا في بتايا و بعدها سرنا بوكيت ..

و آخر شي سرنا بانكوك .. و سرنا و قابلنا الدكتور .. و بعدها بكم يوم أمي و اخواني و خواتي و

عيالهم وصلوا .. و تم تحديد موعد العمليه .. و تمت العمليه على خير ..

و تم تصوير العمليه بالفيديو .. و الكيس مبين و المبايض في الفيديو تبين ..

و الحمد لله .. الكيس راح .. و قالي الدكتور عشان تحملين لازم تنتظرين من 6 - 8 شهور لين ما تلتحم

ألياف الرحم ...

و رديت البلاد .. و سرت بعد عند هاي الدكتورة المعروفه اللي في الشارقه .. ما أدري شو اللي

خلاني اسير عندها هاي الدكتورة .. و اتخيلوا شو قالتلي .. قالتلي .. انا مول ما اثق في دكاتره

تايلاند .. انا اثق في دكاتره الهند أكثر .. لأ، الكيس رجع مره ثانيه .. قلتلها كيف رجع و انا في اقل

من شهر شايله الكيس و عندي تصوير للمنظار .. قالت فيه احتمالين .. يا انه طلع لج كيس ثاني

بسبب نشاط الهرمونات .. او انه هذا كيس كان موجود بس الدكتور ما شافه ..

طبعا انا انهرت تماما .. و قعدت اصييييح .. و قلت بروح عند اول دمتورة سرت لها .. اللي مش

معروفه .. و قالتلي حبيبتي .. هذا يا انه كيس .ز او كيس حمل . او كيس دورة ..

قالت انتي انتظري لين موعد الدوره و خامس يوم تعالي عشان اسويلج الترا ساوند .

و سرت لها .. و قالت لي الكيس راح و نزل .. كان كيس دورة فقط ..

و قالتلي لازم ألحين تخففين من الأكل و تسوين رياظه و عليج بالحلبه ..

طبعا سويت هاي الاشيا .. بس ما التزمت فيها وايد وايد ..

و عقب .. ابتدى مشواري مع الكلوميد من نص حبه الى حبه..

و اتطور العلاج الى ابر منشطه و ابر تفجيريه ...

و بعدين .. من خلال قراءه كذا موضوع هني .. كم من عروس كانت وايد تمدح العسل و غذا ملكه

النحل ..

و اتذكرت ان في ريال في الدوام عنده محل في مكان العمل مالي يبيع عسل

المهم .. رحت عنده و قلتله سولي عسل حق وحده متأخر الحمل عندها ..

و قالي .. انا بنتي كان متأخر الحمل عندها .. و ما خلت مكان ما سارت .. و اخر مره قالولها انتي

عندج ظعف في المبايض و تكيسات .. و بتني جت و خبرتني عن حالتها .. و عطيتها العسل ..

و بعد شهر و نص راحت للدكتورة و سوت فحص ,, و قالتها الدكتورة انتي وين اتعالجتي و انتي

شو سويتي .. قالتها البنيه انا ما سويت لا عمليه و لا خذيت حبوب .. انا اللي خذته هو عسل ..

و الريال قالي انه بنته حملت و الحمد لله ..

و قالي بسويلج هالعسل و بحطلج فيه عشبه جنسن و غذاء ملكه النحل و حبه البركه ..

و الريال ما قصر عطاني العسل بسعر وايد زين .. و قالي اخلطي هالعسل مع حليب طازج و اشربيه

الصبح و لا تاكلين الا بعد نص ساعه او ساعه .. لأن الجسم يحتاج وقت عشان يمتص الفوائد اللي

في العسل ...

و الريال قالي هذا اللي عندج ما بيكفيج شهر .. العليه اللي عندج لمده 15 يوم ..

انا و زوجي خذناه .. و كنت اروح عند الكتورة و اتقولي استوري عالعسل .. و استمريت عليه

لحد ما خلص ,..و الدكتوره بعد وصفت لزوجي فيتامينات و منشطات ..

و طبعا كنت اصلي صلاه الحاجه و كنت اقرى سورة البقرة و دايما كنت ادعي و اقول ( ربي لا

تذرني فرداً انك خير الوارثين )في الصلاه و بعد الصلاه و في اي وقت ..

و اخر قالتلي خلاص بنوقف الابر و الحبوب لمده شهرين عشان اشوف التبويض عندج بيصير زين

و لا لاء ..

و وقفت العلاج .. و بعد شهر . اتصلت فيها و قلتها خلاص دكتورة انا بسوي أطفال أنابيب ..

و أباج انتي اللي اتسويلي اياه .. قالتلي يا بنت الحلال لازم تصبرين .. انتي بعدج صغيره و توج

مسويه منظار .. قلتها خلاص دكتورة انا ابا اسوي أطفال أنابيب .. و قالتلي أنا ما اسوي أطفال

أنابيب .. أنا اسوي تلقيح صناعي ,, و قالتلي اذا انتي مصره على أطفال الأنابيب سيري الأردن ..

و قلتها اوكي ,, انا يوم بخلص امتحاناتي بيي عندج عشان توصفيلي المكان و تخريني اكثر عن

الدكتور و العمليه .. و قالتلي صدقيني ما في شي بعيد على رب العالمين .. انا أقولج اصبري ..

و الصبر زين .. المهم ..

انا كلمت زوجي و زوجي وافق .. عالعمليه .. بس كانت متردد نوعا ما ..


و من فتره حسيت بألم في المعده .. و رحت المستشفى الايراني .. قبل موعد الدورة بيوم ..

و سوالي الدكتور تحليل دم ..

و قالي بعد ساعتين النتيجه بتظهر .. و طبعا كانت الساعه 2 فليل .. و رحت البيت و نمت ..

و اليوم الثاني الصبح .. سويت تحليل بول و النتيجه كانت خط غامج مال مب حامل و الخط الثاني كان خفيييييييييييييييييييييييييييييف

و سرت عند الدكتور اللي في المستشفي الايراني و قالي احتكمال اتكونين حامل ..

و سرت عياده حكوميه في نفس اليوم..و قالتلي النتيجه بعد يومين

طبعا انا خبرت زوجي .. بس ما كانت الفرحه مكتمله .. لأن كلمه احتمال فيها شك

و اتصلت في دكتورتي و عطيتها نتيجه تحليل الحمل و قالت مبروك انتي حامل .

و بعد ما اكتملت الفرحه ... لأن نتيجه التحليل كانت قبل الدروة ..

و نتيجه التحليل مال العياده الحكوميه كانت موجب بس ظعييييييييييييييييف

و رحت عياده زليخه و سويت تحليل الحمل ..

و بعدها بساعه و نص اتصلت و قالتلي مبروك انتي حامل .. و بعدنب ما صدقت ..


و ما صدقت كل هالتحاليل الا بعد ما مر على موعد الدورة 7 أيام ..

و سرت العياده الحكوميه .. و سويت تحليل دم ..

و بعدها ب يومين .. سرت و بشرتني الدكتورة و قالتلي مبروك انتي حامل ..

طبعا هني قلت الحمد لله .. خلاص .. لازم اصدق ..

و الحمد لله زوجي فرح و انا فرحت .. و صليت ركعتين حمد و شكر لرب العالمين

و الحمد لله على كل حال ..

و هاي قصتي كلها ...

و الله يثبت الحمل و يتمم الحمل على خير ..

و يرزق كل محروم و محرومه بالذريه الصالحه ..



اختكم ..


قصايد دبي ...