ممكن 000كيف يرتب دبش العروس ؟؟؟

:(

:confused: :confused: :confused:









:mad: ماتوقعت كذا
ماحد رد على وانا كان عندي امل بكم

خسارة:confused:

هلاااااااااااااا حياة;)
مرااااااااااااااااااااااااااحب وحياج والله........المهم حبيبتي انا ما عندي خبرة فالسوالف بس ان شاء الله الاخوات اللي عندها خبرها ما بيقصرن معاج,,, وبعدين لا خسارة ولا غيره يمكن لان البنات ما عندهن خبرة او خلفيه عن طلبج..........وعاد منج السموحه:o

انا بساعدج .. الاقلام مثل الكحل واقلام التحديد حطيهم في كوب من الكرستال .. شكله راقي ... وباقي الارواج والادوات حطيهم في علبه بحيث انها يوم تفتحها تلاقي المكياج فيها ..

او

يبيعون سدات صغيره تنحط فوق التواليت ... يعني كل سدة تحطين فيها شي .. مثلا الاولى للاقلام والثانية للبودر والبلاشر والاساس

والثالثه للارواج والماسكارا ...



اتمنى لواني قدرت افيدج


:eek:

هلا بك أختي

غالية والطلب رخيص

أتذكر قبل طلبت وخدة من العضوات أفكار لجهازها

راح أشوف الموضوع لك

وأرجع

:D

تفضلي هنا ، الله لا يهينك

أحتاج أفكار لترتيب أغراض العروس

السلام عليكم ,,:)

مرحبا اختي حياة ,,

انا عندي فكره ,, اختي سوتها اللحين بس وايد حلوه وانشالله اتعجبج ,, على فكره اختي بعدها ما انتقلت لان عرسها في شهر مايو ,, بس جهزت من الحين ..

روحي لـ..... انترا فلورا ,, في شارع زايد .. وخلي مدام مريم ,, اتنسق لج صينيه عشان اتحطينها فوق التسريحه(( اتحطين فيها العطور والمكياج ومثلا امشاط للشعر ))

ممكن اتروحين عند اي محل مختص بتنسيق الزهور والهدايا ,, هم اللي بيسون لج الصينيه هذي اذا ما دليتي المحل هذا

الفكره هي : ... هي مش صينيه بالضبط بس على هذا الشكل ,, المنسقه يابت مثل اللوح وغلفته بقماش راقي جدا من المخمل على حرير ,, ثبتت قطع من الفلين الابيض وكذلك غلفتهم بنفس القماش بمستويات مختلفه يعني مثل المدرجات ,, واحد طالع واحد نازل ,, وثبتت فوق هذي المستويات كؤوس وسلال ,, لأقلام التحديد والاراوج ,, وباقي المكياج ,, وتركت مساحه في النص للعطور طبعاً سوت مستوايين مختلفين ,, يعني مستوى للعطور العربيه ,, الثاني للعطور الفرنسيه (( البرفيوم )) وزينت القاعده دور ما دايرها بورد الحرير الفخك بتشوفين عندها تشكيله اتجنن بصراحه روعه ,, واسلاك مشكوكه بالكريستال الملون ,, طبعا اتقولين الها شو الالوان اللي تريدينها ,, يعني اتنسقين مع الغرقه ,,

تبين الصدق ,, القاعده للأدوات طلعت اتجنن ما اتوقعتها تصير بالشكل هذا راح تنبهرين من النتيجه والكل راح يسألج وين مسوتنها

وانشاءالله لبيت طلبج وساعدتج ولو بفكره بسيطه

والسموحه على الاطاله

مرحبا

اختي عروسة العمر

حبيت اسالج وين هاذا المحل بالظبط في شارع الشيخ زايد ؟

و الفكرة الي حاطتنها ما فهميتها بالظبط بس احس انها وايد روعة
هل هو المحل نفسه امسونها؟؟

السلام عليكم ..


هلا اختي الوصيفه ...

الغاليه المحل في شارع زايد على ايدج اليمين بعد الكروان بلازا ,, (( انترا فلورا )) واذا تبين الرقم ,, طرشيلي على الخاص ,,,

وبالنسبه للفكره ,, هيه نعم صاحبة المحل هي اللي عطتنا الفكره ونفذتها ,, ويسون شغلات ثانيه بعد مثل الصندوق او الصينيه اللي يقدمون فيها الدبله والطقم في الملجه او الخطوبه ,, بصراحه عندها افكار وايد حلوه ,, بس اذا تبين هذي الشغلات لازم تطلبينها هي بنفسها ,, يعني خذي موعد معها واتفاهمي معاها ,,

اما الفكره هي بسيطه:) ,, اتخيلي لوح خشب ,, طوله 100 سم وعرضه 60سم وحطت عليه طبقه رقيقه من الفلين الابيض ,, وغلفته بقطعة مخمل على حرير ,, بالنسبه لصينيه اختي اختارت لون الذهبي المطفي عشان يتناسق مع ديكور الغرفه ,,وبعدين حطت مثل المكعبات من الفلين الابيض ,, ومغلفات بنفس القماش ,, بأرتفاعات مختلفه ,, يعني مثلا اللي ارتفاعه 10 سم ,, والثاني 20 سم والثالث 15 سم ,, ومثلا هذا قدام والثاني ورا ,, اتخيلي المنظر ,, وثبتت فوق المكعبات ,, سلال واكواب ,, للمكياج ,, يعني الاكواب ,,اتحطين فيهم الاقلام الكحل وتحديد الروج ,, والفراشي للبلشر والبودره والاي شدو ,, وسلال للارواج و البلشر البودره والاي شدو وباقي المكياج ,, طبعا وانتي واغراضج كيف اترتبينهم ,, وخلت في النص مساحه فاضيه ,, بس اقسمت هذي المساحه لنصين ,, يعني سوت طبقه بأرتفاع 5 سم ,, الثانيه 8 سم ,, يعني بس اقل من ارتفاع المكعبات ,, على اساس اتحطين العطور الفرنسيه في مستوى بروحه والعطور العربيه في المستوى الثاني ,, وحطت مثل الكوب بس رفيع وايد حق المراود للعطور العربيه ,, وزينت اللوح بالورود مثل ما شرحت قبل ,,


وانشالله اوضحت الفكره اللحين:) ,, واسمحولي خواتي على الاطاله ,, واني عدت الموضوع مره ثانيه ,,:o