روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 22

الموضوع: بنات قلبي بيوقف من القهر

  1. #1
    عروس جديدة
    تاريخ التسجيل
    28/12/2005
    الدولة
    kuwait
    المشاركات
    4

    بنات قلبي بيوقف من القهر

    السلام عليكم
    بنات عندي مشكله كبيره اتمنى تساعدوني حيل محتاره
    انا متزوجه من 11 سنه عندي اربع اطفال زوجي اول سنتين كان زوج مثالي طيب لكن عقب تغير بشده
    صار يشرب الخمر ويغيب عن البيت يومين وثلاثه ماتحملت من البدايه رحت اهلي وطلبت الطلاق
    بعدين تعدل لمدة سنه ونص وعقب رجع يشرب ويسهر وكل مره ازعل يرجع لصوابه ويبكي

    ويبدا يصلي ويقرا قران ويترك ربع السوء بعدين يرجع للحرام والفتره الاخيره بدا يقل ادبه ويسبني
    جدام عيالي ويتهمني اتهامات بشعه ماعدت اتحمل ابد حياتي جحيم ودي اتطلق وارتاح واسترد

    كرامتي وبنفس الوقت خايفه على عيالي عقب الطلاق :confused: ارجوكم شورو علي وانا غسلت ايدي

    انه ينصلح شكله ادمن الخمر واصحاب السوء

  2. #2
    عروس مبدعة
    تاريخ التسجيل
    05/07/2006
    الدولة
    البحرين
    المشاركات
    786
    الله يهديه ويصلحه

    لازم توقفين وياه هاي ريلج
    وادعي له دووووووم في فرضج و قيامج
    ولازم يااختي اتحاولين ادخلين مصحه او شي عشان يتعالج من هالسم الي يشربه
    بس لازم تمهدين حق المووووضووع
    قعدي وياه و نقاشيها وكلميها لين ماتقتنعين


    وان شاء الله يارب ينصلح حاله
    والله يصبرج ويجزيج خير

  3. #3
    عروس مبدعة الصورة الرمزية سكون
    تاريخ التسجيل
    30/08/2002
    الدولة
    الغالية .. الكويت
    المشاركات
    994
    حاولي تقعدين معاه وتكلمينه لأن الشرب مسأله مو هينه وان ما نفع شوفي أحد كبير يكلمه

    وبالنسبه للطلاق خليه آخر حل .. أحيانا ممكن يكون أرحم من يشوفونه عيالج واهو يطقج ويسبج

    شوفي وضع عيالج شنو مريحهم وجود أبوهم معاهم ولا عدم وجوده أريح لهم

    وادعي ربج يهديه ويصلحه ويسخره لكم .. والله معاج يا قلبي

  4. #4
    عروس جديدة
    تاريخ التسجيل
    28/12/2005
    الدولة
    kuwait
    المشاركات
    4
    قعدت معاه الف مره وكلمته وجيته من ناحية الدين ونصحته وكلموه اخوانه الكبار وابوي يتوب فتره ويندم بس عقب فتره يرجع وينتكس اكثر مليت ماعدت اتحمل اكثر

  5. #5
    عروس جديدة
    تاريخ التسجيل
    28/12/2005
    الدولة
    kuwait
    المشاركات
    4
    قعدت معاه الف مره وكلمته وجيته من ناحية الدين ونصحته وكلموه اخوانه الكبار وابوي يتوب فتره ويندم بس عقب فتره يرجع وينتكس اكثر مليت ماعدت اتحمل اكثر:confused:

  6. #6
    مشرفة سابقة الصورة الرمزية smsm78
    تاريخ التسجيل
    13/08/2005
    الدولة
    في عيونه... أنا الدنيا كلها ♥
    المشاركات
    7,612
    مشكلتج معقدة...ما اقدر اكتب حل اخاف اكون ظالمة وما ابي هالشئ_______>ظالمة ولا مظلومة

    الجأي للقضاء دام السالفة فيها شرررررررررب ما يتوقف

  7. #7
    عروس جديدة
    تاريخ التسجيل
    28/12/2005
    الدولة
    kuwait
    المشاركات
    4
    لجأت للقضاء السنه اللي راحت وتعهد عند القاضي انه مايكررها بس ماكو فايدة

  8. #8
    عروس نشيطة
    تاريخ التسجيل
    21/06/2006
    الدولة
    usa
    المشاركات
    140
    اصبري

  9. #9
    عروس فضية
    تاريخ التسجيل
    31/01/2006
    الدولة
    جده
    المشاركات
    2,232
    من رأيي اديله فرصه اخيره كلميه انتى واهله وخلى راجل دين يكلمه اتصلح حاله يبقى الف حمد وشكر ليك يا رب فضل زى ما هو يبقى اعذرينى الطلاق احسن حل لان جوزك هيكون قدوة لعياله ومش صحى ابدا ان الولاد تشوف ابوها بعيد كل البعد عن الدين بالاضافه الى انه بيهين امهم وربنا يهديهولك

  10. #10
    عروس مبدعة الصورة الرمزية خطيرة حدي
    تاريخ التسجيل
    05/09/2003
    الدولة
    في زمن العجائب
    المشاركات
    860
    يا حبيبتي لو آنه مكانج كان تطلقت لأني اربي عيالي على الفضيله بروحي ولاانهم يشوفون ابوهم خمار قدام عيونهم طول الوقت ولا سمح الله ينحرفون

    زوجج هو اللي يبي هالشي وخلاص ... خلي عندج كرامه وانهي المأساه هذي اللي انتي عايشتها

  11. #11
    عروس ماسية الصورة الرمزية أنا الشوق
    تاريخ التسجيل
    03/07/2005
    الدولة
    هني :)
    المشاركات
    11,831
    السلام عليكم
    حبيبتي انا اعتقد ان انتي تعرفين تقيمين الوضع اللي انتي عايشته وشلون، يعني احنا ممكن مانعطيج نصايح عدله عشان مثل ماقالت الاخت روعة دبي ممكن نعطيج حل ظالم
    بس انا من رايي انج تشوفين اذا كان من زوجج أمل فانج تحاولين معاه بكل الطرق ولكن اذا كنتي تشوفين ان مامنه أمل، وهذا الشي طبعا انتي عارفته من عشرتج معاه وعيشتج كل هالسنين، فالحل الانسب هو الطلاق لان عيش عيالج معاج في بيئة نظيفة ومتدينه وانتي بروحج بدون ابوهم أفضل بمليوووون مره من عيشهم مع امهم وابوهم ويشوفون المشاكل والسب اللي صاير على طول وانهم يشوفون الطريق اللي يمشي فيه قدوتهم، اللي هو أبوهم
    فماتدرين الطلاق ممكن يكون أفضل الحلول وخصوصا في هذي الحالات ويكون فيه خير لج ولاولادج

  12. #12
    مشرفة سابقة
    تاريخ التسجيل
    10/10/2005
    الدولة
    بيتي
    المشاركات
    3,275
    لازم لازم لازم تصليحه ولا تسيبيه هدا ابو عيالك وعشره عمر حاولي وباذن واحد احد بتقدري وحنا بقلوبنا وبالدعاء لك بظهر الغيب بنعينك وربنا معاك

    اللهم يا سميع يا عليم اهدي لها زوجها واحفظه لها آمين

  13. #13
    عروس مشاركة
    تاريخ التسجيل
    22/12/2006
    الدولة
    تحت رحمة الله
    المشاركات
    73
    الدعاء الدعاء الدعاء (لايرد القضاء الا الدعاء) كثرى الدعاء بالسجود وأدعى الله دعاء المكروب المضطر وصدقينى بتشوفين شلون ربى بعينج ولاتقولين دعيت وماكو فايده لأن الله يختبرج وبشوف صبرج ولاتيأسين ياأختى من رحمه الله .........بقولج قصه وحده نعرفها كان زوجها مدمن خمر وبنات وقمار حاولت معاه واجد لكن ماكو فايده وقامت تقيم الليل يوميا وتدعى الله عز وجل مستغيثه متضرعه وتمت على هالحاله وقت طويل أهى تدعى وتصلى وزوجها يزيد بشربه وخرابيطه >>>الله يختبر صبرها وإيمانها ولكنها مايأست من رحمت الله .....
    وفجأه دخل وقت صلاه الفجر البيت لقاها تصلى وقام توضى وصلى بالمسجد تقول وأنا كنت مصدومه !!!ومن تلك اللحظه زوجها صار من أحسن الناس من فضل الله وقام يدلل زوجته يبى يعوضها عن سنوات الشقاء ......
    صبرى على زوجج وعليج بالدعاء والصلاة والله يهدى زوجج إنشاء الله
    بس حاولى تبعدين عيالج عن المشاكل كثر ماتقدرين

  14. #14
    مشرفة سابقة الصورة الرمزية wispy girl
    تاريخ التسجيل
    26/08/2006
    الدولة
    قلوب أحبتي
    المشاركات
    4,996
    حبيتي ادعي الله يهديه.......لاتنسين الثلث الأخير من الليل ادعيله.........حاولي معاه انكم تروحون العمره يمكن يهتدي وادعيله هناك.......لاتيئسين من رحمة ربج.........هذا امتحان من رب العالمين..وانت لازم تصبرين وتلجئين لربج..........والله يهديه ويصلح بينكم............

  15. #15
    عروس مبدعة الصورة الرمزية أحاسيس منثوره
    تاريخ التسجيل
    30/06/2006
    الدولة
    بيت الغالي
    المشاركات
    709
    الله يساعدج حبيبتي

    والله انا بعدني ما متزوجه وما اقدر افديج فمثل هالاوضاع

    بس ادعيله حبيبتي بعده يتم زوجج وبو عيالج

    الله يهديه ويبعده عن طريق الحرام

صفحة 1 من 2 12 الأخيرةالأخيرة

المواضيع المتشابهه

  1. قلبي بيوقف من الخوووووف .. طمنوني يا بنات ماي غيركم اخوات
    بواسطة شووووق في المنتدى إستفسارات النساء و الحمل و الولادة
    مشاركات: 19
    آخر مشاركة: 22/09/2008, 01:32 AM
  2. بنات رح موتتتتتت من القهر
    بواسطة اسماء الله في المنتدى ركن العناية بالبشرة والجسم
    مشاركات: 4
    آخر مشاركة: 30/05/2008, 07:29 PM
  3. بنات الحقوني .. حاسه قلبي بيوقف باموت ....
    بواسطة نور الدنيـا في المنتدى قضايا وحلول
    مشاركات: 14
    آخر مشاركة: 18/03/2008, 09:56 AM
  4. بنات انابالدوام وشوفو وش صار لي قمة القهر
    بواسطة بنت-شيووووخ في المنتدى قضايا وحلول
    مشاركات: 15
    آخر مشاركة: 28/09/2006, 04:17 AM
  5. مشاركات: 29
    آخر مشاركة: 20/10/2004, 11:13 AM