ااااه يا.... بنتي

ااااااااااااااااه يا بنتي ..........

كلمات نطقتها صديقه لي تكلمني وهي منهاره وتبكي من خاطرها...

تعرفون ليش .........

بقولكم بس ابغي الحل والردورد منكم جزاكم الله خير ....


.. بكلمكم عن الشخصيات الثلاثه الي داخلين بالمشكله ...بشكل مختصر.

الام ..... مثل باقي الامهات عطت اسرتها الحنان الحب الحنيه بس عصبيه وما تستحمل كلمه تصغرها او تهينها ومتهوره ما تقدر تمسك نفسها عند احساسها بالقهر... تقسى علي عيالها وبقوة وتعاتبهم عند غلطهم وعند هدوئهم اتدللهم .

الاب ...بعد مثل باقي الاباء يحافظ ويحب اسرته بس موته عياله مدلعهم اكثر عن اللازم وما يحب يزعلهم حتي لو كانوا علي غلط .... يحب زوجته وايد بس يقسي عليها اذا قست علي عيالها حتي لو كانوا غلطانين..

البنت .. الكبيره بين اخوانها عمرها 13 شايفه نفسها علي اخوانها من الدلع والسبب ابوبها يسكت عن اخطائها اليوميه في البيت بعذرانها طفله بتتغير .والام ما تسكت وتوبخها... بدت تطول لسانها علي امها وما يهمها زعل امها لانها شايفه ابوها جدامها واللي بيعوضهاا حنان الام بشكل مؤقت .


المشكله الحين ان الام منهاره ومصدومه من تصرفات زوجها وبنتهاومب عارفه شو المشكله ومن سبب المشكله وخايفه علي بنتها وما تبغي تخسر بنتها لانها في سن مراهقه ومحتاجه لها ..

محتاجه لردودكم حيل وبعرضه عليها..... وعلي فكره البنت تدخل الموقع وتصفح فيه ...


وجزاكم الله خير مقدما