ابي مساعدتكم في عبارات لهدايا المولود وملصقات

السلام عليكم
اختي في الله هذه بعض العبارت للمواليد
سبحان الواحد الاحد ( اسم المولود )
منور المهد
ياناس ياعسل
( اسم المولود) وصل
باركوا لماما باللي حصل

انا...(اسم المولوده )بنت (فلان)....جيت اليوم الصبح للدنيا...
وموجوده مع امي...بمستشفى(....) غرفه رقم(...)


كنا اثنين صرنا ثلاثة ... وصل فلان بالسلامة


ارســـل ســــلامي وتحياتي من بين احضان امي ....واقولكم انااا وصلت بحمد الله..
المرســــــــــــل::
----------- تكتبين اسم البيبي


من غير إعلان في التلفزيون والجرائد..........
(اسم الام)تخبركم بالخبر السعيد .........
بوصول المولود الغالي (اسم المولود).........
تراه في مستشفى(اسم المستشفى)متواجد.......... ...
في غرفة رقم( )..........
وبحضوركم تكتمل فرحتنا.....

باركوا لي ياحضور
بعد ما مرت شهور
الله رزقني ((......))
خلت حياتي كلها نور


من القلب..
أشكركم لزيارتكم..
إنها المرة الأولى التي أراكم فيها..
لكنني أحبكم.. لأنكم فرحتم بوصولي..

توقيع.. ( اسم الطفل )

كم هو جميل أن أراكم حولي..
في اللحظات الأولى من حياتي..

محبكم / محبتكم.. ( اسم الطفل )

***1- من دفئ قلبي ومن فايض حنيني
ابعث لك تحية شوق واهمس لك
(اسم المولود)بين ايديني
ابشركم ولدت اليوم اسم المسستشفى ............واي معلومه تحبي تزيديها


2- الحمدلله على تمام النعمه واكتمال المنه
رزقت ب(اسم المولود)
ولله الحمد من قبل ومن بعد


-3- يتشرف (اسم المولود) ان يزف اليكم
البشرى بقدومه ومشاركت والديه سعادتهم
لذا ادعو الله ان يجعله من الذريه الصالحه
وان يقر عين والديه به

4-اليوم شرفنا الامير (اسم المولود)
حبيبنا الصغير
ليزين عقدنا العائلي السعيد
ويضفي الانوار
ويبث السعاده بيننا
لذا ادعو الله ان يقر به عيننا

5-عشان غلاكم ماله حدود
ومكانكم بالقلب موجود
حبيت ابشركم بقدوم اجمل مولود
(اسم المولود+اسم العائله)

سلام منا على الخلان
احلى تحايامن الوجدان
الله وهبنا الغاليه او الغالي(.......)
جاتنا ونورت كل المكان
قدومها اليوم للفرح عنوان
تقول للي انتظروها
انا وصلت اليوم هبه من المنان


****************************** **
مسجات للمواليد

يا أغلى هدية من الخالق
تتمنى العين ما تفارق
أجمل وأروع مولود
هل بوسط الخلايق

$$$

ألف مبروك للحلوين
بقدوم أغلى الغاليين
الله يبارك فيه ويعين
كل من تعب من أجله أمين

$$$

يا أغلى الناس والغاليين
مبروك عليكم أحلى الحلوين
الله يديمه لكم يا رب
ويجعل دربه اليقين

$$$

مبروك ويتربى بعزكم
ويجعله قدم السعد عليكم
وإن شاء الله ما يخيب ظنكم
ويبارك فيه ويسعدكم $$$

كنتوا بالعايلة 2
واليوم بقدومه 3
عقبال اللي بعده يا رب
وتزيد العايله أحباب

$$$

بقدومه هلت البشاير
وبصوته هز المشاعر
الله يحميه من المخاطر
ويجعله دوم طيب الخاطر $$$

بكرة تمر السنين
وتشوفوه أحلى الشباب
يوقف جنبكم ويعين
وكل المصاعب تلين $$$

حملتيه تسع شهور
واليوم جاء ألف مبروك
والكل وهبه أجمل شعور
وصار بالعايلة مشهور

$$$

يا هلا بيه وبقدومه
أسعد الكل بوجوده
نعمة من الرب شوفته
وكل الي حوله يحبونه $$$

بقدومه أشرقت شمس الشموس
وصار بهجة كل النفوس
نور على دنيانا وجوده
ومن اليوم بنحجزله أجمل عروس

$$$

تبدلت بوجوده الاوضاع
وصار كل شيء رائع
الله يديمه لكم يا رب
ويبعد عنكم الاوجاع

$$$

ما شاء الله
العين تسر من جماله
تبارك الله
يا زينه في دلاله

$$$

زمان أول تحول
ما حد يبقى على حاله
بقدومه كل شيء يتغير
الله يديم الفرحة ويبعد الزعل

شيلوني برفق وحنان انا هدية من الرحمن
شيلوني بحنيه ماما تعبت فيه
شيلوني وسموا بسم الله انا عطية الله
اخذو الحلاوة واكلوها وبولادتي امي هنوها



رزقني الله
بنيه......
جعلها الله رضيه




انا جيت ونورت البيت


وان شاءالله تعجبك وتعجب بنات عروس


اختكم في الله
ام صباح

مشكورة اختي ام صباح والله انج سهلتي على


ياليت من باقي البنات يساعدوني لاتي ناوية اكتب هالعبارات على علب الهداية واكتبهم على البطاقات اللي منزلتنها بس الكتابة عندي بالفوتوشوب بالانجليزي


ياليت تساعدوني

ام صباح كفت ووفت

يزاها الله خير

ام صباح كفت ووفت بعد بس انا ابغا هالعبارات اسوية بالبطاقات تكون على حجم صغير والمشكلة عندي الفوتوشوب انجليزي

اختى شنو مشكلتج اللحين ماتقدرين تكتبينهم ؟
او شنو بالضبط؟

ماااااااااااااااااااقصرتي والله

ماااااااااااااااااااقصرتي والله

ام سلمانو ...مشكلتي اني للحين مو قادرة اكتبهم لانة برنامج الفوتوشوب اللي عندي بالانجليزي حاولت اغيرة مارضى يتغير للعربي وانا ماعندي وقت لانة موعد عمليتي راح تكون الاحد وابدخل للمستشفى يوم السبت ان شاء الله


دعواتكم لي