... اللي عليهم امتحانات ... تعالوا فضفضوا......

ا

العنيــــــدة™

مشرفة سابقة

31-12-2006 | 08:45 AM

السلام عليكم ورحمة الله وبركاته ...

هذا الموضوع للي امتحاناتهم قربت .. ( واللي ما عليه امتحانات ممكن يرد بعد .. تشجيع يعني لوول )

فضفضوا واكتبوا اللي في خاطركم ..

شو هي احاسيسكم؟؟ والنفسيه؟؟ اهم شيء خخ ..

وكيف استعداداتكم ؟؟ وشو طريقتكم في الحفظ او الدراسه...

وشو اللي خايفين منه اكثر شيء.. وليش؟؟

مع انه ما فيه شيء يخوف ... و هي فتره وبتعدي .. ومهما كانت النتائج تراها مو نهاية العالم .. صح التفوق شيء حلو لكن كثير من الناس تدرس وتتفوق وما توصل لمكان ... وناس تنجح عالحافه وتكون انجح من غيرها في الحياة العمليه ..

وهذه روابط لمواضيع يتفيدكم ان شاءالله ..

20 نصيحة للطلاب في الاختبارات لمراقبتنا سحائب الخير

عوامل تساعد على التركيز في المذاكره للاخت قوت القلوب

قبل الامتحانات للاخت شمعة جلاس قطر

مع تمنياتنا للجميع بالتوفيق والنجاح ..

:flower: :flower: :flower:

ت

تيه العمر

عروس ماسية

31-12-2006 | 09:32 PM

مرحبا
مشكووورة حبيبتي عالموضووع ..

صراحة انا مالي خلق مراجعه ..ونفسيتي تعبانه ..وكل اشووي اصيح برسب ..
وخصوصا ان السنه ثالث اعدادي يعني يبا لي احط على روحي كان انجح وااروح ثانوي ..

لا تنسووووووووني من الدعاء ..

U

U.a.E-lOvE

عروس متألقة

31-12-2006 | 09:37 PM

uae-love .... العين - أول ثنوي

أنا متظااااااااااايجة

و خاطريه أصيح .. بس لازم نمتحن ماشي مفر

اممم أنا حطيتلي جدول أدرس المواد اللي فنص الأسبوع

و نص اليوم لعب والنص الثاني دراسه .. بس أهم شي أخلص اللي عليه

خايفة من الأحياء و الفيزيا ،،

و متوترة من التاريخ لأني ناوية أدخل أدبي ،،

و الكيميا متحفزة عشانة هههههه ،، عشان درجتيه حلوه فيه و أبغي أييب فوق 95

و تسلميييييييييين عالموضوع صدق حلو ،،،

و إن شاء الله يلقى إقبال أكثر

أ

أريش العين

عروس ماسية

01-01-2007 | 02:50 PM

... بصرااااحه اللي يشوفني يقولي اني كوووووووووووووووووول
بس انا اعترف اني شوي متوتره خااصه اني مب مراجعه المواااد

نفسيتي ولله الحمد كااانت احسن عن قبل .. ما ادري احس شويه فيني بروود ؟؟
حليت زيني ولا زفت .. احسه عاادي كله واحد :sad:

بصرااحه في داخلي احس بالضغط .. وضيييقه ...
طووول الفصل ونحن مضغوطيين ونرابع وفوق هذا كله ما خلونا نتهنى في العيد ولا عرفنا ندرس ولا عرفنا نعيد ؟؟؟ شو استفدنا ؟

مااااشي وقت ارد واعيييد والله مااشي وقت ... حراام االصرااحه والله حرام ..

تخيلي كنا مداومين الين يوم الاربعا .. الخميس واليمعه اجازه والسبت العيد .., والاربعا هذا امتحاناتنا ؟؟ متى بندرس .. مااراعو نفسياتنا ؟؟ ولا قالو الدنيا عيد والجو ما يساعد عالدراسه ؟؟

وفووق هذا كله جدولنا المعفن .. حتى جدول الامتاحانت ما ساعدونا فييه ..
الدنيا كلها مأجزة يوم السبت الا نحن طلاب الثالث ثانوي بندااوم ؟؟؟ ليييش ؟؟
ومع هذا ترانا بنخلص اول نااس ؟؟ ليش ما يخلونا نخلص كلنا مع بعض ويحطولنا على الاقل فوااصل بين المواد الطوييله .. بدال ماهم صافيلنا الامتحانات كلها ورى بعض ؟؟؟

شوفي الجدول شووفي تحت في التوقيع ... حد يحط فيزيا وكيميا واحياء ودين كله ورى بعض ؟؟ انا ما ابى ارقد ؟؟ ما ابى ارتاح ؟؟ ما ابى اقعد مع اهلي ؟؟ متى بخلص كتااب فيه فوق المية صفحة .. وانا اصلا مب مراجعه من قبل ؟؟؟
خلييها على الله .. والله فيني قهر ..

بنفسوجة

ل

لولوتي1

عروس مشاركة

01-01-2007 | 06:57 PM

بالنسبة لي
احاول قد ما اقدر اني اذار و اخلص
الامتحانات راح تبتدي يوم الاربعاء
و ما عندي غير الدعاء
لاني اعرف ان هذا الدرب انا ماشية فيه قبل
و هذي مب اول مرة امتحن فيها
متوترة شوي
بس الله يكون في العون

ت

تيه العمر

عروس ماسية

01-01-2007 | 10:56 PM

مرحبا
بنفسجة العين الله يساعدج حبيبتي ..تاريخ كم تخلصي امتحانات ؟

نحن الريض والدين ورى بعض ..ما كووو مجال للمراجعه ..يعني في عصريه اراجع الدين وجوفي كم درس فوق 19 ..

والريض كله نظريات وكل نظريه يبا لها احل كم مسئله لحد ماافهم النظريه عدل ..

وغير جييييييه نحن اخر ناس نخلص تاريخ 22/1

والحين انا قاعدة 10 ايام اجازة للمراجعه ..ومالي خلق للمراجعه ..راجعت اقتصاد وحدتين ولاعت جبدي ..

يا الله شنسووي بعد ..الله يكون في عونا ..

وبالتوفيييييييييق للجميع ..وانتظر حلااااااااااااوة النجاح ..

أ

أريش العين

عروس ماسية

02-01-2007 | 12:07 PM

تيه العمر

مرحبتيين حببووبه ..
انا بخلص تاريخ 11/1 :gum: قبلكم نيهاهاهاهاهاهاهاي

ياحييييج عندج 10 ايام اجاااازه نحن ما عدنا مجال نراجع شي ,.
لا تضيعين هالعشر ايام عليج
سمي بسم الله وابدي درسي زيين ..
ولا تراج بتنضغطين اخر شي .. سيم سيم نحنا :sad: ههههههه
وبعديين الرياضيات مب مشكله .. درسي الحيينه ( خلال هالعشر ايام ) ويوم الامتحاان راجعي عالسرييع وبتخلصيين :clap:

هونيها وتهون ... فترة وبتمر وان شاء الله بنفرح بالنتايج الحلوه

ترى بااجر عليه اول امتحاان .. ادعووووولي عليه رياضياات انا الحمدلله متفائله بس شويه متوتره :sad: ادعوووووولي واااايد واايد واايد واااايد

السموحه
بنفسوجة

ت

تيه العمر

عروس ماسية

02-01-2007 | 01:23 PM

مرحبا
هلا حبيبتي بنفسجة العين
مايصير جذي الكل يخلص قبلنا ..

انا بديت اراجع ..وسجلت في مععهد عشان الرياضيات ..
كلها سبوعين واحنا مخلصييييييين ..لازم الحين نحط على روحنا اشووي ..عشان تالي نستانس

بالتوفيق حبيبتي ..والله يسهل عليج الامتحان ..

أ

أريش العين

عروس ماسية

04-01-2007 | 09:45 AM

عددددنا

تيه العمر ..
يصيير ونص :gum: ههههه الله يعينكم
حبيبتي ربي يوفقج ويسهل علييج ان شاء الله

اليوم امتحنت جلوجيا
وامس كان عليه رياضيات

سالوني شو سويت في الجلوجيا بس لا تسالوني شو سويت في الرياضيات :gum:
الحمدلله على كل حااال .. خبصت شويه :sad: ..

القهر انه الامتحان كان سهل يعني مافيه لف ودوران مثل كل سنه .. بس سبحان الله يتني مساله ما عرفت احلها والله يستر .. عليها مب اقل عن عشر درجات
يالله دفاعة بلا عن راسي :gum:

اما اليوم الجلوجيا الحمدلله كان حلو .. بس اول سؤااال في اول ورقه ما عرفت احله ههههههه تعريف الجلوجيا التاريخيه .. بس نقعتلهم تعريييف من عندي وللاسف ما يخصه ابدا بالتعريف اللي في الكتااب :gum: .. بس والله اللي يقراه بيقول صح ؟؟ لازم يعني كوبي بيست من الكتااب ؟؟

حالتيه النفسيه الحمدلله زييينه واايد
لكن حالتيه الجسديه تعباانه واايد
امس رقدت الساعه ثنتين ونص بعد ما شربت 4 اكواب عملاقه من الجاي والنسكفييه بس عشان اصحصح وادرس .. بس ماشي فاايده صطلت ورقدت وكانت باقتلي وحده كامله وجزء من الوحده الاخيره
نشيت الفجر وكملت دراسه بس بعد ما خلصت .. دخلت الامتحان وانا مب مخلصه بس الحمدلله كان وايد زيين

على الفكره السؤال اللي ما حليته كان من الوحده اللي ما درستها :z_clap: هههههههه ما ادري على شو اصفق ..

المهم يوم السبت ( بس للمعلومه الناس كلها بتكون مأجزة الا نحن قاعدين نمتحن :sad: ) بيكون عليه امتحان عربي
تخيلو 3 كتب كلها بنمتحنها في جلسه وحده ( نصوص وقراءة ونقد ونحو وتعبير وقصة ) بعد ما كان امتحان العربي يكون جلستين صار كله في جلسه وحده من 3 ساعات ؟؟؟
انا كنت ادرس النحو كله في البريك اللي بين الجلستين والحييينه للاسف لازم يطلعون التعب من عيونا ..

الحمدلله

طولت ؟؟ كيييفي العنيده قالت فضفضوا وانا سويت اللي تقوله حبيبتي عنووده

ادعوولي ..

بنفسوجة

م

مريومة القطوة

عروس برونزية

06-01-2007 | 09:46 PM

هههههههههههههههه

السلام عليكم..

بنفسوجه..امتحان الغربي كان خايس صح..اسألته احسبها غبيه..!!..و لا تستاهل الدرجات..!!..يلا الله يعين الادبي وحليلنا بنداوم اكثر عنكم..اهئ اهئ..

ت

تيه العمر

عروس ماسية

08-01-2007 | 12:52 AM

مرحبا
هلا بنات ..شخباار ..
بنفسجه العين ..شخبارج مع الامتحانات ..ان شاء الله أمشيييه .أوكي .
انا هم جذي الي ماادرسه يجي في الامتحان ..بل علييييييييييييييج وحدة ما راجعتيها !!

بنفسجه انا فيني حره عليييكم ليش تخصلووا قبلنا ..ترانا باجر اول أمتحان عندنا ..
وملانه حدي مالي خلق افتح لكتاب ..(علينا تربيه أسريه)
أهئ أهئ باجر الامتحان ولين الحين صاحيه ما نمت ..والله ما فيني رقاد ..أخاف باجر أنام على لورقه مالت الامتحان..

أدعو لي انجححححححح و أروووح ثانوووي ..

يا الله حبايبي باايووو ..ودرسووا عدل ..

ج

جوجوالاموره

مشرفة سابقة

08-01-2007 | 02:13 AM

وعليكم السلام

تسلمين حبيبتي على هالبادرة الطيبة منك

جزاك الله كل خير

أ

أريش العين

عروس ماسية

08-01-2007 | 10:51 AM

عدنااااااا

امتحنا عربي وعلى قولة مريوومه الامتحان كان مب حلو .. بس انا الصراحه عيبني :gum:
اسئلته سهله .. سهههههله لدرجة العبط ههههههههه تعبنا من الصعب
بس المشكله مب هنييه المشكله في توزييع الدرجاتت .. حرررام والله السؤال الواحد عليه يمكن خمس درجات .. والله ما ابالغ .. لو تشوفون الصفحة الوحده والله والله فيها اقل عن عشر اسئلة وتعاالو عاد شوفو الاسئله ؟؟ ما مرادف كلمة ما ادري شو .. وما ضد ما ادري شو ..
يعني اجابات بسييييطه بسييطه ما يبالها هالعلامات كلها ... احس بيكون في ظلم
لانه بصراحه حرام اخسر خمس درجات عشاني ما كتبت معنى كلمة هناءة مثلا ؟؟؟ :qaq: وعاد تعالي حسبي كم سؤال غلط بتنصدميين انه الامتحان سهل لكن عاادي تيبين 170 من 200 عشان 3 او 4 اغلاط تااافهه ؟؟
انا محد كاسر خاطريه غير الادبي الامتحان كله حقهم ههههههه وتوزييع الدرجااات اذا كان علينا بيكون ظلم كييف عليهم ؟؟ وهم العربي عندهم من 300 درجه ؟؟

الامتحان الي عقبه كان احيااااء ... :sad: خبصة خبيييصه محترمه
الامتحان ما كان صعب .. والله لو نحن دارسين .. كنا قدرنا نييب علامات كاامله ..
الكل يقول الامتحان صعب .. بس انا ما اشوفه صعب مع اني نقعتت الييين ما اظني المصححه بتدعي عليه ...
السبب .. المنهج طوييييييييييييييييل تعرفون يعني شو طوويييييل
وليته طويل وبس .. وطوييل ودسم .. يعني كل شي حفظ الصفحة الوحده تقعدين عليها قعده .. والله وربي الشاهد دخلت قاعة الامتحان وانا باقلي 3 وحدات ما درستهم ؟؟ ومب راقده غير ساعتين ونص ؟؟؟
يتنا اليوم موجهة قلنالها المنهج طويل وما لحقنا نخلص تعرفون شو قالت ؟؟ قالت اصلا المفروض ليلة الامتحان تكون بس حق المراجعه المفروض تكونون دارسين من قبل
يااااااااااااااسلاااااام متى ان شاء الله بنكون دارسين من قبل ؟؟ انا هاييج الساعه زيين ما قمت اصفعها من الغييظ اللي فيني .. اونه من قبل ؟؟؟ ليش انتو عطيتونا فرصه ندرس من قبل ؟؟
خلوووها على الله

واليوم كان علينا كيميا .. والكيميا نفس الشي طوييل ... وكان باقلي وحده ما خلصتها .. :z_clap:
بس كاان اهون عن الاحياء ..

يالله مب مهم شو سوينا المهم اخلص وافتك ... لاعت جبدي .. ابى ارقد يا ناااس ابى ارتااح افففففففففففففف :angry:

باااجر دييين .. مريومه درسي زيين .. :gum: افرح انا يوم نكون نحن وادبي علينا نفس المااده احس حد يآزرنا ههههههه

هااااااااااااااااااااااااااااااااااااانت ما تملنا غير يوميين .. يوميييين بس وبنرتااح شويه من هالارف ..

تيه العمر ... ههههههه تدرين ضحكت يوم قريت تربية اسريه .. الصراااحه ذكرتيني بالطفووله ههههههه ايام زماان اول نصييح على العلووم والجغرفيااا . هههههههههه والحينه نضحك على عمارنا يوم نذكر هالمواقف
بس نحن في الاعداديه ماعدنا تربية اسريه .. اصلا اظني الغوها من كل المراحل ؟؟ مع انها ماده حلوه .. كنت احب البس مريول الطبخ هههههههه
بالتوفيق حبييبتي وربي ينجحج وتروحين الثانويه وينجحنا ونروح الجامعه :gum:

طولت واايد علييكم ..
بس ما تتخيلون شكثر ارتااح يوم افضفضلكم

راعية المووضوع راحت وما ردت ؟؟ عنووودي حبييبتي اخر يوم علينا انجلش تعالي درسينا هههههه

السموحه
بنفسوجة

ت

تيه العمر

عروس ماسية

08-01-2007 | 02:24 PM

مرحبا
هلا بنفسووجه ..شخبار ؟؟
بل لهدرجه منهجكم طووويل ..دخلتي قاعه الامتحان وانتي عليييييج 3 وحدات ..الله يساعدكم
امتحانكم من 200 درجه ؟؟!! اول مرة اسمع ..نحن امتحاناتنا الدرجه من 100 ..

قدمنا اليوم الامتحان والله سهل مررررررة اشياء وايييييييييد ركزت عليها ولا يااات في الامتحان ..
واليوم هم قدمنا ورقه اولى عربي هم سهله ..والتعبير كان عن المطاعم يعني الاكلات السريعه وخطورتها ..عاد انا هنيييييييي طلعت موهبة لشلخ ..والله الي بيصحح ورقتي بيضحك ضحك ..
اكتب بالعاميه وبالفصحه <<<خللللللللللط ..

يوم الاربعاء علينا ررررررررريض وماادراك ما الريض ..

افاااااااا بنفسجه تضحكي علييييييي ..هههههههه تراني خلاص خلصت منهج الاسريه كامل يعني ما راح ادرس اسريه بعد اليوووم ..

تراج اكبر مني بس بسنتيييييييين السنه اليايه انا ثانووي بس بعدين بتجوفي حالج علي اكثر بتكونيين جامعه ..!!<<<حرام ما يصير لش انا تووني ثالث اعدادي ..

مايييييييييييييييصير تخلص بنفسجه قبلللللللللللللي <<لازم في كل ارد اطلع الحره

بايوووو

!

!~ أًمٍ زَاٍيًٌد ~!

عروس جديدة

08-01-2007 | 09:48 PM

خخخخخ انا حادره عرض ترا هذا نك ختيه و انا حادرتبه
بنفسسسوجه انتي علمييييييي شراتي .........
حشششششا عليهم هلكوووونا و الله ما يسوى علينا ..
و امتحان الاحيا كنت دارسه بس اخر فصل من الوحده الثانيه مالت التكاثر في الانسان و سايره المدرسه مستانسه على عمري على وريقتين مذاكرتهن ههه خرررررررررففففففففت و اليوم امتحان الكيميا قسسسسسسسسسم بالله سرت المدرسه و انا هب قابضه الكتاب مذاكره من اختصاارات مالت النجاح و ما فادنيه بشي و بعد خررررررررررررررررررررررفت يويلي على حالي برسب انا هالسنه
و كل ما تقوليه اميه كيف قدمتي ؟ اقول لها تمام الحمد الله عشان ما يرتفع ضغطها منيه ....
حححححراااااااااااااااااام واللللللللللللله ..بصيييييييييييييح

ج

جوجوالاموره

مشرفة سابقة

08-01-2007 | 10:00 PM

ام زايد الله يهديك بس مايجوز سب الدهر ؟؟

واللعن مايجوز

وانتي تلعنين اليوم ؟؟؟!

ارجو تعديله

ك

كلى دلع ودلال

عروس مشرقة

08-01-2007 | 10:53 PM

اما انا امتحاني في تاريخ 1/1 وبخلص10/1 ولا وامتحاني يوم فيه ويوم مافيه يعني رايقه على الاخر ومن يوم عطونه اجازه ونااااااااااااااااسه
بس والله في اشوي توتر ..ادعولي

الله يوفقكم

ك

كيفي عيناويه

عروس متألقة

09-01-2007 | 10:48 AM

اما انا الحمدلله كل كتاب يقووول الزووووود عندي ,,,

بنفسجية العين,,,

الغلاااا انا لوو يخيرووونيه بين الجامعه والمدرسه اخترت المدرسه انتي تعالي وشوفي الجامعه مجتمع الامارات يسدج عن كل شي,,, صعب بشكل فظيييييييييييييييييييع

وانا بديت 7/1 وبخلص ان شاء الله 15/1 ادعوووليه بالتوفييييييييق

والله يوفق الجمييييييييع

m

miss cucci

عروس متألقة

09-01-2007 | 12:06 PM

الســلام عليكم ورحمه الله وبركاته

انا امتــحانــاتي في 1\2

ثاااانوية عااامه:cry:

حالتي النفسية:gum: :::

خاااااايـــــفه ..وحس نفسي مااعرف شي :ss:

يالله ..الله كريم

دعواااتكم لنـــا :shy:

U

U.a.E-lOvE

عروس متألقة

09-01-2007 | 12:18 PM

أما أنا امتحاناتي كلهن أوووووووووووووكيه

إلا الرياضيات كان فيه شويه تفلسيف ،،

امممم الجيولوجيا أووووووكيه بالقو بعد كان سهل

اممم أمس عربي ورقة أولى << منهجنا يديد يعني إحنا أول ناس فالعين ندرسه

والفجيرة و عجمان درسوه السنة اللي طافت

المهم يعني لأنه يديد كان شي تغيير بسيط على نمط الأسئلة

و ورقة الإمتحان طالبين شي ،، و معلمة المادة تقولنا شي ثاني عن المطلوب ولااااا يخصه امررره

و اليوم كانت الورقة الثانية ،، نقيم المقال عاد أنا جان أعدل ياقة القميص

و مسكت القلم مسكه محترمة

و تحمحمت >> مصدقه أوني عاد هههههه

و بديت أقيم و كلللللللله سببببب

بس كان أوكيه..

بشكل عام امتحانات أول ثنوي لين الحين زينة و مشيين الحال وياها

بالتوفيج خواتي ..

ملاحظة : ترا إحنا ما عطونا إجازة نراجع فيها ،، امتحاناتنا رابع العين ،،

يوم السبت نداوم و اليمعة بسسسسس إجازة

بنخلص 15الشهر ،،، يعني يا بختهم اللي عاطينهم وقت يراجعون فيه

يحظكم والله

والسمووووووحة