هي مو صدمة ... هي اكبر من صدمة .... شي يعور القلب لكني قد هل جرح

صدقينى يا حبيبتى فىالوقت دة تتوقعى اى شىء من اى شخص

حتى من اصدقائك المقربين واخواتك وزوجك وخطيبك

مبقاش فى حاجة اسمها مستحيل والكل بقى بيدور على مصلحتة هو وبس

ربنا يقويكى ويصبرك ويعوضك خير ان شاء الله

هلا
مش انتي لوحدم المصدومة بعز اصحابك
وياحسرة رفيقة عمرك
كله بالمصلحة ولافي لا صداقة دايمة ولا محبة لله فالله
قصتي مع بنت الجيران
اعتبرتها اكتر من اختي
ادتها وقتي ومحبتي وصداقتي وفلوسي كمان
بالاخر ادتني كلام من ورايا
وخيانة
حتى انها اتزوجت وسافرت ولا علمتني
ليه كل دا
كيف حصل
كنت مجرد واحدة يبة و هبلة بتستغلها وقت اللزوم
يلا
مافي اي شئ يستاهل الواحد يبكي ولا يتحسر عليه

صدقيني أختي في هاي الوقت مافي صداقة قوية أومحبة كلهم للمصلحة ولا بعد يحسدونج

انا باقولكم قصتي أنا كنت مع صديقتي اكثر وحدة وكانت طول الوقت معاي حتى بالجامعة جداولنا نفس الشي وطلعاتنا واخر كورس لي أنا ماقلت لها أني راح أتخرج خفت على شعورها هي دوم تقولي اخاف تتخرجين وتخلصين قبلي أقولها لا أحترام لشعورها واحساسها هي كانت دوم ترسب وانا مارسبي الابكورس واحد كنت أمر بضروف وفاة الوالد الله يرحمة المهم تخرجت وماقلتلها واهلي فرحوا وعلة طول كنا بنسافر ماكان وقت بين تخرجي وسفرتنا وقلت لين رجعت باقولها بس قبل سفرنا بيوم نزلوا بالجرايد أسامي الخريجين وشافت أسمي كانها شايفة كابوس
واتصلت لي وباركت بخياس نفس واتهمتني بالخيانة وانا علاقتي معاها لمصلحتي (وشدخل) هي اللي كانت تستفيد منى تاخذ محاضراتي وأغراضي وكنت دايما امكيجها لان مكياجي حلو وانا عمري ماطلبت منها شي والحين مالي اي علاقة معاها لاتتصل ولاشي انا اتصل ماترد علي

الله ياالدنيا الصدق الدنيا مافيها خير اناا بقولكم قصتي من زمان لحد اليوم مانتهت
قصتي مع بنت عمي كانت اكثر من اخت معاي كل شي نسويه مع بعض حتى التصرفااات والملابس والطلعات كانت كل حياتها في بيتنا تخيلوا كانت ماتسير البيت الا اذا بتييب شي حتى الملابس كانت تلبسهم عندي المهم في من الايام كانت في المدرسه يايبه تلفونها وانا مادري المهم كانوا يسوون تفتيش وماعرف بصراحه شو شافوا عندها واتصلوا في اخت ابوي (عمتي) وقالولها لازم تحظر ويوم جت قلبت علي انا وانا ماكنت فاهمه شي وراحت هزأتني جدام البنات والمدرسات وحطت اللوم كله علي
هذا غير يوم وصلت البيت ماخلت شي ماقالته وبيت عمي المصونه مارضت تواجهني لدرجه خلت العايله تضارب مرت اللايام والشهور وكلمتها ونسيت السالفه ورديت مثل الاول وكل مارد ترد مثل اول تطعني بظهري لين اليوم تخيلوا معني والله عمري ماسويت لها شي بس ماادري ليش كل هذا وسبحان الله مانجت وياي عادت السنه الله مايضرب بعصى وانا اليوم كبرت بس غلاتها في محله وهي تعرفوون شو تقول تسبني من وراي

وعرفت من الناس شو سبب هذا كله تقولهم هي الدلوعه في بيتهم (انا) وهي ينفذولها رغباتها وهي ابيض مني والكل يمدحها ويقول لبنانيه بس والله هي حتى تشبهني بس سمرا وانا بيضه وعمري ماشفت عمري على حد مشكلتي طيبه والكل يمدحني ويدلعني ويقولون كوني شراتها طيبه

وانا الحين تعاملي وياها سطحي وقت الحاجه بتيني
شفتوا حالتي من اعز الناس عندي خاني ولا كانت بتخرب عرسي بس الحمدالله

والله شي يعةر القلب ..


انا ماتكلم عن المصلحة في قصتي ... لا الشهادة لله ... وقفوا وياي بمواقف حتى القريب ماوقف وياي فيها ... بس ليش بذكر و عل قلبي .. هم نسوا انا لازم انسى ...


الي معور قلبي تدرون شنو ...؟


شلون كلشي ينقلب في يوم و ليلة ...؟؟

شلون كلشي حلوو بين الربع ينقلب لمواقف ... و يوم بتطري الوحده رفيجتها تطريها من موقف صار و تنسى كلشيييييييييييييييييييي قبل


شي يعور القلب ناس من موقف و موقفين يبتعدون ... وانتي في ظنج لو انشالله عرشين الف موقف مروا ... ماراح ياثر هل شي بعلاقتج معاهم ..


يمكن الي ضايقني اكثر شي شلون الظروف تغير النفوس .. بس يلا الله كريييم .. يمكن الي ياي احسن ولو اني متشائمة و مابي افكر في شي..و لا ابعارفه كيف اقولكم قصتي لاني مو مستوعبه الي صار و لي قاعد يصير..

حببتي دلوعة باباتها
كل واحد وفي هالدنيا وله همومه ومشاكله
بس هالمشكله تختلف فممكن تكون قويه او تكون عاديه وتنحل بسهوله

بس يا قلبي الحياة ما تتوقف عند هالنقطه
والشيء اللي ابي اقوله لج

عيشي حياتج وارمي همومج ورا ظهرج
صدقيني مافي احلى واحسن من جذي

يمكن البدايه تكون صعبه بس بالخير بترتاحين
والشيء اللي اكيد بريحج بيصبرج هو

انج تقومين الليل وتصلين قيام ليل وتدعين ربج فرج همومج وكربج
صدقيني بتترتاحين وااااااااااااااااااااااااااااااااااااااااااايد ونا مجربه هالشيء

حببتي دلوعه
تراج وااااااااااااااااااايد طولتي علينا بقصتج

ولي عوده ان شاء الله اتمنى اشوف وانتي كتبتيها

حبيبتي نادر ماتلاقين صديقه توقف معاج في الخير والشر ولا تنصدمين في ناس مايستاهلون حتى تزعلين عليهم انا مثلج انصدمت من انسانه كانت واكررها كانت عزيزره علي بس الموقف اللي صار بينا صارت مجرد وحه من الاهل وبس.....والحمدالله انا عندي صديقات يعوضون مكانها ومرتاحه معاهم والحمد لله بينا عشر عمر..........

ومافي يستاهل زعلج ازعلي اذا غلطت في حقج او مااديت واجبج تجاه ربج والديج اما صيقات الدنيا اتركيهن عنج والصداقه اللي تدوم اللي تكون قائمه في محبة الله والنصح والتوجيه والتسارع الى عمل الخير..........

بصراحة اكتشفت بعد خبرتي بهالدنيا .. أسلم شي تعاملج مع الناس بحدود ودون تعمق في العلاقات

الصداقة حلوة بس بعيد عن الحميمية الزايدة عن اللزوم لأانها تقيد وتسبب كثير من المشاكل

هونوها خواتي وتهون .. واحنا عايشين بهالدنيا مرة وحدة .. خلونا نسوي خير ونقطه بحر وأجرنا على الله

الله ايسر أمورنا ويفرج علينا ويرزقنا الجنة أفضل من الدنيا واللي فيها

بصراحة اكتشفت بعد خبرتي بهالدنيا .. أسلم شي تعاملج مع الناس بحدود ودون تعمق في العلاقات

الصداقة حلوة بس بعيد عن الحميمية الزايدة عن اللزوم لأانها تقيد وتسبب كثير من المشاكل

هونوها خواتي وتهون .. واحنا عايشين بهالدنيا مرة وحدة .. خلونا نسوي خير ونقطه بحر وأجرنا على الله

الله ايسر أمورنا ويفرج علينا ويرزقنا الجنة أفضل من الدنيا واللي فيها

وانا معك في هالكلام

يعني علشان ما نعرض نفسنا لمواقف صعبه في المستقبل نحط حدود في صداقاتنا

لان بعض الصداقات تولد الغيره والحسد وبعدها الحقد والطعن ثم الالم

وياما فيه صداقات مصلحه فيها الخداع والكذب

وفي النهايه اقول: طنشوا اللي يجرحكم واذا لازم تتعاملوه معاه.. تعاملوا ببرود

ربنا يعوضك بصديقة تستاهلك اختي العزيزة وتذكري دائما ان الاخوة في الله ابقى واجمل من مجرد صداقة دنيوية..وهذه هي الحياة وهكذا هم البشر فيهم طبع الجحود والنكران..لاجل هذا لا تحطي كل املك بشخص او شخصين..في كلمة قرأتها لشيخ فاضل قال ان البشر نكروا فضل الله عليم وجحدوا نعمه وكفرا فيه فكيف نطلب منهم ان يبادلونا الوفاء والمعروف وهم فيه طبع الجحد..طبعا مش تعميم او شيء من هذا لكن خلي عندك نظرة واقعية للحياة..الدنيا في ناس من كل الاجناس ومن كل الاشكال..تحري الصديقة الصدوقة ..وخلي ايمانك بربك عالي..واللي باعك صدقيني باع الوفاء ولا يمكن يلاقي مين يعوض مكانك...استمري بحياتك وان شاءلله ربنا بيرزقك بمن يستحقك ويكمل معك مشوار الاخوة والصداقة

أي والله..بس صعبه لما يكون هالشخص معاج في البيت وأنتوا سهرانين ومستانسين وقاعدين تشربون حليب والصبح تقول هذول معذبيني وكانت راح تسبب في موت أمي من القهر والخيانه..ومع ذلك سامحتها وعلاقتها فيها زينه..بس أنا ما أقدر حتى أسمع صوتها وكل ما شفتها أحس أني بذبحها تخيلوا وهذا وأحنا في بيت واحد..الخيانه صعبببببببببببه الله المستعان

الله يعينج اختي ، بالنسبة لي من كثر طعنات الصديقات صرت ما اعترف بشي اسمه صدااااااااااااااااااااقه بس زماله بالشغل وغير جذي لا ( الي ينكسر ما يتصلح)، مستحيل العلاقه اللي بيني وبين البنات اللي معاي بالشغل تتطور من زماله لصداقه^_^

ما فاهمه الموضوع ؟!!!!!!!!!!!!!!!!!!!!!!!!!!!!!!!خرابيش .
ممكن توضحي اكثر ؟!!!!!!!!!!!!!!!!!!!!!!!!!!!!!!!!!!!!!

ما فاهمه الموضوع ؟!!!!!!!!!!!!!!!!!!!!!!!!!!!!!!!خرابيش .
ممكن توضحي اكثر ؟!!!!!!!!!!!!!!!!!!!!!!!!!!!!!!!!!!!!!
لازم شرح .:angry:

بصراحه انا مريت بتجربه عمري ما بقدر انساها عن صديقتي
ولين اللحين ظالمتني ومب عارفه الحقيقة بس راح اخليها
في يوم وراح كل شي ينكشف
وقصتي طووويله واايد ومااحب اذكرها الله يستر عليهااا يارب
وحبيت اقوولج مهما كنتي انتي وصديقتج ماشي احلى من صداقه الإم لبنتها
وهاي عن تجربه لأن انا بعد ما فقدت صديقتي اناا واايد تجربت من امي
وعرفت الفرق

خوااااتي .....

اشكر كل وحدة حاولت تهون علي و كل وحده فتحت قلبها و شكت عن صدمة الصداقة

كلامكم يعووور قلبي قد ماهو الواقع .....


المفروض نحط حد بينه و بين الناس و نخلي معاملتنا السطحية معاهم لانه في هل زمن محد قلبه على الثاني ...


بس كيف؟؟؟؟ وانتي عايشه وسط ناس تحتاجينهم و يحتاجوونج؟؟


خواتي ... انا ماشتكي من ناس انصدمت فيهم انا بعد يمكن اشتكي من ناس انصدموا فيني .... انا ماشتكي من ناس سويتلهم ما قدروا ... لا انا اشتكي من ناس وقفوا معاي مثل ماوقفت معاهم...


انا ماشتكي من ناس مايستاهلون الصداقهة .. انا اشتكي من خوات هجروا اختهم .....



يمكن ماتفهمون الي ابي اقووله لاني ماقلت قصتي ليحين ... واناا متاكده وحده من هو صديقات بتقره الي بكتبه ... لانها بينكم بالمنتدى و يمكن تكون اكثر وحده تحس بمعاناتي لانها يمكن مرت ابهل شي بعد ....



انا مب ضد الصداقة ... انا مع الصداقة .. انا مب كارهة شي اسمه ذكريات معاهم ... بس متحسفة اتذكرها .. لاني احس صار مالها معنى ...


اتكلم عن الغربة الي بدال ماتقرب لقلوب تبعدها


قصتي و بقوولها لكم .... و يمكن وايد مروا مثلي ... او بيمرون ابهل تجربة ...


من سنين كنا ربع و مو بس ربع ... خوات ... كنا ثلاثة ... دووم ويا بعض و دوووم لبعض .. اذا وحدة منا اشكت على طوول احنا عندها ... بختصار ماكنا نرضى على بعض ولا احد يقدر يفرقنا ... يوميا نشووف بعض و نطلع و نتزاور و تلفونات .. يعني بختصار ماكنت اقدر اتخيل حياتي من غييرهم .. انا وحيدة امي و ابوي و ماعندي خوات .. اعتبرتهم خواتي و اكثر و كانوا اقربلي من بنات خالتي و كل هلي .... اي شي يصير فيني .. على طوول اهم اول من يدرون و العكس ...

مرت لسنين و احنا دووم جي قراب و علاقتنا حلوة وولا مرة تهاوشنا او غرنا من بعض او تحسسنا من بعض .. بالعكس كل وحدة فينا فاهمة الثانية ...


السنة الي طافت وحدة منهم قررت تقددم بريطانيا تدرس اهناك ... و انا اول شي كنت متردده و قلبي ناغزني على هل شفرة ماكنت ابيها تسافر ... بس اهي قنعتني انا و رفيجتي الثانية نقدم مع بعض و نسافر ثلاثتنا مع بعض ... رفيجتي الثانية ... كانت بعد تبي تسافر علشان تتخلص من ضغوط مشاكلها مع خطيبها .. لانها كانت تبي تنفصل منه .. و اعتبرت السفر فرصة لحياة يديه و دراسة اضمن ...


المهم كلن من هل ثنتين قدم و خلص الا انا بقيت .. متردده و مابي .. و هم سوو عني كلشي ... قدموا عني و اصروا اني اكون معاهم ... و توكلت على الله و قدمت معاهم .. مع انه بيتنا كانوا معاضرين خصوصا ماما ... لاني مريضة و مو متعوده ابتعد عنها ... بس رضت لانها تعرف ربعي و كيف علاقتي معاهم ...


يا فترة الموافقه و كلن من هل ثنتين حصل على القبول و بقيت انا انتظر قبولي .. لاني قدمت متاخر .. المهم اول جامعة قدمت فيها .. رفضوني ... و كان هل كلام في شهر تسعة ... و رفيجاتي حاولوا المستحيل يدورون جامعات غير بنفس المنطقة علشان ايي معاهم ... بس في آخر الوقت .. حصلت على القبول .. يوم وحدة منهم سافرت اول وحدة .. ماتدري اني حصلت القبول و كان قلبها مقبووض و مضايقه اني مابايي معاهم ... و حتى و هي في بريطانيا تدور لي جامعات ..

انا حصلت قبولي يوم عقب ماسافرت رفيجتي .. و قررت اسويها مفاجاه و ماقول لهم اني انقبلت و بايي ... و سافرت عقبهم و فاجاتهم ... و كانا كلنا مستانسين ...


بتقولون وين المشكلةة؟؟


المشكلة يا اخواتي انا الرفييج في السفر غير عن يم يكون معاك بالساعت ...


مرت الايام .. و ماقدر ادخل في تفاصيل ... و صارت المشاكل بينه تزيد و تزيييد .... و نفسيتي بدت تتعب ... ماعرف كيف افهم نفسي او افهمهم؟؟


اكتشتفت انه الغلط مو انا او هم ... الغلط هو الطبع ... كلن له طبعه و اعتقادداته .. مابي اقول هم في شنو غلطوا او انا في شنو غلطت ... لكن في اشيه هم يسوونها انا مو مقتنعه فيها و في اشيه انا اسويها هم مو مقتنعين فيها و اهني ... وصلنا لدرجة الي كل وحدة تبي تسكن في شقة بروحها ...


من ماقررنا نروح مع بعض و نعيش مع بعض و سوينا المستحيل .. لدرجة الحين نتهرب من بعض ....


بس انا ماسمحت لهل شي يزيد ... و قررت ارجع البحرين اكمل دراستي اهني .. و هذا الي صار و كاني رجعت ... خسرت سنة من حياتي و خسرت ربعي ...............




و الحين تعقدت .... لاني ما اتخيل انه الغربة تخلق اشخاص ماعرفهم ... من اعز الناس لقلبي ...


يمكن تكون قصتي عادية بس تجاربها مؤلمة .....


انا ليحيني اعزهم و احبهم و ادري هم نفس الشي بس ادري انا الحياة تستمر و تغير النفوس .. و صار هم ربعي بس دراستهم و حياتهم اليدية


في ثلاث شهوور بس ^_^ ثلاث شهوور غيرت عشرت عمر ..... سوت علاقة الاخت باختها لاعلاقة وحدة مجرد تعرف هل ناس و كانت لها ذكرة وياهم


الله كرييييييييييييييييييييييييييييييم!!!!!!!!!!!!!!!! انا حاليا ماعندي صديقات قريبات ... و لا اظن اقدر اثق ... مو لانهم ظلموني لا بالعكس ... لانه مافي صداقة تدوووم ..... يمكن تدووم للكل .. بس لي انا مابدوووم ... انا متعوده من صغري اتنقل من جديرة لديرة بسبب شغلة بابا و كل ماتعلق في ناس احبهم .. اسافر عنهم و يصيرون ذكرى في حياتي و الحين يوم استقريت في ديرتي و التقيت بهل ناس اكتشفت انه مالي حظ بهل دنيا .... لانه حتى و هم من ديرتي .... افترقنا ...

عادي اختي وايد ناس جذي اقرب الربع والناس مع الزمن يتغيرون ومايرجعون نفس قبل وماتدرين شنو السبب !!!!

بس عادي ترى الواحد لازم يتعود على مواقف أصعب من جذي

و إن جان على الربع أفا عليج نصير لج ربع وخوات : )

لا تزعلين والله كريم