بنات متضايقة وايد والسبب ووولدي,,

حبيبتي حبيت اواسيج شوي لاني انا ام مثلج


سمعيني انتي اولا حافظي على الحليب اللي في صدرج عشان مايجف

وبعدين انتي رضعيه لودقيقه كل شوي حتى يتقبل صدرج يباله توسيع بال شوي


يالله الله يهون عليج ويخليلج وليدج يارب


يالله ادعي في هالايام المبروكه عسا الله يهديه ويرضع من صدرج

شوفي الغاليه ... انا بعد مثلج ... بس الحين الحمدالله ترضع من صدري ... حاولي معاه يوميا ولا تأسين وبصير إنشاءالله ...وانتي اتحاولين اترضعينه اقري آية الكرسي وإن شاءالله خير

كسرتي خاطري اختي صمت الامل مع ولدج ياري تهديه لج حاسه فيج والله اقري عليه وحاولي معاه والله ماعرف اشلون اساعدج ماعندي شي معين اقوله لج بس ان شاءاالله تلاقين له حل

حاولي تجوعينه وبعدين ترضعينه من صدرك يمكن يتقبل غصب

حبيبتي تريي عليه واصبري وطولي بالج علية الين الله يهدي ترى هو محتاج لج اكثر ومحتاج لحنانج في الرضاعه صح اني فشلت في مرتيين بس عشان الحليب نشف بس صدقيني ندمت


حاولي مره ومرتين وعشر الين ما يمسك لانه تعود على حلمة الصناعي وسهولة المص

دخلي غرفتج وصكي الباب عليج وقبل هذا كله حطي في بالج الصبر والتاني وياه والتوكل على الله قبل كل شيء

اختك المحبة

حبيبتي تريي عليه واصبري وطولي بالج علية الين الله يهدي :shy: ترى هو محتاج لج اكثر ومحتاج لحنانج في الرضاعه :sad: صح اني فشلت في مرتيين بس عشان الحليب نشف بس صدقيني ندمت :confused: :confused: :confused:


حاولي مره ومرتين وعشر :clap: الين ما يمسك لانه تعود على حلمة الصناعي وسهولة المص

دخلي غرفتج وصكي الباب عليج وقبل هذا كله حطي في بالج الصبر والتاني وياه والتوكل على الله قبل كل شيء

اختك المحبة (r)

شكرا يا بنات ما قصرتوا ,.ردودكم شجعتني,,بس والله اني حاولت وحاولت وحاولت ومازلت احاول..خاطري موووووت يرضع مني ويحس بحناني تصدقون طول فترة الحمل واني احلم بلحظة الرضاعة ماتوقعت نهائيا اني ما ارضع ولدي..

ارجووووكم ادعوا لي,,يمكن الله يستجيب من وحده منكم ويهديه رب العالمين,,

تحياااااتي..

تيه العمر=صمت الامل

هلا صمت الأمل.........

شوفي حبيبتي مافي شي اسمه ولدي مو راضي
يرضع مني أكيد فيه سبب حاولي تعرفيه

وضعية الارضاع- مسكة الطفل –ضعف كميه الحليب

تغذي زين أشربي حلبه وينسون

حاولي انك تكونين مرتاحه ومسترخيه

حطي ولدش على صدرك علشان يحس بالحنان ويزيد تدفق الحليب

خليه على طول يرضع منك10 مرات او أكثر

رضعيه كل 2 ساعه

زيدي فترات الرضاعه الليليه

حاولي ترضعينه وهو نعسان

تأكدي انه ماسك ثديك جيدا

ثقي إنك حبيبتي إنك قادره على الإرضاع الطبيعي

وبإذن الله ستتمكنين[/SIZE]

صمووووووووووتة طبعا انتي تعرفين ان انا عندي نفس المشكله بالضبط ولامرررررررررره ولا نص مررررررررررررره مسك صدري وعندي شفاط وشريت الحلمة الصناعية بس مافي فايده وكل الطرق اللي قالوها البنات انا سويتها بس مانفع ومثل ماقلتي يزرقووون ويسودون من الصياح ويتشنج بعد سم ضروووسة الصدر بس يمكن تنفع معاج هالطرق والله يهون عليج هالمأسااااااااااه

اتبعي الطرق والقلب دااااااااااعي لج ياعمري

انه كنت مثلج لانه كانت حلمتي ماتظهر وتاذيييت واايد بس استخدمت الحلمه ماركت بيجون سليكون كللللللللش عجيبه واللحين خلاص تعودت حلمتي وماعاد استخدم الحلمه:) جربي معاه وجوعببه عدل علشان يتقبل

والله نفس مشكلتي...وللاسف النتيجه مارضعته الا شهر و نص :( الكل يلومني...اني انا حرمته من الرضاعه!!! تخيلوا هالصراع ..ماخليت حلمه صناعيه ما جربتها بس نفس لشي :(
الله يعينكم

صمت الأمل .............

لاتيأسين حاولي وحاولي والله ترى الوحده بعديين تحس بشعور بتأنيب الضمير

لأنها مارضعت

لا يخفى عليش إن الرضاعه الطبيعيه تقوي مناعة الطفل وتقلل من مرضه

أما بخصوص كلامش عن انا حلمتك صغيره فالطفل مايرضع من الحلمه بس لازم تحاولين وأنتي ترضعيه

يكون ماسك الحلمه والجزء المحيط بالهاله

وحتى قبل الرضاعه دلكي الحلمه ومحاولة إظهارها ومطها للخارج

وذلك بأن بأن تدعمي الثدي بالأصابع والضغط على الثدي بالإبهام إلى الأعلى

أو تستخدمي محقنه لهذا الغرض

عند البدء في الإرضاع نقطي بعض من الحليب في فم حمووووووووووودي ليزيد رغبته في الرضاعه

لاتهزي الثدي وقت الرضاعه

جربي وحاولي تغير وضعية الطفل وقت الرضاعه

أستخدمي وضعية تحت الذراع

اهم شي لاتيأسين ولاتقولين خلاص ترى الحليب نشف وماأقدر أرجع أرضع

ترى الحليب يرجع بكثرة مص الطفل للثدي

ها يالله انا أتريا وش بتسويين

والله يوفقك