شو ممكن تكون ردة فعلج لو.............؟؟

[glow=FF0000]أسمحيلي أختي أم_سيافي أخو الريال في قمة التخلفففففففففففففففففف ليش ما تخاف على خواتك[/glow]
يعني يتكلمون عنج جدام ريلج ويألفون قصص عليج عسب يشك فيج !!!!!!
[glow=FF0000]ما يخاف من ربه وريلج أكيد إذا واثق منج ماراح يشك فيج أبد بس حسبي الله ونعم الوكيل على أخو الريال[/glow]

ينقل لركن قضايا وحلول

بقوله اخوك مافيه مروءه ..لانه يتكلم عن بنت الناس

و تخلي ريلها ايي البيت و يتصل فخوه و يحطه عالسبيكر و خله تواجه و تثبت الحقيقه حق ريلها جدامه عشان ينحرج اخوه و ما يألف قصص على بنات الناس

و فيه شي ثاني بعد لازم تفهمه و تقوله انه ريلها مينون عشان ايصدق اي حد يطلع رمسه على حرمته.؟؟

المفروض هوه الي يدافع عنها مب يدور عليها

[frame="1 80"]
ادافع عن نفسي بشراسه[/frame]

اختي هذا اخو الريال مب متحرم

لو هو ريال محترم ويخاف من الله ما الف قصه على مرت اخوه ويبا يهد بيتها..

والريال اللي يشك في حرمته ويخلي الناس يتدخلون في مشاكله ,,,الاحسن انه يراقب حرمته ويشوف منو اللي يتكلمون عنها علشان تثبت برائتها... ولا تستغربين اذا طلعوا بسالفه ثانيه لانهم يبون يختلقون سوالف علشان ياخذون الولد عن طريق المحكمه..

والله يسوي اللي فيه الخير لكم

يزاكن الله خير خواتي على المرور

شو في أختي أنا بسكت وبوكل امري لله وحيل الجذب قصير واللي بتكلم علي اليوم بيرمسون عليه الناس باجر.............

الغاليه انتي واثقه من نفسج وربج العالم انتي ماسويتي هالشئ اسكتي ووكلي امرج لله........واذا عندج جواب لهم قوليلهم انا مابدافع عن نفسي بس اذا الي حق عند رب العالمين وعند رب العالمين ماشئ شئ يضيع...........


حبيتبي والله العظيم وحده انا اعرفها تقربلي ريلها يدرس برع تخيلي في بداية زواجهم اخوان ريلها يجذبون ويألفون ماتتخيلين كيف وهيه الحرمه ملت كانت دوم تشتكيلي وتصيح منهم.......وكنت اقولها قوليله الصدق واذا ماصدق وكلي امرج لله..........تخيلي اختي الحرمه كان فيها ويع ولادة وهم سايرين يايبين حق ريلها رمسها جذب وهو اتصل وعصب عليها.........تخيلي تمت تصيح لا من تعب الولاده ولا من اهل زوجها...........ومع مرور الايام الله كشف اهل الزوج صارت مواقف حتى الريال حس نفسه ظلم حرمته...........وتعالي شوفيهم اللحين عندهم ولد والرحمه حامل والله وايد تحب ريلها ومرتاحه معاه.................واما اخوان الزوج فكل يوم مشكله وجذبه والريال امطنشنهم.........الله يمهل ولا يهمل وقولي حسبي الله ونعم الوكيل...........وادعي ربج بكل وقت.....والله حقج مابيضيع عند ربج

ولا ماطوف حقي واخذه بكل الطرق

شنو يتكلم علي هاي شنو عقابه عند رب العالمين

و ترى مثل ماتدين تدان

ربنا يهديلهك حالك ويسرلك امرك

ويهديلك زوجك ويستر عرضك

ويبعد عنك ولاد الحرام

آآآآآآآآآمين

ماعندي رد وماقدر اقول غير الله يعينج

السلام عليكم انا مع اختي (انسة فله) و أأيدها بقووووووووة
و ربي ياخذ حقي احسن من اني انا اللي اخذه

تسلمون خواتي على ردودكم الطيبه .....


بس تدرون أنا شو سويت يوم وصلني الخبر....

بما انه ريلي ما يرمسني وأنا طبعا ما راح أفكر أرمسه لني مستحيل أنسى انه سار المحكمه

واشتكى عليا ودخلني المحاكم وأنا بعدني حرمته وأم عياله طرشت له مسج ع تلفونه وكتبت فيه

قول حق أخوك المحترم قبل لا يتكلم عن بنات الناس ويألف قصص ع كيفه يروح يطالع أخته كيف

كيف تظهر من البيت جنها سايره عرس ولا واحد من اخوانها الرياييل قدر يقولها شيء وبعدين

أخوك ساير يتشرى ولا يطالع بنات العالم منو مسويه ميك أب أكثر عن الثانيه أستح ع ويهك أنت

مب ماخذ وحده من الشارع أي حد بيقولك عنها شيء بتصدقه والله باجر بيقولك شفتها راكبه مع

واحد وانت بتصدقه على طووول !!!!!!!!


وفعلا أختهم ماتظهر من البيت قبل ما تحط ميك أب كااااامل وياليتها بعد تغطي ويها ولا حد فيهم

وقفها عند حدها وأنا دوووم يوم أشوفها جيه أقولها وين سايره عرس حاطه كل هالميكب

ع ويهج بس طبعا دام انه اخوانها مخلينها ع راحتها ولا يقوللها شيء ما راح تسمع كلامي أنا ....

?????????????????

الله يعينج ويصبرج بس انتي ليش ماطلبتي الطلاق لانه بصراحه هاي الريال محد يعيش معاه اذا عادي عنده يصبر عن زوجته اللي يحب زوجته مايستغني عنها ولا دقيقه وبعدين ولدج واايد صغير المفروض اذا هو مهتم فيه يجي ويشوفه ويروح شلون تهدين ولدج 4ساعات وبدون زعل ريلج مايستحي على ويهه يروح المحكمه علشان يشوف ولده وين احنا قاعدين في اي مسلسل الله يعينج والله

حبيبتي ام سيافي.. الله يعينج ويصبرج على ما بتلاج..
بالنسبه لاخو ريلج ما له حق يتكلم عنج ولو شو يصير ما له حق انا لو كنت بمكانج راح يحترق قلبي وبعصب ويمكن امووت من القهر واقول باسوي وباسوي بس الشي الاكيد اني راح اوكل امري لله لان الله سبحانه يمهل ولا يهمل وترى الدنيا دواره مثل ما هو سوا لج بيتسوا له واخذيها مني من تجربه صدقيني ربج ما يخلي الظالم ما لج الا كلمه (( حسبي الله ونعم الوكيل )) صدقيني بيجيج اليوم اللي راح يبرد خاطرج وتحسين ان ربج اخذ بحقج..
بس اهم شي حبيبتي لا تسوين اي تصرف ممكن تندمين عليه بعدين قبل لا تسوين اي تصرف فكري اذا مرت الايام ممكن اندم عليه او لا؟؟
صبري وقلوبنا معاج طمنينا شو صار معاج؟؟

الغالية .................
قولي حسبي الله ونعم الوكيل .................
الله يكفيج شرهم أنشاء الله

حبيبتي والله .... الله يعينج ... صدق الله يعينج على هالانسان ...

بس أنا لو كنت مكانج .... ما كنت بطلع من البيت .. وبسير بيت أهلي ونحن من بينا مشاكل
إلا لما أحل المشاكل كلها ... يا بالصلح .. يا بالطلاق ..

طلعة الحرمه من البيت في فتره الزعل أبدا مو من صالح الحرمه ...

لكن اللي سواه .... الله يسامحه عليه ... كيف يشتكي عليج !! الدنيا سهله عنده يدخل حرمته المحكمه ؟

يمكن هو صدق اخوه لأنكم زعلانين من بعض .. حتى انتي لو يت اختج وقالتلج شفته فالمكان الفلاني مع وحده بتصدقين لأنج انتي زعلانه منه ...... والشيطان هني مستانس ونافخ عمره ..


حياتي إذا في أي فرصه للتصالح .. ردوا حق بعض واقصروا الشر ... هو غلطان وانتي بعد غلطانه انج طلعتي عن بيته ..

والطلعه هذي عند الريال كبيره وايد ترى .. كأن الحرمه تقوله أنا ما أباك ..

أنا أقول طرشيله مسج .. وقوليله انج تحتاجين فتره راحه بيت أهلج ..
ولما تهدى الأمور .... يلسي معاه .... جلسه مصارحه ... وقولي كل اللي فخاطرج ..
وخليه هو يقول كل اللي فخاطره ... عشان تعرفون وين الخلل ؟!

الله يهديكم ويصلحكم .....

نحن ما نعرف شو اللي كان من بينكم .. ولا حد يعرف شو اللي كان من بينكم
إلا انتي وياه .... واللي كتبتيه هذا جزء بسيط من علاقتكم ...

وانت وياه أحسن حكم على علاقتكم ... تصارحوا .. وقرروا ... وترى اللي بينكم "ميثاق غلييظ"

الله يهديه ويسخره لج يا رب

تسلمووون يالغاليات ع الرد الطيب والله لا يحرمني من دعواتكن الطيبه ....

أدعولي الله يهدي سري مع ريلي ويبعد عنا الشيطان ويسخرنا حق بعض آآآآآآآآآآآمين ....