حوض سباحة مغلق .. أرجوووكم تساعدوني

السلام عليكم

انا حاليا ابا ابني بيت ان شاء الله ... ووايد عاجبتني فكرة حوض السباحة المغلق اللي يكون مطل على الصالة .. يعني اي حد يدخل الصالة يشوف حوض السباحة اللي يكون في غرفة ثانية جنب الصالة.. و يكون بينهم زجاج .. وفي نفس الوقت ابا اسوي حوض سباحة مغلق عشان عدة امور مثل انه ما يتوسخ بسرعة ولانه عندي اطفال فخطر لو خليته مفتوح .. وعشان الخصوصية بعد..

بس وااايد محتارة .. بشو الواحد ممكن يخلي حوض السباحة في مكان مغلق .. هل هو بالزجاج او بالطابوق او بشي ثاني ... وفي مسألة وايد محيرتني اللي هي انه في حالة لو كان حوض السباحة مغلق اكيد راح تكون فيه رطوبة في الجو خاصة في الصيف .. فشو اسوي في هذي الحالة هل احط مكيفات او اجهزة تسحب الرطوبة او في طريقة ثانية مثلا اسوي نوافذ واخليها مفتوحة بين فترة والثانية ...؟؟

يا بنات هل عندكم خبرة كم تكلف احواض السباحة المغلقة ؟؟
واللي عندها حوض سباحة بالبيت .. شو رايج .. هل هو عملي وحلووو او متعب وما يستفاد منه؟

يا ليت يا بنات تساعدوني لاني من جد محتااااااااااااااااارة واااايد وقلت خلني اسأل احسن ..

في مان الله