السلام عليكم بنات و عرايس المنتدى
أول شي حبيت أقول لكم أنه هذي اول مشاركة لي بس وايد تشجعت يوم شفت كل وحدة تكتب تجاربها و الكل يستفيد قلت خل اكتب تجربتي يمكن احد يستفيد و يدعي لي :shy:
المهم اول مرة كنت اسوي شي حق زوجي كان بدون مناسبة ... و كنت بس حابة أغير الجو و اجدد حياتنا الزوجية بعد ما مر كم شهر على زواجنا... :flower: :flower:
الله يسلمكم .... اول شي رحت محلات الورود و خليتهم يسوون لي باقتين من ورود الليلي (lilies) انا لأني وايد احبهم و على فكرة ريحتهم فضيعه ..
و خذيت اوراق ورود حمر و ورديين و بييض ..
بعدين رحت شريت فازات طوال و فازه عريضه و غزيرة شوي و دائرية كأنها حوض أسماك
و خذيت الأحجار الصغيرة الملونة و حطيتها بقاع الفازات الطوال و نسقت فيهم ا لورود
خذيت بعد الفازة العريضه و حطيت فيها ماي وشموع صغار و جمن ورقه مالت الورود و حطيت الفازة بالطاولة اللي بنص الصاله و طبعا الفازتين الكبار كل وحده في طرف من الصالة
و بعد خذيت باقه ورود حمر و حطيتها بغرفة النوم (أدري بتقولون متخرعه على الورود) ههههههههههاي
رحت غيرت الملحف مال السرير و حطيت لون اوف وايت و طبعا نثرت عليه أوراق الورود و على الأرض دار مدار السرير
أخر شي (طبعا انا كنت ماخذه كمية كبيرة من أوراق الورود) رسمت طريج من باب الشقه لين السرير .. كلة من أوراق الورود تقريبا عرضه ربع متر على أساس انه يمشي على الورد ههههه و صفيت شموع على الأطراف و حطيت شمعدانين كبار على باب غرفة النوم .. و طبعا تعدلت و لبست قميص نوم من أيام شهر العسل و انبطحت السرير و حطيت ورده في يدي و قعدت انطر ... طبعا كنت صاكة الليتات و بس الشموع اللي كانت مضويه المكان ..
فطبعا اول ما دخل الشقة انصدم :qaq: .. و قعد يضحك :bigsmile: وعقب ياني الغرفه و قعد معاي و سولفنا(r) و صار اللي صار .. بس المهم انه استانس وايد على الحركة ...
(تعليقات على الحركة)
عقب كل هالتعب ..
زوجي علق بتعليقات صج بطت جبدي بس يلله الله كريم..:angry:
قال عن الشمعدانات كأنها مالت برنامج سرفايفر اللي كانوا يحطونة اعتقد في ال بي سي:eek: ... و الطريج اللي متعبه روحي و انا اسويه (طبعا اختي كانت اتساعدني) قال عنه الطريق إلى كابل ...(الحركة كانت على ايام المسلسل)
:sad:
بس يلله ... انا بالنسبة لي استانست .. و هواستانس .. بس هوه عليه هالحركات .. التعليقات اللي مالها داعي ..
ان شاء الله تكون عجبتكم الفكرة و تسفيدون منها :shy:
الله يوفق الجميع بما يحبه الله و يرضاه