جبت لكم طريقة كيكة اسفنجيه سهله ولذيذة انا جربت قبل اسوي كيكة اسفنجيه بس فشلت فشل ذريع طلعت زفره ريحتها بيض وماانتفحت ابد حتى اني قلت خلاص ماراح ارجع اجرب اسوي اي كيكه اسفنجيه لحد مالقيت هذي الطريقه في احد المنتديات من اخت الله يجزاها خير وجربتها وضبطت معي حتى ان اخوني طلبو اني ارجع اسويها يوم ثاني
واسهل مافي الكيكه انها ماتحتاج فصل البياض عن الصفار
مقادير الكيكه
6 بيضات كبيره واذا كان حجم البيض وسط حطي 7
كاس سكر عادي
معلقه شاي فانيليا
ملعقتين طعام زيت
كاس دقيق مضاف لها ملعقتين نشاء
الطريقة
اول شي نسخن الفرن على حرارة 140 مئويه
وبعدين ندهن الصينيه بالسمن النباتي " الابيض قودي او مازولا"
نضع في الخلاط البيض مع السكر والفانيليا ونخلهم على اعلى سرعه لمدة 7 دقائق او اكثر لحد مايتضاعف حجم البيض يعني ينتفش كثير
وبعدين نضيف ملعقتين الزيت طبعا والخلاط يشتغل مانطفيه ابدا والزيت نحطه بشويش يصير مثل الخيط يعني بالتدريج
وبعدين نوقف سرعه الخلاط بالتدريح يعني ننزل رقم رقم حتى توقف الخلاط " هذي الخطوه مهمة لان لو طفى الخلاط مره وحده بيزل البيض وبيطلع الهواء اللى فيه "
والحين في زبديه كبيره نضع البيض وبعدين فوقه ننخل الدقيق المضاف له ملعقتين النشاء فوق البيض على ثلاث دفعات ونحرق المزيج برقه من فوق الى تحت او على شكل دائره باتجاه واحد
ثم نصبها في الصينيه المدهونه وندخلها الفرن
هذي مقادير الكيكه بس اني اضفت مع الدقيق 2 ملاعق كبيره كاكاو لاني كنت ابيها بالكاكاو
وهذي كيكتي بس لاتضحكو على التزيين لاني مااعرف ازين كيك " حتى اخواني في البداية ضحكو بس بعدين عجبتهم وخلصو عليها " المهم طعمها رهيب
انا استخدمت كريمه خفق جاهزة مع شكولاته هيرشي السائل والتوفي او الكرميل السائل
وفي الوسط حشيتها بالكريمه مع قطع اناناس " لما قطعت الكيكة نصفين شربت الكيكه بالماء اللى مع الاناناس "
