مساعدة الزوج

شوفي يا قلبي
هالمشكلة انتشرت بالخليج وبالكويت خاصة ووصلت الى الطلاق
الريال يعتمد على معاش المرة في كل شي

انا بقولج شنو تسوين وصدقيني راح تستانسين من النتيجة

وهذي طريقة مجربة وانا يوم شفت زوجي جذيه طبقتها ومن البداية علشان يتأدب

بداية القصة انه زوجي قال عطيني بطاقة البنك انا ابي اصرف قلت له يا سلام هذي فلوسي ومالك حق علي عصب وزعل وكان بيطقني بس ما خليته

المهم فكرت وقمت واتصلت على شيخ دين وخليته يسمع شنو يقول

المهم سألت الشيخ :: هل من الواجب على المرأة ان تصرف على زوجها

جاوب الشيخ :: لاااااااااء هذي فلوس المراة تسوي فيها اللي تبيه والرجال مادامه قادر له حق النفقة والصرف واذا فلوسه خلصت من الصرف وانتي حابة تساعدينه عطيه وانتي حرة بفلوسج والرجل ماله حق ياخذ فلس واحد منج دامج مو راضية

جان اسأله:: طيب يا شيخ وفلوسي شنو اسوي فيهم
قال كيفج لبسج ولبس عيالج تبين تعطينه زوجج كيفج دامج راضية عنه

جان اقول حق الشيخ لاااااااااااء مو راضية

قال عيل ماله حق

المهم زوجي سمع هالكلام كله وقال ذلفي انتي وفلوسج

ومن هاليوم اشوفه يروح الدوام ويصرف على نفسه وما يصرف علي بس انا عندي فلوس والحمدلله

ايلين يا اليوم الي حملت فيه وقلت له لازم نوفر حق البيبي ومن هالكلام وانا بخش فلوسي وانته اصرف علشان ايمع حق العيال ليما يكبرون وانا بحاول اقتصد معاك وما اصرف وايد

ومن هالكلام
لان الرياييل ياقلبي ما يحبون المرة الي تصرف وايد خليج اقتصاديه معاه واذا حبيتي شغله بخاطرج اشتريها بفلوسج من غير لا يدري







صدقيني هذا اللي قاعد يصير بمجتمعنا المرة انقلبت ريال والريال انقلب مرة
بس بقى شي واحد انه يخلون الحريم اهم اللي يطلقون


تخيلي في رياييل ما يعترفون بالنفقة يقولون هذا حجي المحامينن والحقوق لجهلهم بالدين

استغفر الله العظيم

الله يوفقج ويهون عليج يا قلبي

تسلمي لي يالغالية
و الله اني بختنق
قلنا ماعليه نتساعد بس الرجال خلاص نسى إنه مسؤول
أحس نفسي بديت أكرهه
ما أحسه رجال:sad:
يا ريت لو أنزل اللي في بطني (أستغفر الله)
افكر اطلع من العمل و القى نفسي في الشارع
تعبت و الله تعبت

لا تطلعين من العمل لانه فلوسج انتي بحاجتها وعيالج بعد ايلين زوجج يقدر المسؤولية بس لا تصرفين على البيت حاليا خليج رافضة وخشي فلوسج عنه

هلابك

شوفي اختي إلي قاعد يصير معاك مو طبيعي ابدا

ديري بالك اعتقد والله العالم ان زوجك يستقلك ويكذب عليك

وان شاء الله اكون غلطانة

الحرمة تساعد في حدود المعقول موتتحمل المسئولية كلها

ترى غيرك وايدين خذوا قروض وبنوا الفلل وكان مصيرهم الشارع

ولي رجعه.............

طيب شو الحل
شلون أتصرف معاه تعبني, لما أسـأله عن عمله يعصب حده يقول ما أحب المرة النقاقة

حتى لما نروح نقضي للبيت اشوفه يحط كل اللي نفسه فيه في العربة وأقول الحمد لله عنده و بيدفع ألاقيه لما نجي نحاسب يورطني و يقول وين بطاقتك
أنا مو حابة أعمل مشاكل
يجي العيد و يروح و لا حتى يقول هاك خذي لك شي للعيد
كلمته كذا مرة إني ما راح استمر بالعمل و اني حابة اتفرغ لبيتي و ولدي
حتى ما عندي وقت اكشخ و البس حالي حال الحريم من تعب الدوام و لا همه شي
أهم شي مخباي مليان
و هالمرة عطاني وياها كاش و صريحة جهزي نفسك لقسط ايجار البيت لأني ما عندي:angry:
شاسوي ما أحب أفتشل قدام أحد و أطلع مشاكلي
ابوه حاس فيني و يقول فشلنا قدامك انتي و اهلك و حاول معاه بس ما فيه فايدة
ساعدوني

حبيبتي سوي الخطة اللي قتلج عنها اتصلي على شيخ دين

ترا الدين والشرع واقف ويانا بهالمسألة وانا قريت انه الريال اللي ما يصرف على زوجته لها الحق بطلب الطلاق وانتي بيني له هالاشياء هذا حقج لا تتساهلين فيه وانصحيه انه يداوم لانه المصاريف زادت ومن هالكلام

والله ذكرتيني بأختي ومعاناتها مع زوجها تقريبا نفس المشكلة لكن الفرق أن زوجها بخييييل جدا جدا ..... ولا لازم تصرف عليه بعد ،حتى يوم تسير وياه مكان لازم تصب له بتروول . ليج ؟!! لأنها تشتغل وهو على قولته ماخذها إلا لأنها تشتغل فقط ......وعند زوجة بعد وعيال وعليها إنها تصرف عليهم بعد ...... والمشكلة إنها صابرة عليه وايد رغم إنها من النوع إلي ما ينضحك عليه ...لكن الزمن والعيال إلي خلفتهم منه حكموا عليها .......... والله ينصركن يا رب .

الحمد لله الحمد لله إني ما أشتغل:sad: :shy: :shy:

عافانا الله



صديقتي عندها نفس المشكلة توها متعينة السنة والمصيبة هني ان خالتهوهي (ام زوجها )مع عمها

(ابو ريلها) عينهم على بيزاتها , قبل ماتتعين كان ريلها يدفع مصروف البيت لابوه 1000 درهم


وغقب ما اشتغلت طالهم عمها انها تدفع الف ثانية ولازم انها تساهم في مصروف البيت


وقلل الوجبات واستوت مشاكل مع ريلها









الفلوس تغير النفوس




وحتى ربيعتي الثانية بطاقة البنك مالها عند ريلها ولازم هو اللي يسحب لها


تصدقون ياجماعة ان تليفونها قديم اخر موديل قبل بو كاميرا ما ينزل من 7 سنين عندها ها لتيلفون

وهي ما تروم تسحب فلس من غير شوره خلاها تشتري سيارة ب130 الف من الوكالة

وهي الاقساط عليها











واسلوبه في التعامل معاها زفت كله يصارخ ويفاتن عليها-هم من الاهل- انا روحي كذا مرة سمعته


وهو يهزبها جادمنا منغير حيا ولا مستحى قبل ما تشتغل ماكان هذا اسلوبه

وفي الصيف لماينزل لها راتب ثلاث شهور ما تام منها درهم













عافانا الله













هذا يسمونه مرض

ليييش ساكته عنه ........ كلميه ولا تقعدين تشتغلين وتصرفين على البيت بروحج

الزوجه حلو تساعد زوجها بس مو مثل ماتسوين اهو نايم وانتي اللي تصرفين مب حاله هذي

والساكت عن الحق شيطان اخرس يعني لازم تناقشين زوجج قولي له ان ماعندج فلوووس او خلص راتبج لين سالج قولي له انج مب مسؤله تصرفين على البيت وعليه اهو ملزوم يقوم بمصاريفج انتي وعيالج واذا ماوفر لج شي لاتسكتين عنه عشان يعرف انج مب راضيه عن اللي يصير

انا صج ساعدت زوجي وعطيته مهري ولين عندي فلوس اعطيها اياه بس ماشاء الله عليه مايبخل علي بشي يبديني على نفسه وانا لين كملت دراسه واشتغلت راح اعطي نص راتبي حق امي والباقي بخليه للسفر لي ولزوجي

انتي كلميه وجوفي النتيجه اللي توصلين لها وخبرينا .. ماصارت بعد الزوجه تصرف على ريلها

والله يهديه ان شاء الله بحق محمد وآل محمد

بس لا تنسين يالغاليه لا تكونين ضعيفه لانج مب مجبورة تقومين بكل الادوار في البيت


[grade="FF4500 4B0082 0000FF 000000 F4A460"]((دوحته جنة الباري من تحتها الكوثر الجاري))
ربي لا تذرني فرداً وأنت خير الوارثين [/grade]

والله تسلموا لي
بحاول اخش فلوسي مني و رايح و خليه يدبر نفسه
بفتح لي حساب بنك من غير ما يدري بشيل فيه الأكو و الماكو و بخلي الباقي فيهم كم بيزة:clap:
الوحدة ماتدري الزمن غدار :sad:

لا تعليــــــــــــــــــق

حبيبتي غلى
ما فهمت شي؟؟؟؟؟

بصراحه لا تسكتين عنه لانه هو من واجبه انه يصرف عليج وعلى العال بعد

عيل ليش اتزوج ؟؟؟؟؟؟؟؟

حاولي تسحبين منه الفلوس بأي طريقه واهم شي حاسبي على فلوسج ولا تعطينه ولا فلس

والله يعينج

انت لا تعوديه ابدا على فلوسك

هذا اكبر غلط

لانه اذا تعود على فلوسك خلاص

الا اذا كان زوجك في ازمة فساعديه بقدر الاستطاع ولا تبخلي عليه


كل شي بميزان

تحياتي

انت لا تعوديه ابدا على فلوسك

هذا اكبر غلط

لانه اذا تعود على فلوسك خلاص

الا اذا كان زوجك في ازمة فساعديه بقدر الاستطاع ولا تبخلي عليه :shy: :gum:


كل شي بميزان

تحياتي