ستيك الدجاج

هذي طريقة ستيك دجاج شفتها في برنامج Rachel Ray وجربتها..... يممممم لذيذة وسهلة جداُ جدُ وهذي الطريقة....

الكمية لشخصين:

2 صدر دجاج "في البرنامج كانت ترقق الصدور بس أنا أسويها بدون ترقيق"
1 م ك خل بلسميك
ملح
زيت للقلي
1 م ك زبدة
1 م ك طحين
مرقة دجاج "هي تستخدم مرقة جاهزة و أنا اغلي شوية ماي وأحط عليه نص مكعب ماجي"
2 م ك كريمة خفق

- حطي صدور الدجاج في صحن ورشي عليها خل البلسميك والملح.
- في المقلى حطي شوية زيت كمية تكفي تغطي قاع المقلى بس وحمي الزيت.
- إذا حمى الزيت صفي صدور الدجاج وغطي المقلى و خففي الحرارة الى أقل من النص وقلبي الصدور من وقت لوقت.
- إذا تحمرت الصدور من الجهتين و تأكدتي انها استوت من داخل، حطيها في صحن التقديم.
- في نفس المقلى اضيفي الزبدة والطحين وحركي بخلاط شبك لين تذوب الزبدة وزيدي عليها بالتدريج مرقة الدجاج مع التحريك حتى تصير صوص ثقيل، الحين زيدي عليه الكريمة وصبيه عالدجاج في الصحن وقدميه مع بطاطس ويجز أو خضار سوتيه.

وهذي طريقة البطاطس أخذتها من برنامج Martha Stewart وماشية مع الستيك تمام:

حبة بطاطس متوسطة بقشورها مغسولة زين ومقطعة ويجز
حبة جزر بقشورها مقطعة قطع عريضة
رشة زيت زيتون
فلفل أسود
ملح
أوريغانو

اخلطي كل المقادير مع بعض وصفي البطاطس والجزر في صينية ودخليها الفرن لين تتحمر وقدميها مع الستيك.
وألف صحة وعافية