عندي مشكله مالها حل

السلام عليكم ....

نصيحتي لج حبوبه ... أن إتكلمين صديقتج و إتقولين لها إتصارح زوجها .... و شوفي هو شو بيقول ... لأن لو هو من هذا النوع عمرة ما بيفكر يعرس ... و قوليلها لا إتحاتين المسجات لأن الشباب يرسلون لبعض مثل هالمسجات مثل ما إحنا نرسل لبعض بصورة عفوية .... لكن إذا هي متزوجه وزوجها ما دخل عليها للحين .. فهذا يحتاي صارحه واضحه من البداية ....

هلا

اولا الله يكون في العون ما ادري شنو اقول لك

ماحبيت اطلع بدون ما ارد حتى با القليل

اترك الامر للمتزوجين هم اخبر

اما للقضيه الثانيه

احساسي ان زوج صديقتك يشتكي من شي

اكيد مش طبيعي وهذا الأمر الي خلاه مايميل للحريم

اما ان يكون حاجه نفسيه او جسديه


اتمنى الغير يفيدونش

لازم تصارحه وتعرف الحقيقه ولو هو فعلا كده يبقى الانفصال انسب حل وانا مش مع الاخت اللى قالت انه هيتجوز ليه لو كان كده بيبقى حاسس انه اتكشف او هيتكشف فبيضطر يتجوز ويتدارى ورا ستار الجواز وممكن احيانا يخلف طفل عشان تبقى الحكايه متغطيه فالانسب انها تعرف بدرى عشان تعرف تتصرف وربنا يكون فى عونها

مافي مشكله يا اختي مالها حل ..

وابغض الحلال عند الله الطلاق

لو ماكان يميل شلي خلاه يتزوج يعني هل هو مجبور عل الزواج ؟؟؟

اول حل خل تصارحه بالموضوع وتتكلم معاه تجلس جلسة مصارحه يقول الي عنده اذا كان يبيها ويبي العلاقه تستمر فبامكانه يصلح كل الامور يمكن هو يعاني من مشكله نفسيه او جسديه .. هي بتفهم شاقصد ..

واذا كان عل المسجات فعادي مثل ما احنا ندز مسجات حق بعض ويمكن اهو الي يطلب منه يبي مسجات او غير ذلك لا تحط بذمتها قبل لا تتكلم وياه وهي توها باول حياتها ..

خل تفهمه قبل وتتكلم معاه واذا شافت انه اهو مثل ماقالت ومثل ما توقعت فالافضل انها تنفصل والله يعوضها خير ..

والله يعينها على الي هي فيه ..

الله يعين صديقتج يارب...

مثل ما قالن البنات اكيد في مشكله .. يعني ليش يتزوج و هو جي ..؟؟

خلها تكلمه و تشوف اشفيه بالضبط عشان اذا كان مثل مانتو متوقعين تطلق منه ...

هلا اختي الحبيبه

انا اشوف انها تتأكد من الموضوع هل هو يعاشرها طبيعي ؟؟ تشوف عليه سلوكيات خاطئه ؟؟

لو صار كلامها صحيح على كذا لازم تتفاهم معه وتساعده يروح لدكتور نفسي يساعده على تخطي هذه المشكله لأنها مب سهله ابدا

الله يعينها يارب

[glow=FF0000]ألووووووووووووووووو هميانه وينج أنا أقول لاسمح الله يمكن عنده عجز جنسي؟؟؟ إذا ما دخل عليها[/glow]

الله يكون بعون صديقتج

حبيبتي خليها تنصحه وتحاول معاه صدقيني هذا يسمونه ضعف دين وتذكره بعذاب الله وبقوم لوط وكيف انزل الله عليهم عذابه واجيب ادله من القرآن مع المحاوله والمواصله والدعاء لرب العالمين ولاتنسى الثلث الاخير من الليل صدقيني الله بيسر امرها..........

مشكلة صعبة
بس مادري هالمسجات فقط كصداقة او بينهم شي مثل الشواذ

بس يا بنات كل الرياييل الشواذ واللي يميلون للرجال عادي متزوجين وعندهم عيال

حسبنا الله ونعم الوكيل يتزوجون كمنظر فقط جدام الناس ويبلوون حريمهم وعيالهم اخر شي

لله يستر علينااااااااااا
وعلي بناتنا واولادناااا ياكريم

شوووقي اختي سالفة المسجات ممكن تكون شي عادي بين الربع

عادي كله حجيهم حبيبي وحبيبي

عادي يعني

بس اذا اهي حااسه ومثل ماقالوا البنات مـــا .....

اشوف انها تصارح امها ويرجعون لشيخ دين اهو راح يكون ابخص


والله يعنيها ويووفقها ياارب

اخت رفيجتي نفس القصه بس هذي عرفت على طووول
3 ايام وتطلقت ياحرام
:(

لا حول ولا قوة الا بالله

الطلاق هو الحل

لان اللى بيكون زى كدة بيكون متعود على النجاسة والحاجات اللى الشاذة اللى زى بتجيب امراض لا قدر الله

وربنا يستر عليها وعلية

بس انا من راى انها تطلق منة وتشوف حياتها وهى لسة صغيرة

ربنا يكون في عونها دي كارثه بجد بس انا مه الاخوات انها تقعد وتكلموا وتشوف هيوصلوا لايه مع بعض والا لازم تقول لاهلها والا هتمضي بقيت ايم حياتها تعيسة ومش ده غرض الجواز وربنا ييسرلها امورها ان شاء الله

خليها تصبر واانا اعرف وحده كان ريلها بعد مثله والمشكله انه كان على علاقه مع ولد خالتها وحتى يوم سافرو شهر العسل وداه معاه وهي بالصدفه كشفته لكن الحين ريلها تغير ميه وثمانين درجه والحين هو مطوع..

كل مشكله ولها حل يااختي
ولازم تتفاهم مع زوجها وتواجهه
وعسى الله يصلح امرهاوامر كل مسلم

اهي عاشت معاه 3 شهور .. ليش ضلت ساكته وماتكلمت ... المفروض من البداية تتكلم وتحاول تتكلم معاه اذا حسته يبي يتغير ويحل مشكلته (( بالنسبه الى كلامج ان مايميل لزوجته )) اما اذا مايبي يتعالج ويبي يظل جذي معناته انه مايبيها تستمر معاه وتدخل الاهل في هالشي لابد منه لان لين سكتت اكثر راح تتفاقم المشكله .... اما عن المسجات انا احس الشي عادي وطبيعي لان كل الرجال جذي او اغلبهم يعني شي طبيعي اكو احنا البنات كل وحده منا تدز مسجات حب وهيام يعني هذا مافيه شي ...

بس الاهم من هذا انها تتاكد منه ليش اهو مايميل لها ؟ شنو اللي ناقصنها عشان يقدر يتقرب منها ؟ شنو الاشياء اللي كان يتمناها في زوجته ومالقاها فيها ؟
لازم تفكر في هذي الاشياء قبل مايروح بالها بعيد يمكن اهو يعاني من (( برود جنسي )) يعني يحتاج علاج بسيط عشان يقدر يرجع طبيعي والحين العلاج تطور وكل شي له حل بإذنه تعالى

والله يفرج عنها كل هم وكرب بحق محمد وآل محمد ...

بس لازم تتناقش مع زوجها قبل ماتاخذها الظنون والشكوك الى بعيد

وعسى الله يهديهم ان شاء الله



[grade="FF4500 4B0082 0000FF 000000 F4A460"]((دوحته جنة البارٍ من تحتها الكوثر الجارٍ))
ربي لا تذرني فرداً وأنت خير الوارثين [/grade]

انا ضد مساله الطلاق

اختي انتي قلتي مايميل للحريم

وفي اخت اسالت هو يعاشر طبيعي ولا لا؟

انا معاها في هالسؤال في رجال متزوجين

وبنفس وقت يميلون للرجال

يعني جسمهم مافيه شي طبيعيين

حب تجربه للحرام فقط

يمكن زوجها جذي فيحتاج احد ينصحه

ويخليه يمشي على الطريق الصح ويبتعد

عن هالاشياء الخاطئه اللي راح تخرب حياته

وتبعده عن ربه