هذي قصتي بعد وفاة زوجي ,,,, ولا ازال في الحداد ,,و لا تبخلون علي بنصيحتكم

اخواتي في منتدى عروس السلام عليكم ورحمة الله وبركاته

هذه اول مشاركه لي معكم مع اني كنت اتصفح الموقع بين فترات متقطعه عشان خلطات الشعر والحلويات اللي كان يحبها زوجي

واذا تسمحون لي خواتي اقولكم اياكم اياكم تزعلون ازواجكم مهما مهماااااااا فعلوا ,,, ولا بيكون الندم حليفكم اذا فقدت الوحده زوجها

,,,, انا كنت اعيش اجمل حياه مع زوجي حتى فقدته قبل شهرين ,,, كنت الومه كثير اذا رجع من الدوام وقال ابي ارتاح ,,, اقوله طيب انا زهقانه طلعني واطلب طلبات البيت في اوقات يبي هو يرتاح فيها ,, ولكن الان بعدما بدات بالقيام بجزء من دوره وهو متابعة الاولاد والمقاضي والمستشفيات وهموم مستقبل العيال بدأت اندم على كل لحظه زعلته فيها او فرضت عليه شي فوق طاقته ,, والاخوان والاهل ما قصرو لكن كل واحد منهم مشغول بدنيته ,,, وما كتبت هذي الكلمات الا اقلكم والله لو تقعد الوحده عمرها كله تحت رجل زوجها قليل فيه , وما تعرف الوحده قيمة الزوج الا اذا رااااااح تحت الثرى

صحيح انه ترك لي خير كثير وعقارات لكن وش فايدتها بدونه , فكرت افتح صالون نسائي اشغل وقتي فيه ويكون مصدر دخل لكن ماافهم في الصالونات شي , وحده من صديقاتي قالت لي افتح في البحرين وبيكون قريب مني لاني في الخبر لكن خايفه اخسر فلوسي كلها وفلوس الايتام مع اني حاطه ميزانيه للصالون 400 الف , ابي نصيحتكم افتح بالبحرين وهناك يقولون البنات كثير يهتمون بالرياضه والتجميل والشغل احسن , وناس يقولون افتحي بالخبر لكن انا اشوف الخبر مليانه مشاغل نسائيه

اختكم الارمله الحزينه