ماسك الجزر .. من كريستالة قطر ..

كريستالة قطر 19-12-2006 70 رد 8,141 مشاهدة
ك
السلام عليكم ورحمة الله وبركاته

حبيبت أفاجئكم بماسك خطير وجاتني فكرته في يوم من الأيام .. >> قصة وماندري ..

وأنا أشوف أمي في المطبخ ..

تسألوني شتسوي ؟؟!!.. كانت تعصر هالشي .. وأنا في قلبي أقول ..

هالشي فيه فوائد كثيرة وأكيد مابتضر البشرة ..

وخذت منه كمية وخلطته مع أشويه شغلات وكونت لي ماسك والله أسميه الخطير ..

صج حسيت بشغله على بشرتي معنه ماطول على ويهي أكثر من 10 دقايق

بس اللي صج خلاني أصدق وأستغرب .....

المعلومات اللي حصلتها اليوم عنه سبحان الله وعن فوائده .. <<< أدري طولت السالفة وهي قصيرة

بس لازم نحرق أعصابكم أشوي .. ههههههههههههههههههههههه ..


ماسك الجزر

طبعاُ عارفين أسلوبي أعرض عليكم الصور مع معلومات خفيفة ومفيدة بنفس الوقت ..


الجزر



يدخل في العديد من المستحضرات الطبيعية للعناية بالبشرة ، عصير الجزر الطازج له أثر واضح كمضاد لبُقع وشوائب البشرة ، ويعمل كذلك على تحسين لون البشرة وصفائها بوجه عام. ولا تقتصر فوائد الجزر على البشرة فحسب ، فهو غذاء مفيد كذلك لصحة الشعر والعينين لحاجتهما الضرورية لفيتامين « أ »..


الحليب


يحمل خصائص كثيرة تعيد الحيوية للبشرة، كما أنها تضفي ملمساً ناعماً عليها، وبالطبع فإنه يساعد في تفتيح لونها ، وإن فكرة استغلال الحليب في أغراض تجميلية ليست بجديدة، فهي متبعة منذ آلاف السنين فكليوباترا كانت تغطس في أحواض ضخمة مملوءة بالحليب الطازج ..


ماء الورد



يستخرج من بتلات الزهور ، فهو وعلاجاً لتشققات الجلد ، كما يستخدم ماء الورد أو زيت الورد في عمل الحمامات المنعشة والمجمّلة للبشرة ، ويقول خبراء التجميل، أنه لا شيء أفيد من ماء الورد للعناية اليومية بالبشرة ولتنظيف الوجه ومنع التجاعيد ..
ولإعداد ماء الورد ضعي حفنة من بتلات الورد الجافة في حوالي لتر من الماء المغلي في إناء غطيها واتركيها تنقع. استعملي ماء الورد البارد كغسول أو كمادات للوجه ..


هذي هي مكونات ماسكنا الخطير ..

أكيد بتسمونه أنتوا بعد خطير لانكم شفتوا المكونات الغنية اللي فيه ..


الطريقة ..

- نبشر الجزر .. أو حتى نقدر نأخذه لما نسوي عصير الجزر يعني من المكينه اللي تأخذ العصير
وتعطينا بقايا الجزر .. وهذا اللي أنا سويته وأستوحيت طريقة الماسك منه ..

- نأخذ كمية ملعقة كبيرة تقريباُ من الحليب المجفف ونحطه على الجزر ..

- نصب كمية من ماي الورد على الجزر والحليب ونخلطهم لين نحس إن الكمية أوكي لو حسيتوه غليظ تقدرون تزيدون الكمية ولو حسيتوه صار مثل الماي زيدوا الحليب والجزر .. وحطوا قطرات من عصير
الجزر على الخليط ..

- على طول حطي الماسك على ويهج عشان الفوائد اللي فيه ماتطير عنج ..

- خليه على ويهج ورقبتج يالحلوة لمدة 10 - 15 دقيقة .. >> صدقيني ودج ماتشلينه عن ويهج لانه يبرد عالويه ..

- بعدها أشطفي ويهج ورقبتج بماي فاتر وأخر شي بماي بارد عشان تنتعشين عدل وتستبردين .. ههههههههههههه >> شريه ..

- مرري مكعب ثلج من ماء الورد على الوجه والرقبة عشان تنتعشين زين مازين ..


وسلامتكم وياحلاوت بشرتكم ..

للي تجربها وتحبها .. طلب صغيرون مني ..

تدعي لي بإن الله يرزقني بالذرية الصالحة السليمة والمعافاة ..


ن
جزاك الله خير حبيبتي وبكره باجربها


انا اليوم كنت افكر في الجزر واقووول ياربي شاسوي فيه قمت وعصرته وخلطته مع ماي ورد وصبيته في مكعبات الثلح وثلجته ..
ولمما حطيته على ويهي حسيت صج ينتيجه حلوووه ,, احسه يعطي البشره نضاره ..
ق
[mark=FFCC33]هلا هلا كريستاله قطر

مشكوووره ع الماسك الحلوو

بس فيه شي ما فهمته!!

احط الحليب مع عصير الجزر ؟؟
ولا
اخلط الحليب مع قشر الجزر؟؟اللي يطلع من العصاره؟؟

انتظر ردك وان شاء الله راح اجربها [/mark]

ب
فديتهااااااااااااااااا هي واليزر ام اليزر :dd: :dd:

متى نزلتيه ولا دقيتي هرن حتى؟ :think:

تسلم ايدينك يا كوكو فعلا الجزر روعه والمكونات فى متناول الجميع

ومتكود بالمطبخ ..

ودوره روعه فى توحيد لون البشره وازالة شوائبها

تسلم الوصفه وصاحبتهاااااااا القمر

وربي يرزقك الذريه الصالحه يا قلبي:flower:


ا



مشكووووووووره كريستالة

الله يعطيك العافيه يارب


ك
نجلا84:
جزاك الله خير حبيبتي وبكره باجربها


انا اليوم كنت افكر في الجزر واقووول ياربي شاسوي فيه قمت وعصرته وخلطته مع ماي ورد وصبيته في مكعبات الثلح وثلجته ..
ولمما حطيته على ويهي حسيت صج ينتيجه حلوووه ,, احسه يعطي البشره نضاره ..



ماشاء الله عليج بعد فكرتج حلوة ..

والحلو في الجزر إنه يعطي نتائج فورية وملحوظة ..

والله يعطيج العافية يا بنت بلادي الحبوبة ..
ك
قمراااااااااي:
[mark=FFCC33]هلا هلا كريستاله قطر

مشكوووره ع الماسك الحلوو

بس فيه شي ما فهمته!!

احط الحليب مع عصير الجزر ؟؟
ولا
اخلط الحليب مع قشر الجزر؟؟اللي يطلع من العصاره؟؟

انتظر ردك وان شاء الله راح اجربها [/mark]




حطي الحليب مع قشر الجزر وحطي قطرات من عصيره وحطي فوقهم ماي الورد ..

وأنتي تحكمي بكثافة الخلطة ..

وانتظر أحلى تجربة منج يالغالية ..

وعليج بالعافية ..
ك
بنت عذارى:
فديتهااااااااااااااااا هي واليزر ام اليزر :dd: :dd:

متى نزلتيه ولا دقيتي هرن حتى؟ :think:

تسلم ايدينك يا كوكو فعلا الجزر روعه والمكونات فى متناول الجميع

ومتكود بالمطبخ ..

ودوره روعه فى توحيد لون البشره وازالة شوائبها

تسلم الوصفه وصاحبتهاااااااا القمر

وربي يرزقك الذريه الصالحه يا قلبي:flower:





وااااااي بنت عذاري تتفداني .. أستحي ماأقدر .. هههههههههههههههههه ..

بس وش رأيج في اليزر .. وأم اليزر ؟؟؟!!... خخخخخخخخخخ .. أكيد بتقولين في قلبج عجيبة ..

ومثل ماقلتي يالغالية ..

الجزر ماأعتقد في بيت مايدخله ولا يكون مكود وبكمية كبيرة حتى ..

نتايجه روعة والله .. وأكيد اللي يستمر عليه راح تعجبه النتايج ..

وربي يزرق كل من يتمنى يااااارب .. والله يسمع منج إن شاء الله ..
ك
اسيرة قلبه:



مشكووووووووره كريستالة

الله يعطيك العافيه يارب





ومشكورة يا أسوره عالمرور ..

والله يعافيج حبيبتي ..
ز
مشكوره كوكو على الماسك الخطير

وان شاء الله راح اجربه واقول لج النتيجه ..
ز
مشكوووووووورة يالغاليه على الوصفه.....
والله يرزقج بالذريه الصالحه انشالله
د
مشكوووره عالماسك الحلو يا حلووو

تصدقين الجزر له فوائد كثيره واحنا غافلين عنه

بس عقب هالماسك الحلو

لاااازم نجرب وقبل العيد بعد
ظ

مشكوره كوكو على هالماسك الرهيب
والجزر تراه مفيد والدكاتره ينصحون فيه

ويبيلنا نجربه وان شاء الله راح اقولج النتيجه ^_^

دمتي بخير وعافيه
F
مشكوره اختي كريستالة قطر

وان شاءاالله باجربها بس خل يخف البرد قطعنا مانقدر نسوي شي

ويزاج الله خير والله يرزقج الذريه الصالحه يارررب
ع
تسلمي يا عبقريه والله.
ك
زينة قطر:
مشكوره كوكو على الماسك الخطير

وان شاء الله راح اجربه واقول لج النتيجه ..



ومشكورة زيونه عالمرور الحلو ..

وجربيه صدقيني مابيقلبج برتقالية مثل الجزر (( الأخت متصلة وتحاتي ينقلب لونها برتقالي )) ..

هههههههههههههههههههه كلش مافضحتج .. خخخخخخ ..

وأنتظر منج أحلى تجربة برتقالية ..
ك
زوجـ غلاي ـي:
مشكوووووووورة يالغاليه على الوصفه.....
والله يرزقج بالذريه الصالحه انشالله



ومشكورة يالغالية عالمرور ..

والله يسمع منج ويرزق كل من يتمنى يااااااارب ..
ك
دلوعه قطريه:
مشكوووره عالماسك الحلو يا حلووو

تصدقين الجزر له فوائد كثيره واحنا غافلين عنه

بس عقب هالماسك الحلو

لاااازم نجرب وقبل العيد بعد



إي عاد لازم أنتي تجربين ..

لاني دوم أجرب خلطاتج ومسكاتج اللي والله وربي شاهد من قلب فضيعة ..

وجربيه قبل العيد عشان لو اسالوج في العيد اشعنده ويهج صاير حلو غير عن كل عيد ..

قولي لهم من ماسك كريستالة ماسك الجزر .. هههههههههههه ..

والله يعطيج العافية ..
ك
ظـ القمرـل:

مشكوره كوكو على هالماسك الرهيب
والجزر تراه مفيد والدكاتره ينصحون فيه

ويبيلنا نجربه وان شاء الله راح اقولج النتيجه ^_^

دمتي بخير وعافيه




ومشكورة قموره عالمرور اللطيف ..

وخوش تشجيع منج ..

البنات يحبون كلام الدكاترة ..

ودام ينصحون فيه لازم كلكم تجربونه .. ههههههههه ..

وأنتظر منج أحلى تجربة ..

والله يعطيج الصحة والعافية يالغالية ..
ك
زوجي بالدنيا:
مشكوره اختي كريستالة قطر

وان شاءاالله باجربها بس خل يخف البرد قطعنا مانقدر نسوي شي

ويزاج الله خير والله يرزقج الذريه الصالحه يارررب



إي والله صاجه ..

أنا ألحين طايحه بس في الكريمات من البرد ..

حتى الكريم أحطه على ويهي أحسه ثلج .. خخخخخ ..

عاد لاتنسين الماسك عقب البرد أوكي .. ههههههههههههههه ..

والله يسمع منج إن شاء الله ويرزقني ويرزق كل من يتمنى ياااااااااااااااااارب ..
X