كيف أقدر أخليه يعطيني معاش شهري بدون إحراج

الله يهنيكم ويسعدكم يا رب

يا اختي المفروض هذا زوجك ولازم تكوني ماخذة عليه وانت اقرب الناس له وهو اقرب الناس لكي .. يعني ما تواخذيني يحدث بين الازواج اشياء اكبر واكثر احراج تحلله عقدة النكاح لهما ... فما بالك في حقك في المصروف ...

وهناك بعض الرجال بتكون عاداتهم ما يعطوا المرأة معاش ولكن كل ما تحتاج ما يقصر عليها وهذه موجودة في منطقتنا بشكل طبيعي ومتعارف عليه ولكن يمكن عاداتكم تختلف ...

ممكن تقولي له عن وحدة من صديقاتك تقبض معاشها من زوجها بطريقة حبوبة وبأسلوب تبيني فيه انك كثيرا تسمعي هالامر وان قريباتك نفس الشيء ياخذن معاش وانت ما كنتي تعرفي مثلا....

او قولي له انك حابة تتكلمي معه في موضوع ولكن مستحية او خايفة يفهمك غلط ... وقولي له بطريقة حبوبة ودلوعة انه صديقاتك او قريباتك ياخذن معاش شهري تصرف فيه على نفسها وانت بصراحة حاسة انك مختلفة عنهم وأكدي له انه مو منقص عليكي بشيء وهو كريم جدا ( حتى لو ما كان كذلك ) ولكن انت حابة تكوني مثل باقي البنات وانك بتحسي اذا حد سألك بالاحراج وتخافي انه يعتقد انه زوجك بخيل معاكي...

يا اختي ما تأجلي هالموضوع لانه ممكن يتعود عليكي ما تطلبي ويكون متعود انك تصرفي على نفسك.

المثل بقول ( ابنك على ما ربيتيه ، وزوجك على ما عودتيه )
وان شاء الله يتفهمك

دعواااااااااااتي

فعلا انا مع كلام الاخت سوسو
ومن هلا تشجعي وقليله احسن من بعدين لانك هلا لسى تعتبري عروس
ومافيها شي عادي قليله مثلا اول الشهر متى رح تبدأ تعطيني مصروفي لان في كتييير اشياء نفسي اجيبها واخليها لك مفاجأة ههههههههه
شو رئيك عن جد الموضوع عادي جدا والخجل مع هالرجال وبهالموضوع من صالحه بقى اتشجعي وقليله
بس خبرينا بالنتائج

حبيباتي العروس سوسو والدمشقية مشكورييييييييين واااااايد .. عجبتني فكرة قصص عن صديقات.. إنشاء الله بلمح له .. أدعولي خواتي

بسم الله الرحمن الرحيم

وعليكم السلام ورحمة الله وبركاته

انا بصراحه ما حبيت امر ع موضوعج من دون ما ادرد ..... بس انا بصراحه مع فكرة الاخت سوسو ...والاخت الدمشقيه بعد

الله يعطيهن العافيه ويعطيج العافيه انتي بعد ....الخوات كفو ووفو بصراحه

وان شاء الله انها تفيدج يالغاليه ...

السلام عليكم
الصراحه من رايي انا لاتقولين له قصص صديقات ولا شي
لأن في ناس مايحبون اللف والدوران والتلميحات أو انه ممكن يحس انج تقارنينه بغيره او شي جذي
انا من رايي انج تييبين له السالفه باسلوب حلو وطبعا بما انه زوجج فانتي تعرفين لشخصيته وكيف توصلين له الكلام باسلوب حلو

ماشاء الله البنات سبقونا وقدمولج اكثر من حل .وبتوفيق.

أنا الشوق:
السلام عليكم
الصراحه من رايي انا لاتقولين له قصص صديقات ولا شي
لأن في ناس مايحبون اللف والدوران والتلميحات أو انه ممكن يحس انج تقارنينه بغيره او شي جذي
انا من رايي انج تييبين له السالفه باسلوب حلو وطبعا بما انه زوجج فانتي تعرفين لشخصيته وكيف توصلين له الكلام باسلوب حلو

انا مع اختي الشوق بكل كلمة ,, مايحتاج تقولي صديقاتي ,, الرجال
مايحبون المقارنة ابداً ,, توكلي على الله وقولي حبيبي متى رح تعطيني
مصروفي ,, اذا قال :qaq: وش مصروفه؟؟

قولي مصروف زوجتك حبيبتك مو الأب يعطي بنته مصروف ؟ اجل الزوج
لازم يعطي زوجته مصروف ,, واعطيه كم كلمة حلوة ,, وبعدين بيسألك كم
قولي مممممممممممممممم الي تشوفه ؟؟ اذا عطاك شوي قولي :clap:
تسلم حبيبي بس بالله عليك ما استاهل اكثر ؟؟ هذا مصروف وحدة مو متزوجة
انا عروسة :shy: لازم تعطيني شيء يليق بمقام حرمك المصون واذا عطاك:gum:

ادعي لي يالغلا ولا تنسين تبوسينه ,, والله يوفقكم


تصدقين انا خايفة من هالشيء من الحين بعدني ماتزوجت بس مملكة
بس لازم يكون فيه مصروف الله يستر وبس :sad:

اختي عاادي قولي ابي لي مصرووف علشان انا ماااقدر ااشتري كل شئ وانت معااي .

صارحيه احسن من اللف والدوران بس بطريقه حلوه وعلى شرط يكون بمزاج رايق

تحياتي

خواتي الغاليات مشكورات جداً على نصايحكن لي.. إنشاء الله بسوي اللي نصحتوني به.. بس أدعوا لي :shy:

هههههههههههههههههههه
ضحكتيني يا رهوفة

انا عندي فكرة حلووووووووووووووة
قوليله انج بتروحين السوق مع اي وحده امج اختج صديقتج بتشرين حق العيد وخلي يعطيج فلوس وروحي معاها ولما ترجعين بيني انج متضايقة راح يسألج شفيج قوليله تعرضت لموقف محرج يقولج شنو قوليله ماكفت فلوسي ورفيجتي اضطرت تدفع عني وبعدين اقترحي عليه الفكرة قوليله ليش ماتعطيني مبلغ معين اخشه عندي لهالظروف ماتوقع يرفض دام انه طيب وقوليلي شنو صار عليج

أنا ويا أم حمودي ......................


وربي يستر ويسهل أنا بعد مثلج ما كنت أقوله وروحة يوم يتذكر يعطيني ... و يوم من الأيام فتح بوكي وشااف إني إمفلسه ... تم يفر علي المخدات وحرج قال كيف ما إتقولينلي إن فلوسج إمخلصه ... قلتله أنا أمي من إستويت ما طلبت منها كيف تباني أطلب منك ... و من يومها قام يحطلي عالكوميدينو وأنا نايمه عشان أنا وايد أستحي آخذ منه يد بيد ... وعادي من الحياء أصيح ... صدقيني طريقة أم حمودي أوكي ....

حبيبتي الريال ما يعرف طلبج الا لو طلبتي

ما فيها شيء تطلبي بوقت مناسب واسلوب ناعم والخوات ما شاء الله ما قصروا

لا تنسي تخبرينا بالنتائج :shy:

تعرفي أختي ... أفضل شيء الكلام المستقيم والواضح بين الزوجين بالأخص ..



قولي له بطريقة لطيفة وناعمة ...


أنت ما بتقصر عليّ في أي طلب أطلبه .. لكن أنا حابة تحدد لي كل شهر مصروف (بلاش معاش كأنه مؤسسة خخخخخخخخخخ) ... أتصرف على أساسه علشان ما أصرف زيادة عنه لأني بأحب مصاريفي تكون محددة وأحس إني حرة التصرف فيه ... أشتري هدية لزميلتي أو أجامل أختي وهكذا ... وما بحب أصرف بدون حساب لأني لاحظت أن مصاريفي ما لها حساب ... !!


ولو أقول لك أحسن أنك تاخدي ما تاخدي مصروف من زوجك بأحس إنك وقتها بتقدري تطلبي بدون ما تخجلي علشان ما تضطري تطلبي علاوة بعد كده خخخخخخخخخخخخخ


أقول لك أنا لما تزوجت وما كان عندنا مسئوليات كان كل فترة زوجي يجيب لي هدية .. وأشتري ملابس مثل ما أنا عايزة وهدايا لأهلي بدون ما نشغل بالنا
قارنت بين نفسي وغيري اللي زوجها يعطيها مصروف لو حابة تشتري شيء أغلى من المصروف اللي معاها تضطر تنتظر الشهر اللي بعده .. وقبل السفر لما يجوا يسافروا يعطيها مبلغ للهدايا لأهلها وصديقاتها لو المبلغ أقل من المطلوب ما تقدر تطلب منه تنتظر لما هو المبلغ اللي حاطه لهدايا أهله يخلص ويلاقي في بعد زيادة عايز يشتري لهم يقوم يطلع من فلوسه مبلغ له ومبلغ لها ...

يا أختي كأنهم في شركة مو بيت .. هي كانت ظريفة في أنهم بيتحكموا في مصاريفهم .. لكن ما هي عيشة زوجين !!


الحين أنا لما نيجي نشتري ملابس للعيد مثلا أو ملابس فصلية نحط لكل واحد مبلغ زوجي مثلي مثل أي طفل ونشتري منه واحد بيطلع أغلى من الثاني ما في مشكلة بنكمل من نفس المبلغ لكن دااااااااااائما ما بيكفي وبنضطر نزود عشوائي ههههههههههه ...

عفوا بس


دام ريلج ما مقصر عليج باي شي وطلباتج عنده اوامر


ليش المصروف


موب لازم نقلد ريبعاتنا في كل شي

خلي حياتج مع ريلج عاديه وبسيطه

اذا طلبتي منه شي وساعاتها ما طاع يكون لج حق

لكن بس عشان فلانه وعلانه ريلهم يعطيهم انا بعد لازم

التقليد ما يكون في كل شي

انتي زوجه مو بنت تاخذ مصروف من ابوها

العلاقه بينكم اكبر من جيه بوايد

مو فلوس بس



الله يوفقج حبوبه

داااااااام ريلج مب مقصر وياج ...انتي مب في مشكلة بالعكس احلى شي يوم الزوج يسير ويا حرمته يشتري وياها الاغراض اللي تباهااااااا ...(( عسب يعرف الحرمة شو تاخذ وكيف اسعار اغراض الحريم ومايلومونا يوم نخسر ^_^ ))

انا صح ريلي يعطيني مبلغ كمصروف للشهر >> بس بيني وبينج مااصرفه الا يوم اشاوره..ويوم اسير وياه السوق اقوله انا بدفع عن الاغراض اللي اشتريها..واذا ماكفن هو يدفع الباقي خخخخخ

لاني لو بيلس اقوله ابا مصروف شهري كل شهر المبلغ الفلاني >>> يمكن هو ماعنده ..او مب مرتب اموره لهالشي ...

انتي ممكن تقوليله مثلا ابا مبلغ معين اخليه في البوك ..سبحان الله اكون في مكان واحتاج لشي وانته مب موجود ..صدقيني مابيقصر ..وبيحط هالشي في باله ..وحاولي انتي يوم تصرفين هالمبلغ اتقوليله انا اليوم صرفت المبلغ الفلاني لاني احتجت آخذ شي ...وبهالطريقة بتلاحظينه يسألج ويقولج عندج شي في البوك ...وشوي وشوي ..بتشوفينه ع بداية الشهر يقولج خذي هالمبلغ وخليه عندج سبحان الله تحتاجين شي وانا مب موجود

بس احس (( مجرد راي)) ان مب حلوة ..كاااااش في الويهه اتقوليله ابا مصروف شهري >> تعرفين شو ممكن يقولج>>> ليش انا في الشو مقصر ...ماقصرت وياج...وممكن يضايق ويقول في خاطره انا ماقصرت وياهاااااااا

والله يوفقج ان شالله