انا خلاص انهرت

:sad:
حبيباتي كيف حالكن ؟؟ انشاء الله بخير !!
ماادري كيف اقول مشكلتي !! مااعرف كيف صارت مشكله !! كان الوضع مره طبيعي !!
انا متزوجه من سنه ونص تقريبا و حياتي كانت رائعه بل اكثر من رائعه والحق يقال !! ماكانت اواجه اي مشاكل مع زوجي ولا مع اهله ولاشي !! و كنت لمن اسمع بالمشاكل استغرب واحمد ربي ان ماعانيت ولا واجهت هذا الشي من قبل !!
طبعا زوجي طبيعه شغله انه يتنقل كثير !! يعني يجي يوم و يسافر 4 او 5 شهور و بعدين يجي 4 ايام ويسافر بعد كم شهر يعني ممكن هذا السبب ان مافي كان وقت عشان نتهاوش او تصير مشاكل بينا
:sad: قبل شهر تقريبا تكلم معي انه يحبني و لانه يحبني كثير وهو عقلاني لازم ننفصل انا انفجعت و قلت اكيد في غيري و اكيد واكيد و انهرت !!
بس هو يقول اني صغيره و حلوه والف من يتمناني حرام اضيع عمري معاه و هو مابيكون معي طول السنه و قالي انا ماارضى الك انك تتزوجي بالأسم بس !! انا مش موجود الك صحييح اقدر اوفر كل شي مادي الك بس انا ادري انك تحتاجي اشياء معنويه كثيره انا مااقدر اقدم ابسطها انا مااقدر اكون معك , مااقدر اتكلم معاك براحتي لما تكوني متضايقه , مااقدر اخفف عليك ولا اقدر اصير معك في المناسبات الي المفروض اكون متواجد فيها
قلت اله ان هذا وسواس وانا راضيه بحياتي كذا اهم شي معاه !! قالي انا ابي لك الاحسن و ابيك تعيشي حياه طبيعيه و كلام من هذا النوع
طبعا طنشت و عصبت عليه قلت الرجال حاس بالذنب
بعدين والدي كلمني و قالي انه قبل مايسافر راح وتكلم معاه هو واالدتي واخي و قالو صحييح ان الموضوع صعب بس هذا الي المفروض يصير
عصبت في والدي و والدتي بعد و اخوي , وصارخت وبكيت و رميت كلام عليهم
و بصراحه جاني انهيار من الموضوع , وصرت مااعرف انام غير بحبوب منومه و بس اصيح ومااروح الى اهلي ولاارد على مكالماتهم ولاارد على ايميلات زوجي ولا مكالماته واحس ان صحييح الحياه صعبه و صحييح ان هو معي اقل من ربع السنه و صخييخ ان هذا طبيعه شغله بس انا راضيه ومااتصور حياتي بدونه يكفيني اني انام واصحى اعد الايام متى يجي و يكفيني بس اني احس بالامان بس لان احسااسي انه زوجي :sad:
بديت اشك انه عارف وحده , مع اني متأكده انه مستحيل لانه مايستقر في مكان عشان يعرف !!
و كلمني صديقه الي يشتغل معاه وقالي هو الحين لان ضغوط العمل و ضغوط انه يحس انه مقصر وانه ورطك معاه وقالي انه مرره يحبك ولانه يحبك يفكر في حلول تسعدك انتي حتى لو على حسابه قلت اله يطلقني هذا حل !!
قالي هو تفكيره ان يخاف تندمي بعدين لما الزمن يمر و تشوفي انك ماعشتي حياه طبيعيه وماكونتي عيله حقيقيه وماعشتي مرتاحه مع ان هذا شي انتي بالذات تساهليه
:sad:
ايش الحل و ايش اسوي بليز ساعدوني ؟!!
:sad: حتى شغلي اكيد راح يطردوني صار الي اسبوع مقفله البيت علي ومااطلع ولا اسوي شي غير اني اصيح واخذ حبوب انام :sad: