أنقذوني بعلاج للربو ...... والله يفرج همكم

اختي الله يشفي زوجج ويشفي جميع اخوانا المسلمين وخبرتي في الربو بما انه كان فيني وانا صغيره بس الحمدلله ارتحت منه والسر العسل الطبيعي 100% والحين الوالده تستخدمه مع خواتي الصغار والحمدلله نفع بس ماعرف اذا ينفع للكبار بس انتي جربي يعني ياخذ ملعقه على الريق الصبح وقبل ماينام ملعقه وان شاءالله تشوفين تحسن

مشكوره عزيزتي وما قصرتي والله يوفقج دنيا واخره ويرحم والديج ويدخلج الجنه من اوسع ابوابها



وخواتي الثانيات الله يرحم والديكن الي عندها حل لا تبخلبه وعلى الله الشفا

[grade="00008B FF6347 008000 4B0082"]حبيبتي والله حاسه فيك انا ولدي عمره سنتين وعنده الربو ومن فتره قاعده ابحث على النت عن علاج للربو بس يكون طبيعي مليت من المستشفى والفنتولين لقيت انك تاخذين بصل وتقطعينه صغار وتحطينه ببرطمان صغير وتضعيين عليه من العسل وتغطينه ويوضع في الثلاجه لمده يوم كامل وبعدين يشرب منه على الريق بالصبح ويستمر عليه انا استمريت مع ولدي كم يوم وتحسن شوي لكن ذبحني مايحب طعمه ورفضه الله يشفي زوجك وجميع مرضى المسلمين
اتمنى تسوي بحث وتتاكدين من الطريقه افضل [/grade]

احب زوجي وعيالي


الله يخليلج زوجج وعيالج يارب العالمين ويعطيج من خيره ويكفيج شره ويدخلج انتي وغاليج من اوسع ابواب الجنه

حبيبتي انا بعد عندي ربو بس الحمدلله خفيف يعني مو على طول
بس العسل الطبيعي بالمداومه يكون علاج للربو باذن الله
واناعندي عسل طبيعي مخلوط بالسدر وبعد زين
واذكر مره كنت رايحه لدكتوري لاقيت وحده هناك الصراحه واايد عجبتني وكلمتني قالت لي ابتعدي عن هالمواد الكيماوية وايد احسن وداومي على فيتامين سي
وقالت لي عن نوع من المشروم يجي بودره اسمه "ريشي"Reishi وسويت عنه بحث ولقيت انه يعتبر مضاد للحساسية ويقوي الرئتين ويحسن من الشهيه ((الحين توني مسويه البحث لاني ماتذكرت السبلنج عدل بس انا شخصيا تشجعت آخذ لي منه من الكلام اللي قريته)) وممكن تحصلينه في الصيدليات
وبعد قريت عن البابونج انج تاخذين زهور البابونج وتصبين عليها ماء مغلي وبعد مايبرد ينشرب بس لازم المداومه عليه
والبابونج يعتبر علاج لكل أمراض الجهاز الهضمي والربو بس لازم المداومه ثم المداومه
وانتي اختي سوي بحث عنه وان شاء الله ينفع
والله يشفي زوجج وجميع مرضى المسلمين

[grade="00008B FF6347 008000 4B0082"]مشكوره يالغاليه بس ممكن استخدم قيتامين سي للاطفال بعمر سنتين[/grade]

احب زوجي وعيالي:
[grade="00008B FF6347 008000 4B0082"]مشكوره يالغاليه بس ممكن استخدم قيتامين سي للاطفال بعمر سنتين[/grade]

أعتقد ممكن تحصلين بالصيدليات فيتامين سي للأطفال وتسألين اذا يصلح لعمر السنتين وتراه وايد مفيد
وبالتوفيق

احب زوجي وعيالي وانا الشوق مشكورات يالغاليه ويعطيكن اللف عافيه

انا يبت العسل وان شاء الله انا بنجربه وان انشاء الله بخبركن عن النتيجه وانا الصراحه متفائله

وعند الله شفاه

وبخبره عن الحبوب يا انا الشوق وانشاء الله بدعيلج

سمعت من وحده

والله الشاهد انها قالت لي هالكلام

انها تاخذ كانت زيت اسمه زيت السلحفاه وتشربه ع الريق لمده اسبوع

ومن بعدها ماياها الربوووووو


وكل ممااخبر حد عنده الربووو

بهالكلام يقول لي اقلبي وجهج

مع اني انقل الكلام اللي قالت له اخت كانت مصابه بالربوو


المهم حبيت ارجع واقوله لج يمكن ينفعج هالكلام

تحياتي لج

أختي انا بعد اعاني من الربو من صغري بس ولله الحمد الحين بخير وايد احسن عن قبل لاني سرت عند دكتور عمرو الاكيابي في مستشفى الزهراء قي الشارجه وعطاني علاج وهو عباره عن حبوب اسمها سينغولير و بخاخ مدور لونه بنفسجي واستعملته كل يوم لمدة 3 شهور والحمدلله انا بخير واحسن عن قبل..وهذا الدكتور ممتاز واجهزته متطوره اتمنى لو تنصحين زوجج بزيارته ...
والله يعافيه ويشفيه يا رب

الله يشافي زوجك ويعافيه اختي والبنات ويعافي كل مرضى المسلمييييييييييييييييييين

اللهم امييييييييييييييييييييييييييييييييييييييييين

مشكورات خواتي ويزاكن الله الف خير في ه

افرمي زنجبيل اخضر (( الطازج )) وانقعيه لمدة عشر ساعات
في مويه بمقدار كوبين متوسطه
وحليها بالسكر او العسل يفضل العسل

وخليه يشربه كل يوم كوبين

واليوم الثاني اعملي نفس الطريقه

وهكذا الين يتحسن واذا تحسن
خليه كوب كل يوم
على طول لانه ماله ضرر بالعكس
سوي بحث وبتشوفين فوايد عظيمه للزنجبيل

ملاحظه :
لاتغلينه ولاتسوينه على النار انقعيه وبس
هذا الافضل
والله يشفيه يارب

اسأل الله العظيم ان يشفي زوجك شفاء تاما لا يغادر سقما
كما اذكرك ونفسي بحديث الرسول عليه الصلاة والسلام ( داووا مرضاكم بالصدقة )

اليك هذه الوصفة كنت قد قرأتها في احد المنتديات وحفظتها عندي
والنص كما هو

الوصفه :
7 جرام ورق المليساء
14 جرام ورق مرقدوش
يتم وضعها في كوب ويصب عليه ما مغلي (حار) 300 مل
ويخلط بالملعقه وبعد ان يبرد 20 دقيقه تقريبا ويصبح لونه مثل الشاي اضيفي له ملعقة عسل طبيعي ان وجد او سكر
يستخدم ثلاث مرات يوميا كل 8 ساعات ويستمر عليه لمدة شهرين كاملين دون انقطاع


يوجد ورق المليسا والمرقدوش عند محل العطاره افضل الاسعار عند محل (كريشان )
المرقدوش:20 ريال للكيلو
المليسا :30 ريال للكيلو
ستحتاجين 3 كيلولهذه الوصفه

النتائج :باهره لجميع حالات الربو!
ولاتوجد آثار جانبيه ولله الحمد

هذه الوصفه منقوله من الشيخ عبدالله بن محمد السدحان (شخصيا)
لاتنسون الشيخ من دعائكم

خواتي نواره وميره جزاكن الله الف خير في ميزان حسناتكن ان شاء الله

الرحمن بسم الله الرحيم
قبل اكثر من 3 سنوات جلسة مع واحد من اصحابي فقال ابشرك طلع علاج
لمرضى الربو فقلت معقوله فقال اذا تعرف احد
مريض اذهب اليه مارايح يخسر شي المريض وعلاجه كان (بالفصد) اي
بقطع وريد وخروج الدم الفاسد اي مثل
الحجامه.........
وقبل رمضان 1427بـــ4 ايام طلعنا البر انا واصحابي وبعدها جلس
جنبي واحد مريض بالربو لدرجة يحمل بخاخيين ربو
وكان الربو لديه حاد جدآ لدرجة كان يوجد لديه بالبيت جهاز اكسجين
يستعمله اغلب الوقت وبعد نقاش معه قلت له هل ذهبت
للعلاج قال والله ياخالد تعبت حيل قلت انا سمعت عن واحد يعالج
وشرايك نروح نجربه ماانت خسران شي فقال مشينا قلت شف
الوقت المناسب واتصل علي ونطلع للرجال قال ماقصرت.......
وفي يوم الاربعاء الموافق 5/9/1427 بعد صلاة العصر مباشرة اتصل
علي قال هلا خالد فاضي قلت ان شاءالله وشعندك قال
نبي نروح للرجال الي يعالج بالربو قلت ابشر قال انا جهزت اغراض
الفطور نفطر بالطريق قلت ابشر خلك جاهز......
بعدها وصلنا عند الرجال قبل الافطار لان المسافه طويله 250 كيلو
سلمنا عليه قلنا الوضع كذا وكذا فقال اي منكم مصاب بالربو فقال
انا فمسك يده اليسرى فقام ينظر للعرق (مجرى الدم) فقال ابشر
بالخير ان شاءالله ولكن انا لاافصد وقت المساء لان الشوف عندي
ضعيف ولكن فيه ولد لي ان شاالله يستطيع الفصد بمساعدتي
وهالحين انت صايم فقال خلها بكرا قلنا جايينكم من مكان بعيد فقال
خلاص افطروا عندنا وبعد المغرب يكون خير ان شاالله فقلت
ابشرك فطورنا معنا ونجيكم بعد المغرب قال على راحتكم ياولدي
وبعد الافطار بالبر صلينا المغرب واتجهنا اليه......
ولما اتجهنا اليه فقال صاحبي المصاب بربو انا الان بأزمه ولكن لن
استخدم البخاخ بشوف هل يفيد الفصد الآن من الرجال الله
يجزاه الف خير
ولما وصلنا عند البيت قام بالترحيب بنا الله حيهم تفضلوا
فقال يافلان هات القهوه والشاهي بسرعه والله رغم كبر سن الرجال
اطال الله عمره استقبلنا استقبال حار جزاه الله الف خير
وبعدها ضحك الرجال فقال احضر الادوات ؟ وسأل صاحبي هل خفت ياولدي
فقال لاوالله ولو انا خايف لما قدمت من مكان
بعيد.....
بعدها فصد صاحبي مع يده اليسرى وقال ابشر بالخير ياولدي ان
شاالله انك تشافيت
وبعدها قمنا انا وصاحبي وسلمنا عليه فقال دعواتكم لي ((مع العلم
انه لاياخذ ريال واحد)) يقول الاجر عند ربي وربكم ان شاالله
جزاه الله الف خير
فقلت لصاحبي لما ركبنا السياره بشر قال ابشرك احس ان صدري خف
والازمة راحت قلت الله يبشرك بخير ان شالله
وكل يوم اتصل عليه بشرنا عنك قال ابشرك لم استخدم البخاخ من يوم
فصدت عند الرجال جزاه الله خير بعدها بـــ10 ايام
أخذ فريضة العمره صاحبي شكر لله بعدا شفائه من المرض الذي اتعبه
ليلا و نهارا
مع العلم ان المرض لديه حاد جدآ جدآ
ولله الحمد شفي صاحبي تمامآ من المرض
وقبل ان اكتب الموضوع كلمته قلت بشر قال ابشرك شفيت تمامآ
فقال افطر عندي قلت لا خلها فرصه ثانيه مع السلامه وماتشوف شر ان
شالله
المكالمه كانت الساعه 4.20 في تاريخ 20/09/1427
ولله الحمد 15 يوم ولم يستعمل البخاخ دعواتكم للمعالج جزاه الله
الف خير وآطال الله عمره

((الدال على الخير كفاعله))
لمعرفة عنوان المعالج مراسلتي على sad-1asd-1********.com
او على **** 0500780000 أخوكم خالد
اقسم بالله كتبت هذا الموضوع لما يعانيه مرضى الربو الله يشافيهم
ان شاالله
دعواتكم لنا ولشفآ مرضنا ومرضى المسلمين في هذا الشهر الكريم

منقول.........
واتمني لك الشفاء

أسأل الله رب العرش العظيم أن يشفيكم
أنا سمعت العسل+ حبة البركه لأن حبة البركه تساعد في توسيع الشعب الهوائيه

العنزيه جزاج الله الف خير وان شاء الله بدعيلج من قلب وزجي قرا موضوعج ومهتم بالسالفه وبيشوف الريال


نور الله يعطيج العافيه يالغاليه ولج مني دعوه صادقه وزوجي هالفتره مستمر على العسل والبص ويدهن صدره بزيت الحبه السودا




:salam: