سؤال الى مدمنات الكحل الاسود الثقيل
ام خللودي
16-12-2006
16 رد
4,648 مشاهدة
مرحبا :shy:
انا احب احيانا وضع الكحل الاسود بالطريقة مثل الصور التي تضعها بعض الاخوات يعني اقصد مكياج ثقيل وكحل اسود كثيف ، لاني متعودة دايما على الخفيف جدا ، لكن الاحظ اني بعد ما ازيل الكحل لا اتقبل نفسي يعني يكون شكلي مختلف ومثل المريضة ، فسؤالي للبنات مدمنات الكحل الثقيل الاسود ، كيف تتصرفوا ؟ هل دائما الكحل في العين ؟ والمتزوجة شو يكون رأي زوجها لما يشوفها بدون كحل كما هي معتادة ؟
ااقولج عن نفسي ...
انا موو دايم احطه ...
ووزوجي مايحب الميك ااب كثير
يعني عاادي ااذا حطيت مكياج اسود واذا شلته عاادي ....مايلاحظ فرق بعد المكياج الاسود
بصراحة أنا كنت وايد أحط الكحل أسود و تكون العيون نظرتها حلوة و جذابة... بس عقب حبيت أخفف... أستويت أحط داخل العين بس من فوق وأيلاينر فوق العين قريب الرموش خط وايد رفيع... و العين بشدو خفيف و ماسكرا تخلي شكلج بريء وحلو هذا رأيي... جربي بس خففي بالتدريج مو مرة وحدة.... التغيير حلوة بعد... و مع أني مب متزوجة أسمع أن الريايل يحبون الزوجة تغير بشكلها دوم ...
و الله يوفقج ويسعدج حبوبة...
م
مسزز غموضة
عروس ركن المكياج
16-12-2006 | 02:39 PM
هلا ام خلوودي
حبيبتي ما اعرف اذا تقصدين بقايا الكحل بالعين وعندج سائل كريمي جديد من جونسون
- قطن مبللة لازالة الكحل
- كريم لطيف التنظيف
حبوبة ممكن تشيليهم بزيت زيتون او لوز وعلى فكرة ممكن بعدها تستعملي مرطب وجه او عيون منشط ولازاله اثار التعب يفيد وانصحك بكلارنس
بالنسبة للسؤال الثاني مب متزوجة انا بعد وما راح اقدر افيدك :shy:
بالتوفيق حبوبة :shy:
هذا لانج تعودتي على شكلج وشكل عينج بالكحل الاسود :)
وعلشان جذي اذا قعدتي يوم واحد بدون كحل راح تلاحظين فيج شي ناقص
وتكون نظرتج لانفسج كانج مرييضه عدل :)
بس انتي خففي الكحل بتدريج وهشي راح يساعدج وراح يعودج ويعود زووجج على عدم الملاحظه
ويكون الشكل طبيعي :)
وانشالله افدتج
عادي اختي بالعكس حلو التغيير مرة بكحل عريض ومرة خفيف
بس انا عمري ما طلعت الا بكحل داخل العين لازم احط كحل داخل بعيني سواء برا البيت او داخله
خلاص عودت نفسي قدام زوجي اطلع بكحل وهو شي وايد بسيط مو صعب كل يومةكحلي عيونج من داخل
مشكورات حبيباتي ، افدتوني الله يجزيكم الخير .
هذا لانج تعودتي على شكلج وشكل عينج بالكحل الاسود
BntZayed
شكرا حبيبتي ، انا ما تعودت بالعكس انا احطه خفيف علشان هيك لما احط ثقيل وكثير احس نفسي شكلي مختلف كليا . لهالسبب سألت الاخوات المتعودات على الكحل اليومي الثقيل شو يسوون .
انا بعد احس بفرق كبير عقب ما امسح الميكب خصوصا لني اعاني من السواد تحت عيوني
ماشي كريم اساس دايم :shy:
انا مثلج
كنت احس نفسي مريضة
وأحيانا أتجرأ وأروح الجامعة بدون كحل :) بس ألبس نظارتي الشمسية لول :o
عموما بعدها عودت نفسي أروح بدون كحل بس مثلا اعوض بروج لونه حلو
أو مثلا احط كحل خفيف
وعقب صرت اروح يومين في الأسبوع بدون مكياج لا كحل ولا روج ولا بودرة :D عشان أريح بشرتي
تحياتي
شكرا حبيباتي ، انا لا اضع الكحل الاسود الثقيل الا في المناسبات واشتهي ان اضعه كل يوم ولكن اخاف من ان لا اعود اقبل نفسي بدونه .
عيل يا حيج... نصيحتي لا تحطينه الا في المناسبات... و مثل ما قلنا اذا تعودتي على عمرج فيه صعب تتركينه....
انا مدمنه كحل الصراحه الثقيل وووايد احب واشتريه من لايف ستايل
وانا مره متزوجه
والصراحه بدون كحل وبكحل يموت علي زوجي
انا مدمنه كحل الصراحه الثقيل وووايد احب واشتريه من لايف ستايل
وانا مره متزوجه
والصراحه بدون كحل وبكحل يموت علي زوجي:shy:
هلا الغالية
انا بعد احب الكحل الثقيل
وبعد ماخلص امسح عيوني " بمناديل جونسون 3 في 1 " وبعدها اغسل ويهي بسائل التنظيف
من جونسون ويصير شكلي عادي .
وحلو انج تغيرين بطريقة المكياج واكيد ان ريلج لازم يشوفج بدون كحل لان اكيد ان طول الوقت
ماراح تكونين متمكيجة بس تقدرين تكتفين بكحل داخل العين وشوية ماسكرا واذا عندج هالات
سوداء حطي مسحة من الكونسيلر .بس مع مراعاة غسل الوجة قبل النوم .
تسلمون يا حبيباتي ، شكر خاص لكل من شاركت برأيها .