بكرة بنروح نشتري مكياج .. ساعدوني

لااطخون واااااايد بيطيح في جبدها لاتنزلين ان كل فترة ينزل شي مطور وجديد وحسب المواسم .


الكريم الاساس اليومي .. شنو احسن ماركة / اف سان لوران بوفرشاة يمدحونة وايد لانة خفيف.

الكونسيلر / ميك اب فور ايفر.

الماسكرا / ماك كول بلاك - وكريستان ديور ماسكرا شو اعتقد هالشكل اسمها .

الكحل السائل / انا كنسلت السائل من جربت القلم اللي ضد الماء من ماك بسرعة ينخط واسود وثابت.

الشادوهات / ميك اب فور ايفر وكريولان المائي .

لمعة الجسم / في لمعة جسم من ماك وفي من ريفلون وبدرجات مختلفة بني فاتح على ذهبي وفي

برونزية .


وبس والله يوفقكم انشالله يالغالية .

الاساس

من ديور او تشانل


الكحل من فلوريلا


الايلاينر والماسكارا من لانكوم


والكحل ايضا من كريولان


وماسكارا ايضا ديور وايضا اتش ار وايف سان لوران


اي شادو من كريولان او فور ايفر او سنيورا


الكونسيلار من كريولان او ديرما كولور


لمعه الجسم من جيرلان مرة رائع وريحته حلوة


وشكرا ان شاء الله افدتكم

انصح بفور ايفر ررروعه منه الفيس وكريم الاساس وكريم الاضاه وكلاس يكبر الشفايف روعه ولمعات وانصح بودرة الاضائه من ماك والكحل ديانا والمسكره اكس اكس ال وقلم الحواجب من برجوه ومخفي العيوب من بدي شوب او من لانكم وبصراحه الشدوات والارواج والبلشر اخذها من كل الماركات الي يعجبني

وينقل لركن المكياج

الف مبرووووووووووك زواج اختج

:

الكريم الاساس اليومي .. شنو احسن ماركة
استي لودر مكسيم كفر تغطيته رهيبه

الكونسيلر
ماك اللي على شكل تيوب وفورايفر بعد المعصاره

الماسكرا
ديور وااايد يمدحون مسكارتهم اللمتد ان شاء الله تلحقون عليها ومسكارا ايف سان لوران تهبل

الكحل السائل
مثل لانكووووم مافيه

الشادوهات
كريولان وبناي وديور وماك

لمعة الجسم

لمعه من اربان ديسي في السلام او فور يو اللي بحياة بلازا لمعتها حلووه وتنفع للمتزوجات لانها بنكهه

لمعه من ماك عندهم سلفر وبرونز

لمعة الدايموند باودر من فورايفر

جزاكم الله خير اخواتي

:)

الكريم الاساس اليومي .. شنو احسن ماركة = كلينك

الكونسيلر = فور ايفر وشارمل

الماسكرا = برجوا واف سان لوران و لانكوم وماكس فاكتور

الكحل السائل = لانكوم

الشادوهات = فور ايفر و نارس وشسيدو

لمعة الجسم = كريولان بلا منازع

وبالتوفيق يارب

ماشاء الله البنات ماقصرووو

انا مكياجي بسيط وماعندي خبره :)

انصحك خذي مكياج بن ناي لان الوانه روعه وثابته وانه اخذه من وحده تبيعه بسعر مناسب اذا تبغين رقمها باعطيك اياه

اممم في البدايه الف مبرووك انشاء الله يتمم لاختك على خير وسعادة يارب

بالنسبه للتجهيز للميك اب انا حالياً قاعده اجهز لبنت عمتي جهازها من الميك اب والعطور بحكم انها تثق بذوقي وخبرتي لاني جربت الماركات كثير وتقدرووون تقولون خبيره بالمكياج وبطرق وضعه كمان خخخخ :) مبسوطه بنفسها هههههههههههههههههههههههههههههه


اولاً : لازم تشتري زي ماقلتي اساس يومي وشي للسهرات وفي الاساس لازم تراعون نوع البشره اول شي من حيث اذا كانت جافه تاخذون كريم اساس مع مرطب في نفس الوقت عشان يطلع حلو على البشره وطبيعي ولايقشر ويطلع باهت واذا كانت دهنيه تاخذون اساس خالي من الدهون والترطيب وتكتفي بوضع نقط من كريمات الاويل كنترول وهذي تحصليها بجميع الماركات وفيه من سان لوران منتج حلو قبل الاساس للبشره الدهنيه اما اذا كانت بشرتها عاديه فماعندها مشكله في اختيار الاساس فيصير عليها بس تختار اللون المناسب لبشرتها ومن الاساسات اليوميه الرائعه ماكس فاكتور + لوريال + مايبيلين اما الاساسات الاثقل شوي وتنفع للسهرات : كانيبو مع بودرته + اساس ديور مع بودرته + وجيرلان كمان مع بودرته روووووعه للمناسبات هذول مجربتهم مررررررره حلوين .

ثانياً : انصحك وبعمق انك ماتخذي كل مكياجها من ماك التنويع مطلوب وحلو كثير ماك عندهم الشدوهات حلوووووه مررره اما الباقي الماركات الثانيه مغطيه عليهم .

ثالثاً : بالنسبه للكونسلر ياقلبي على حسب حاجه بشرتها اذا كانت خاليه من العيوب او تحتاج كونسلر خفيف وانصحك في هالحاله بكونسلر من جفنشي اسمه مستر لايت مرررررره حلو للي ماعندهم مشاكل الهالات السوداء والبقع بالوجه ويوضع كمان قبل الشدو ليثبته ويبين لونه عدل مدل اما اذا كانت بشرتها بحاجه لتغطيه كونسلر قويه وعندها هالات سوداء تحت العين او بقع واثار حب الشباب فانصحك بالبان ستيك من كريولاين فهذا مررررره بروفشنال يغطي العيوب 100% ومنها الهالات والبقع واذا حطيتي الاساس فوقه تصير بشرتك كأنها مرايه خاليه من العيوب انشاء الله .

رابعاً : بالنسبه للكحل السائل والقلم السائل عندك كيومي خلها تجرب برجوا السائل وفيه منه الوان كثيره مررررره حلو ودقيقه فرشته خاصه للمبدئين بالمكياج سهل مرررررره ولازم تشتري ثاني ملون مثلاً اخضر ازرق اهم لونين فعندك الخيار ماك او لانكوم وبالنسبه للناشف القلم يعني عندها ريفلون رائع جداً ورخيص كمان وثابت وسواده فحم .

خامساً : بالنسبه للارواج والقلوسات تختار ولاتحتار ههههههه بصراحه ماركات كثيره ممتازه بالارواج وفيه منها رخيصه بعد يعني زي ريفلون وريميل وميبيلين روووووعه ارواجهم وقلوساتهم كمان للاستخدام اليومي والسهرات بعد بس فيه انواع معينه من الماركات عندهم قلوسات وارواج تجنن زي ماك ، ديور وانا اعشق ديور صراحه ، وعندك كمان لوريال قلوساتهم مررررره حلوه والمحددات اذا كانت تبي الغالي افضلهم سان لوران ، والباقي خل تشتريهم من ريميل وريفلون والماركات المعقوله هذي مررررره حلوه .

سادساً : واللي هو تقريباً الزبده الشدو الخيار واسع قدامها فيه ماك ، ديور لو تشتري منه باليته بالوان الازرق رووووعه تراها ، بلايته بن ناي اللي فيها 12 لون خبال بصراحه وكثير كثير ماركات مميزه بالمكياج بس لاتنسي تشتري لها من البلايتات اللي تجي فيها 28 لون او اكثر وفيه منها مخملي اسمها كلاسيك وثانيه اسمها فيمس ليدي والله تجنن والوانها لامعه وثابته كمان ورخيصه .

سابعاً : البلاشرات فيه ماركات بصراحه مررررررره حلوه ومميزه بلاشراتهم ولو انها غاليه مثل سان لوران وديور وبنيفيت برضه مرررررررره حلوه و اما الماركات الرخيصه وبلاشراتهم رووووووعه عندك ماكس فاكتور ، بودي شوب ، ميبيلين ، ودي ام جي ام رووووووووووعه بلاشراتهم والشدوهات حقتهم بعد خاصه اللون الفضي والذهبي واللولؤي تصلح لاضاءة تحت الحاجب .

واتمنى اكون افدتك واسفه جداً للاطالة عليك بس والله حابه افيدك باحسن شي واذا نسيت شي انا عندك اي سوال تفضلي

حبوبة

البنات فعلا ما قصروا معج


بس كنصيحة وخذيها كتجربة شخصية لفي بنفسك على كل محلات المكياج ابحثي في المنتدى في النت

تعرفي عليهم اختاري ماركات معينة وروحي جربي الي تبيه حتى تتعرفي على نوعيه بشرتك
وعلى مشاكلها وشنو يناسبها او شو ما يناسبها

وافضل المحلات المتخصصة بالمكياج خاصة مــاك وميكاب فور ايفر لو تجلسين ساعات البنات ما يقصرون لانهم مدربين على ارضاء الزبون


تاخذي عينات خاصة من العناية بالبشرة والمرطبات وكريمات الاساس حتى تجربيها وتعرفي شنو المناسب

لانك مع الوقت راح تتعودي على معرفة الجديد وعلى الانواع الي متوفرة


الله يوفقج حبوبة :shy:

هذا العشم فيكم يا بنات

الله يجزاكم خير يارب

ماشاءالله البنات ماقصروا

والله يهني اختج يارب ويوفقها
وعقبال ماتجهزين حق عرسج يارب

مع خالص حبي

ياليت تشوفين موضوع تجهيزي لاختي بعد وتستفيدي

وهذا صور من مشتروات جهاز اختي في الموضوع
http://www.3roos.com/forums/showthread.php?t=216599

ياليت تشوفين موضوع تجهيزي لاختي بعد وتستفيدي

وهذا صور من مشتروات جهاز اختي في الموضوع
http://www.3roos.com/forums/showthread.php?t=216599